III. AVTOMOBİL NƏQLİYYATINDA TƏHLÜKƏSİZLİK 11. NƏQLİYYAT MÜƏSSİSƏLƏRİNDƏ SANİTARİYA-EPİDEMİOLOJİ TƏLƏBLƏR Sanitar norma və qaydaları təbii ətraf mühitin keyfiyyətinə qoyulan sanitar-epidemioloji tələbləri müəyyən edir. Belə normativlərin məqsədi insan sağlamlığına tətbiqə nəzərən ətraf mühitin keyfiyyət göstəricilərinin müəyyən olunmasıdır. Onların əsasında aşağıdakı əsas prinsiplər durur: əhalinin ekoloji təhlükəsizliyi, bitkilərin, heyvanların və insanların genetik fondlarının qorunması, təsərrüfat fəaliyyəti üçün təbiət amillərinin səmərəli istifadəsinin və yenidən istehsalının təmini. Sanitar norma və qaydaları təbii mühitə mənfi təsirlərin bütün növlərini, o cümlədən kimyəvi maddələrin torpaq və suyun tərkibindəki konsentrasiyasının miqdarını, yaşayış məntəqələrində atmosfer havasının çirklənmə səviyyəsini məhdudlaşdırır.
Təbii ətraf mühitin keyfiyyətini müəyyən edən normativlər iki qrupa bölünür.
