Şəxsiyyətin inkişafı prosesi mərhələlərinin özünün gözlənilməsi.
81
Təlim prosesində şagirdlərin mənimsəmə fəaliyyəti başlıca məqsəddir. Burada şagirdlərin təlimə münasibəti onların fəaliyyətini stimullaşdıran motivlərdən biri kimi, özünü göstərir. Bundan asılı olaraq şagirdlər təlim zamanı qarşıya çıxan çətinlikləri aradan qaldırmaq üçün iradi səy göstərir, diqqətlərini təlim fəaliyyətinə yönəltməyə nail olurlar. Psixoloqların qeyd etdikləri kimi dərsdə şagirdlərin diqqəti təlim işlərində uğurlu nəticələrin əldə edilməsi üçün vacib şərtlərdən biridir. Hər bir adam yaxşı bilir ki, oynayan uşaq, oxuyan məktəbli, yaradıcı bəstəkar və ya alim, işləyən fəhlə və s. üçün uğurlu fəaliyyətin əsasında yaxşı təşkil olunmuş diqqət dayanır. Bütün fəaliyyət sahələrində olduğu kimi, təlimdə də diqqət etibarlı qarantdır. Vaxtı ilə görkəmli rus pedaqoqu K.D. Uşinski yazırdı ki, diqqət şüurumuzun elə bir qapısıdır ki, beynimizə daxil olan bütün məlumatlar məhz bu qapıdan keçir.
