Daxili passiv təhlükəsizlik. Daxili passiv təhlükəsizliyə 2 tələb qoyulur:
İnsanın müəyyən zərbə yükünə təhlükəsiz davam gətirməsinə şərait yaratsın;
Kuzovun daxilində (kabinada) zədə yarada bilən elementləri olmasın.
Avtomobilin toqquşması anında sürücü və sərnişin ani müddətdə (avtomobil ani dayandıqda) hələ hərəkətdə olurlar ki, zədələr də elə bu anda baş verir (başı şüşələrə, cihazlara, dayaqlara, sükan çarxına və s. dəyir). YNH-nin tədqiqi göstərir ki, əsasən qabaq oturacaqlardakı adamlar zədə alır, buna görə də həmin oturacaqlardakına kömək üçün avadanlıqlar nəzərdə tutulur: sükanın yerdəyişməsi, zərbənin paylanmasının təmini, sürücü və sərnişinlərin çölə atılmasının olmaması (kəmərlər, başaltılar, təhlükəsizlik yastıqları və s.). Təhlükəsizlik kəmərləri zədələrin sayını 60-75% azaldır. Təhlükəsizlik yastıqlarının çatışmamazlığı onun açılması anındakı güclü səsin baş verməsidir.
Bəzən belə səhv fikrə gəlirlər ki, əl və ayaqla dayaq verməklə zədə ağırlığını azaltmaq olar (kəmərsiz), lakin sadə hesablamalarla sübut etmək olar ki, əl və ayaqla kəməri əvəz etmək olmaz. 30 km/saat sürətlə maneəyə çarpılarkən sürücü 3,5 m hündürlükdən yıxılandakı zərbəyə ekvivalent zərbə yükünə, 60 km/saat sürətdəki zərbə isə 14 m hündürlükdən yıxıldıqda məruz qaldığı yükə bərabər zərbəyə məruz qalır.
Dostları ilə paylaş: |
