Mövzu 32
Rabitə yaradılmasını idarə edən modul-RİM (CCM)
Bu modul kommutasiya sahəsinin kadr platalarından-KSKP(FSN) və idarəetmə platalarından-İP (BAC) ibarətdir. RİM modul C&C08 ATS-in müxtəlif modullarına rabitənin idarə olunması üçün vacib olan bütün verilənlərin ötürülməsini təmin edir. Bütün KM modulları digər modullarla yaradılan rabitənin idarə edilməsi üçün vacib olan informasiyaları RİM vasitəsi ilə mübadilə edir.
İki səviyyəli struktura malik olan RİM modulundan və yüklərin bölünmə sxemindən istifadə olunması sistemin etibarlılığını yüksəldir.
Şəkil 1-də kadr kommutasiya sahəsi platasının sxemi təsvir edilmişdir.
Şəkil 1. Kadr kommutasiya sahəsi platasının sxemi
RİM modulunun hər bir səviyyəsi HW tipli 56 ədəd giriş xəttinə və eyni tipli 56 ədəd çıxış xəttinə malikdir.
Şəkildən göründüyü kimi trafikin həcmindən asılı olaraq dinamik qaydada veriliş sürəti avtomatik dəyişir. Bu isə şəbəkənin artıq yüklənməsinin qarşısını alır. Kommutasiya sahəsinin kadr platasının RİM modulunun tərkibində olması onun buraxma zolağının 512Mbitə qədər artırılmasına imkan verir.
Dostları ilə paylaş: | 
