Həyat fəALİYYƏTİNİn təHLÜKƏSİZLİYİ” FƏNNİ ÜZRƏ MÜhaziRƏ I. ƏMƏk mühafiZƏSİ

Söküb-yığma işləri. Avtomobillər texniki vəziyyətindən asılı olaraq qismən və ya tam sökülür. Hissə və aqreqatların yerinin dəyişdirilməsi qaldırıcı-nəqledici qurğularla icra olunur. Qaldırma və endirmə üçün müxtəlif tutqaclardan istifadə olunur. Qaldırıcıların yük qaldırma qabiliyyəti 0,5 – 10 ton olur. Söküb – yığma prosesində təhlükəsizlik normativlərinə əməl olunmalıdır.

Dəmirçi-ressor işləri. Dəmirçi-ressor şöbəsi 100 -dan çox sahəyə malik olur və başqa şöbələrdən yanğından mühafizə divarları ilə ayrılır, divarların hündürlüyü 5,5 – 6 m olmalıdır, döşəməsi üzçəkmə daşları və ya beton örtüklərdən ibarət olmalıdır, ventilyasiya qurğusu nəzərdə tutulmalıdır. Əməyin mühafizəsi məqsədilə avadanlıqlar normativlərə uyğun yerləşdirilməlidir, pres və qızdırıcı soba əlverişli işin təmini nəzərə alınmaqla düzgün qurulmalıdır, şüa enerjisi işçilərin bədəninə və üzünə düşməməlidir.

Ayrılan qazlar (soba, vanna və s.-dən) yerli sorma ilə xaric olunur.

Kürənin işçi vəziyyətində onun təmiri və ya yoxlanması qadağandır (həm də yığışdırma işləri qadağandır). Kənar şəxslərin şöbəyə daxil olması qadağandır. Səs-küy normasına da nəzarət olunmalıdır.

Termiki şöbə. Termiki emalda əsasən tablama, bişirmə, sementləmə və normallaşdırma texnoloji prosesləri icra olunur. Termiki sex yaşayış binaları, müalicə-profilaktika və mədəni-məişət obyektlərindən 50 m məsafədə (küləyin istiqaməti nəzərə alınmaqla) yerləşməlidir. Sexin hündürlüyü 8 m olmaqla birmərtəbəli binada yerləşməlidir.

Qaynaq şöbəsi. Elektrik qaynağı işləri üçün avtonəqliyyat müəssisələrində qaynağın müxtəlif üsullarından istifadə olunur: elektrik qövsü ilə (əllə, yarımavtomatik, avtomatik), adi və ya boruşəkilli elektrodla lehimləmə, elektroimpuls lehimləmə.

Təhlükəsizlik qaydalarına əsasən elektrik qaynağı ilə əlaqədar işlər xüsusi kabinetlərdə aparılır. Onların ölçüsü 1,5×1,5-dən 2,5×2,5 (m²) qədər olur, divarının hündürlüyü isə 1,8 m olur. Divar xaricdən qara rənglə, daxildən isə tutqun rənglə (tərkibində sink oksidi olmaqla) rənglənir. Daxili rəng işıq selini dağıdır və eyni zamanda ultrabənövşəyi şüaları udur. Elektrik qaynaqçısının stolu polad və ya çuqun plitə ilə örtülür. Binanın daxilində temperatur 12 – 15 ºC-dən aşağı olmamalıdır.

Qaynaq şüalarının gözə təsiri çox zərərlidir və kəskin ağrı verir, bu halda ilk növbədə gözə tam sakitlik yaratmalı, üzərinə soyuq kompres qoymalı, qaranlıq şərait yaratmalı və həkimə müraciət etmək lazımdır. Qaynaq zamanı hökmən mühafizə şüşəli şlemdən istifadə lazımdır.

Qaynaq zamanı həm də metal oksidləri buxarı yaranır. Qaynaq məşəli ətrafındakı havanın hər kub metrində 100 mq toz yaranır. Qaynaq binasında tozların buraxılabilən konsentrasiyası 1 havada 3 mq-dan artıq ola bilməz, CO-nun konsentrasiyası isə normaya görə 1 havada 10 – 20 mq-ı aşmamalıdır.

Qaynaq işlərində ancaq 18 yaşdan yuxarı fəhlələr işləyə bilər. Qaynaq işləri təhlükəli və tezalışan maddələrdən 5 m aralı aparılmalıdır.