Şəkil 1.6. TJ-1,5 istilik generatorunun qurulma sxemi
1-qazanxana; 2-istilik generatoru; 3-ventilyator;
4-qığılcım söndürən; 5-quruducu baraban
Yandırma üçün istifadə edilən yanacağı, əlavə olaraq hava ilə lazımi konsentrasiyaya qədər qarışdırırlar və alınmış qarışığı alışma temperaturuna qədər qızdırırlar. Yanan buxar hava qarışığını fitil şamı ilə alışdırır. Yanacağın sonrakı yanması közərmiş qızdırıcıdan daxil olan istilikdən onun fasiləsiz buxarlanması ilə saxlanılır. Maye və qazşəkilli yanacağın yanması zamanı məşəl əmələ gəlir. O, üç zonaya malik olur: yanacağın hava ilə qarışma zonasına, yanacağın qızması və buxarlanması zonasına, alışma zonasına. Məşəlin uzunluğu yanacağın tozlama (səpləmə) keyfiyyətindən və qızdırma kamerasinin formasından asılıdır.
Pambıqtəmizləmə zavodlarında maye yanacağın alışdırılması üçün TJ-1,5 qızdırıcı qurğularından (Şəkil.1.5) qazşəkili üçün isə TQ-1,5 (Şəkil.1.7) qurğusundan istifadə edilir. Lazımi temperatura qədər çatdırılmış qızdırıcı qazlar atmosfer havası ilə qarışdıqda qızdırıcıdan ventilyatorla sovrulur və qaz xətti ilə quruducu barabana vurulur.
Qazşəkilli yanacaq qızdırıcıda daha tam yanır, bunun nəticəsində daha yüksək temperaturun alınması imkanı yaranır. Qazşəkilli yanacağın yanmasından alınan vahid istiliyin dəyəri mayenin yanması zamanı alınana nisbətən xeyli aşağıdır.
Dostları ilə paylaş: |
