Könüldən keçənlər

30.08.2014, saat 20:20


Sinəmdən ayır
İlahi, ar, vicdan yerində sayır,

Gül-çiçəyi, basır yaramaz çayır.

Bu millət, ya haqq-ədalətə gəlsin,

Yada ki, qəlbimi sinəmdən ayır.

31.08.2014, saat 19:45

Qəlbimin istəyi

(Göyçə)
Səni yağı düşmən əlimdən aldı,

Qəlbimin istəyi səninlə qaldı.

Könlündə oynayan mehri-məhəbbət,

Könlümdən ayrılıb düşmənə qaldı.

30.07.2014, saat 21:53.
Səfeh yuxu
Bəh-bəh millət şənlənir,

Gül-çiçəklər yellənir.

Ordumuz səfər edib,

Ordumuz zəfərlənir.

Qarabağa gedirik,

Məmurlar pul səpirlər,

Hamı bayram edirik,

Əhdə yetib nəzirlər.

Hec soruşan varmı ki,

Sabir Binnət, hardasan?

Səfeh yuxu içində,

Vallah, sən yataqdasan.

17.09.2014, saat 00:05

DİVANİLƏR

İndi bildim ki...
İndi bildim ki, son zaman sən küsəyən olubsan,

İnciklik ilə könlümə gülnən güllə vurubsan.

Hərgah ki, nə qədər bikef olan qüssə-qürurdan,

Qısaca dostluq ilə qəlbimi dibdən oyubsan,

Bilirəm, bir könuldən min könülə şölə vurubsan.
Demə ki, qısa dövrü bir zamanlar yoldaş idik,

Anla ki, xırda məqam ən səmimi sirdaş idik.

Nə oldu sənə, adi səbəbdən kəm-küsü etdin.

Axı, biz həyat boyu qəlbi dolu yaddaş idik,

Bir vurub, bir döyünən cütlük olub, oddaş idik.
Gözəlim, gözlərinin gözəlliyi canım alır,

Süzdüyüm o sevdanın özəlliyi işıq saçır.

Demişdin bir zamanlar, birgə olarıq həmişə.

Sancdığım ay işığı ürəyimə güllə çaxır.

Elə bil sinəm üstdən yaz yağışı, sellər axır.
Bəs niyə uzaq durub, bu sevdadan kənar oldun,

Könlümdə şaxələnən məhəbbətə cığır qoydun,

Sındırıb ürəyimi sənlə olan məhəbbətdən.

Sanki bir loxma udub dünya malı gözdən doydun.

Boylanıb böyür-başa, mənim sənlik gözüm oydun.
Bədbəxt etdin ki, bu dəm sən ozunu, həm də məni,

Ayırsan, darıxmazmı çəmənlikdən yasəməni?

Səpməsən bitmək üçün cücərməyə taxılları,

Yetirib görərsənmi ya zəmini, ya səməni?

Qırmasan qoz qabığın, yeyəcəksənmi ləpəni?