An pan i Şanye same leo i túlala mánaron, mal lá i quanta emma i nation, i *yancar *yácine loallo loanna uar pole care ilvane i talar tai. 2Qui carnelte, ma mo ua pustane *yace, i *tyerindor nála poitaina erya lú ar tennoio, lá ambe tuntala úcare intesse? 3 Úsie, sine *yancainen ea enyalie úcariva loallo loanna, 4 an i serce mundoron ar nyéniron ua pole mapa úcare oa.
5 Etta, íre tulis mir i mar quetis: "*Yanca ar *yacie ualye merne, mal manwanel hroa nin. 6 Ual same alasse urtaine *yancassen, hya *yancassen pa úcari." 7 Tá quenten: "Yé, utúlien – i *toluparmasse ná técina pa ni – carien indómelya, Eru!" 8 Apa minyave quentes: "Ual merne hya sáme alasse mi *yancar ar *yacier ar urtaine *yancar ar úcare-yancar" – yar nar *yácine i Şanyenen – 9 tá quetis: "Yé, utúlien carien indómelya." Mapas oa i minya tulcien i attea. 10 Tana "indómenen" nalve airinte i *yaciénen i hroava Yésus Hristo, erya lú ar tennoio.
