Mənim sözüm budur ki, bu müqaviməti, bu ruhiyyəni xalqda bacardığınız qədər möhkəmlətməlisiniz. Siz haqlı olaraq dediniz ki, Fələstin məsələsinin yeganə həll yolu müqavimət və mübarizədir. Bu düzgündür, lakin bu müqavimət və mübarizə bu xalqın əhval-ruhiyyəsini qorumağa, bu xalqın ümidini qorumağa, xalqı səhnədə saxlamağa bağlıdır. Mənim fikrimcə bu, fələstinli qurpların, Fələstin təşkilatlarının və Fələstin mübarizlərinin görməli olduğu ən böyük işdir. Bu gün hər iki tərəfdən - istər sionist düşmən tərəfindən, istər o biri tərəfdən Qəzzəyə edilən bu hücumlar xalqı müqavimətdən daşındırmaq məqsədi güdür. Qərb sahillərində xalqa göstərilən təzyiqlər - istər qəsəbə salmaqda, istər Qüds məsələsində... istər o qəribə şiddətlərdə, istər sədd çəkməkdə və bu kimi işlərdə edilən təzyiqlər xalqı müqavimətdən uzaqlaşdırmaq və təslimçilik seçiminə sarı sövq etmək üçündür. Buna imkan verməməliyik. Bunun baş verməsinə imkan verməməlisiniz. Fələstin xalqını, Qəzzə xalqını, bu müqavimətli və polad xalqı ümidvar saxlamalısınız. Bilməlidirlər ki, onların bu əzəmətli hərəkəti nəticəyə çatacaq. Bu bir məqamdır və mənim fikrimcə çox mühümdür.
İsrail sübut etmişdir ki, güc dilindən başqa bir şey anlamır. Onunla bir xalqın və bütün dünyadakı İslam ümətinin qüdrəti dilindən başqa bir yolla danışmaq olmaz. Siz İslam xaqlarının nümayəndələrisiniz. Siz Fələstin xalqının nümayəndələri, parlamentlərin nümayəndələri, xalqların nümayəndələri buraya toplaşmısınız ki, Fələstinə dair qərar qəbul edəsiniz. Qərar Fələstinin xilası olmalıdır, başqa bir şey yox. Bunun da yalnız bir yolu var; o da Fələstinin müqəddəs intifazə qüvvələrinin tanıdığı və izlədiyi yoldur; Fələstin torpaqları daxilində mübarizə yolu. Çarə yalnız budur.
Dostları ilə paylaş: |
