| Qazqaynağı işləri. Qaynaq prosesində asetilen, hidrogen, neft qazları, təbii qazlardan istifadə olunur, yəni elə qazlardan istifadə olunur ki, oksigenlə qarışığı yüksək temperaturlu alov yaratsın.
Avtomobil nəqliyyat müəssisələrində asetilenin alınması üçün asetilen generatorlarından istifadə olunur. Balondakı oksigenin təzyiqi 15 MPa (20 ºC-də), asetilenin təzyiqi isə 1,6 MPa olur. Balonlar günəş şüalarından uzaq saxlanmalıdır. Oksigen balonu işçi yerindən 5 m uzaqda divara xamıtla bağlanmış şəkildə vertikal dayanmalıdır. Hər bir qaynaq postunda ancaq 1 ədəd ehtiyat oksigen və 1 ədəd də asetilen balonu saxlana bilər. İşə başlamazdan əvvəl qaynaqçı balonları yoxlamalıdır: onun doldurulma vaxtını, kranların yivlərinin vəziyyətini, balon səthində və reduktorda yağın olmamasını və yağlı maddələrin olmamasını yoxlamalıdır.
Asetilen qazı 0,15 MPa və +50 ºC-dən yuxarı temperaturda öz-özünə alışır. Asetilen generatoru ayrıca binada ventilyasiya şəraitində saxlanılmalıdır, burada temperatur +5 ºC-dən aşağı olmamalıdır. Divarlar odadavamlı materialdan olmalıdır.
Dostları ilə paylaş: |
