10.06.2011, saat 01:30
VAR
Sən demə bu məmləkətdə,
Altdan-altdan qatan da var,
İnciyərək düz sözümdən,
Mənə bıçaq atan da var.
Öz sözündən ləzzət alıb,
El sözündən yanda qalıb.
Söz tullayıb, közdə yanıb,
İnsafını atan da var.
Kənd-kəsəkdən gələnlərə,
Quyun-quzu görənlərə.
Şair qəlbi bölənlərə,
Lağ-bəzəmə atan da var.
Kimləri nə tanıyırsan?
Sabir Binnət, anmayırsan.
Qardaş-bacı sandıqların,
Dərdlərinə yandıqların.
Bəziləri hərdəmxəyal,
Bəzi hər növ adam da var.
06.07.2014, saat 21:15
Gedirəm kecabəmi yudurtmaga
Son zamanlar xoşum gəlir ölməkdən,
Xəyalımı torpaq ilə bölməkdən
Qara zülmət necə olur görməkdən,
Kecabəmi yudurtmaga gedirəm.
Gedirəm e…, bir də gələm-gəlməyəm.,
De, ya qismət, bəlkə, səni görməyəm.
Kədərimi hec səninlə bölməyəm,
Kecabəmi yudurtmaga gedirəm.
Deyirlər ki, fəna dünya əbəsdir,
Ölüm yolu son zaman bəhsə-bəhsdir.
Sabir Binnət, nə yaşadın, o bəsdir,
Kecabəmi yudurtmaga gedirəm.
Dostları ilə paylaş: |
