Kardan ötürmәsi vallarının oxları bir düz xәtt üzәrindә yerlәşmәyәn vә fәzada vәziyyәti qarşılıqlı dәyişәn iki mexanizm arasında burucu momenti ötürmәk üçün istifadә edilir. Ümumi halda kardan ötürmәsi kardan oynaqlarından, vallardan, kompensәedici quruluşdan vә aralıq dayaqdan ibarәtdir. Tәrtibatına görә örtülü vә açıq kardan ötürmәlәri var.
Örtülü kardan ötürmәsi borunun içindә yerlәşdirilir. Boru körpülәrdә yaranan qüvvә vә reaksiyaları qәbul edә bilir vә asqının istiqamәtlәndirici elementi rolu oynayır. Belә kardan ötürmәsindә yalnız bir oynaq istifadә edilir, kardan valının qeyri-bәrabәr fırlanması isә valın elastikliyi ilә kompensasiya olunur.
