Kurs: I fənn: Pedaqogika

I Motivləşdirmə və motivlər haqqında anlayış.

Motivləşdirmə dedikdə - şagirdləri aktiv idrakı fəaliyyətə həvəsləndirmək üçün istifadə olunan üsul və vasitələr başa düşülür.

Təlimdə motivləşdirmə bir sıra amillərlə müəyyən olunur:

• 
  təlim fəaliyyətinin baş verdiyi təhsil müəssisəsi ilə;
  
• 
  təlim prosesinin təşkili ilə;
  
• 
  şagirdlərin subyektiv xüsusiyyətləri ilə (yaşı, cinsi, intellektual inkişafı, qabiliyyətləri və s.);
  
• 
  müəllimin pedaqoji qabiliyyətləri ilə;
  
• 
  təlim fənninin xüsusiyyətləri ilə.
  

Motivlər (latınca – hərəkət edirəm) – insanın həyat şəraitinin təsiri ilə yaranan və onun fəaliyyətini istiqamətləndirən qıcıqlardır. İnsanın maraq və tələbatları, həvəs və emosiyaları, idealları motiv rolunu oynaya bilər.

Pedaqoji proses üçün xarakterik olan motivləri təlim-idraki motivlər adlandırırlar. Belə motivlər təlim – tərbiyə fəaliyyəti zamanı formalaşır.

• 
  Xarici motivlər öyrənmə prosesində müəyyən rol oynasa da, bir çox hallarda şagirdlərin daxili müqaviməti ilə rastlaşır. Pedaqoqun, valideyinlərin və başqalarının tələb və göstərişləri uşağın maraq və istəklərinə uyğun gəlmədiyi hallarda xarici motivlər formal xarakter daşıyır, istənilən səmərəni vermir. Bu baxımdan xarici motivlərin müəllim tərəfindən daim nəzarətdə saxlanılması və istiqamətləndirilməsi zəruridir.