| Xarici passiv təhlükəsizlik elementlərindən biri bamperdir ki, o avtomobilin kiçik sürətlərində zərbəni yumşaldır (dayanan anda və ya parklama zamanı zərbəni yumşaldır). Bamperin konstruksiyası və materialı deformasiya olunaraq zərbəni minimuma endirə bilməlidir (minik avtomobillərində bamper plastiktdən, yük avtomobillərində nazik təbəqə metaldan və ya plastikdən hazırlanır). Toqquşma zamanı bamper ayrılıqda deformasiya oluna bilməlidir ki, zərbə dalğası enerjisinin bir hissəsini avtomobilin qabaq hissəsinə ötürməsin, sürücü və sərnişinləri kəskin zədədən qoruya bilsin. Ona görə də bamper kuzova elastik rezin elementlərlə və ya teleskopik amortizatorlarla birləşdirilir. Avtomobilin deformasiyası nə qədər çox olarsa sürücü toqquşma zamanı bir o qədər az zərbə yükünə məruz qalar. İnsanın zərbə yükünə dözmə həddi (50...60) g qiymətlərində olur, bu isə mühafizəsiz insan bədəninin 15 km/saat sürətdəki zərbəyə dözmə enerjisinə ekvivalentdir. 50 km/saat sürətdə bu enerji 10 dəfə artır.
Xarici passiv təhlükəsizlik kuzovun dekorativ elementləri, qapı dəstəyi, güzgü və digər detallarının yerləşdirilməsindən asılı olur.
Dostları ilə paylaş: |
