Rəhimli, İlham Əziz oğlu Azərbaycan teatr tarixi : 5 cilddə / İ. Ə. Rəhimli.
III cild. - Bakı : Şərq-Qərb, 2017. - 608 s.
Sənətşünaslıq doktoru, professor İlham Rəhimlinin "Azərbaycan teatr tarixi" fundamental tədqiqat əsəri 5 cilddən ibarətdir. Alimin bu əsərlərində Azərbaycan milli teatr tarixi min-min illər əvvəllərdən mövcud olan xalq oyun-tamaşalarından, meydan teatrından başlayaraq günümüzə qədər olan dövrü əhatə edilib. Azərbaycan teatrşünaslığında peşəkar səhnə sənətimizin bütün tarixi mərhələləri-təşəkkülü, inkişaf tarixi, əsas yaradıcılıq mərhələləri, bədii-estetik səciyyələri, poetikasının əsasları, janr üslub müxtəlifliyi ilk dəfə konseptual şəkildə, elmi-nəzəri prinsiplərlə, xronoloji ardıcıllıqla araşdırılıb. Üçüncü cild "Mövzu, janr və üslub axtarışları" bölümü ilə başlayır. Burada Milli Dram Teatrının və Opera və Balet Teatrının yaradıcılıq yollarının 1938-2016-cı illəri əhatə edilib. Hər iki sənət ocağında böyük yaradıcılıq izi olan qüdrətli səhnə ustalarının yığcam portret-oçerkləri verilib. Hər iki teatrın repertuar şəcərəsinin əsas mahiyyəti xronoloji ardıcıllıqla verilib. Dünya bəstəkarlarının Azərbaycanda tamaşaya qoyulmuş opera və baletlərinin siyahısına xüsusi yer ayrılıb.
Dostları ilə paylaş: |
