Pedaqoji prosesin yekun mərhələsində alınmış nəticələr təhlil olunur.
IV Pedaqoji prosesin qanunauyğunluqları və prinsipləri.
Pedaqoji qanunauyğunluğun mahiyyəti belə başa düşülür: qanunauyğunluq - pedaqoji prosesdə nələrin və bir-birilə necə əlaqəli olduğunu və nəyin nələrdən asılı olduğunu müəyyənləşdirir.
Qanunauyğunluğun düzgün ifadəsinə aid bir misal gətirək: Uşaqların cəmiyyət üçün faydalı fəaliyyəti nə qədər məqsədyönlü, onların ünsiyyəti nə qədər düzgün təşkil edilər-sə, tərbiyə prosesi bir o qədər səmərəli cərəyan edir.
Pedaqoji prosesin qanunauyğunluqlarını üç qrupa ayırmaq olar:
ümumi qanunauyğunluqlar;
təlimin qanunauyğunluqları;
tərbiyənin qanunauyğunluqları;
Təlimin qanunauyğunluqlarından “Didaktika”, tərbiyənin qanunauyğunluqlarından “Tərbiyyə nəzəriyyəsi” bölmələrində bəhs olunacaqdır. Bu mühazirədə söhbət ümumi qanunauyğunluqlardan gedir.
Pedaqoji prosesin ümumi qanunauyğunluqıları bunlardır:
