Şəxsiyyətin inkişafında üçüncü amil tərbi-yədir. “Tərbiyə” anlayışını da iki mənada başa düşmək olar: sosial mənada və pedaqoji mənada.
sosial mənada tərbiyə dedikdə - cəmiyyətin bütün struktur vahidlərindən istifadə etməklə gənc nəsli həyata hazırlama funksiyası başa düşülür;
pedaqoji mənada tərbiyə dedikdə - pedaqoji prosesin tərkib hissəsi olub həyat üçün zəruri olan sosial təcrübənin və cəmiyyət tərəfindən qəbul edilmiş mənəvi dəyərlər sisteminin formalaşdırılmasından ötrü böyüyən nəslə göstərilən məqsədyönlü təsirlər prosesi başa düşülür.
