təhsil – yeni demokratik dövlət yaradılmasının əsası olmalıdır;
mədəni və mənəvi inkişafı təmin etməlidir;
insan fəaliyyətinin bütün sahələrində baş verən əhəmiyyətli dəyişiklikləri əhatə etməlidir;
demokratik cəmiyyət və bazar münasibətlərinə hazırlıq formalaşdırmalıdır;
milli elmi-texniki səviyyənin dünya standartlarına uyğunluğunu təmin etməlidir.
Pedaqoji imkanlar – pedaqoji prosesin təchizi səviyyəsini, onun maddi-texniki və iqtisadi ehtiyatlarını nizamlayır. Yaş xüsusiyyətlərindən irəli gələn imkanlar da buraya daxildir.
Bu tələbləri əsas götürərək, ümumi orta təhsilin məzmunu aşağıdakılara cavab verməlidir:
cəmiyyətin sosial sifarişinə;
şagirdlərin tələbatlarına;
təhsilin məzmununun seçilməsi kriteriyalarına (elmi və praktik əhəmiyyəti, şagirdlərin yaş dövrü imkanlarına uyğunluğu, biliklərin həcminin vaxta uyğunluğu; tədris-metodik və maddi bazaya uyğunluğu və s.).
