Microsoft Word al adab oqshom ziyouz com doc

225-bob. Zulm kulfatdir 
490-hadis mazmuni 476-hadisning takrori bo'lib, 476-hadis Abu Hurayra-dan rivoyat 
qshingan bo'lsa, bunisi Jobir ibn Abdulgohdan rivoyat qilingan. 
491. Jobir ibn Abdulloh (r.a.) aytdilar: "Rasululloh (s.a.v.): "Keyingi ummatlarimda 
insonlik suratlarini boshqa narsalar suratiga aylangarish, zinokorlik va tuhmat qilish kabi 
yomon xulqlar va yer yutishlar bo'ladi. Bu ishlar avval zulm qiluvchilardan bopshanadi", 
dedilar". 
Abdulloh ibn Umardan rivoyat qilshgan 492-hadis 476-hadisning so'nggi jumlasini takror 
qilgan. 
493. Abu Said Xudriy (r.a.)dan rivoyat qilindi, u kishi aytdilar: "Rasululloh (s.a.v.): 
"Qiyomat kuni mo'min bandalar do'zaxdan qutilganlaridan keyin, jannat bilan do'zax 
o'rtasidagi ko'prikda to'xtatiladi va yorug' dunyoda oralarida bo'lgan turli zulmlar uchun 
bir-birlaridan qasos oladilar. Shu qasos olishdan tozalanib bo'lganlaridan keyingina 
jannatga kirishlari uchun ruxsat beriladi. Mo'min bandalarning har biri dunyodagi o'z 
joyiga adashmay borishda qanchalik mohir bo'lsa, jannatdagi joyiga borishda undan 
ko'ra ham mohirroq bo'ladi", dedilar". 

---

Al-adab al-mufrad. Imom Ismoil al-Buxoriy 
www.ziyouz.com kutubxonasi 
78
494. Abu Hurayra (r.a.) rivoyat qildilar: "Rasululloh (s.a.v.): "Zulmdan saqlaning, zero 
zulm qilgan kishi qiyomat kuni zulmat ichida bo'lg'usidir. Yomon so'z va ishdan 
saqlaning, zero Alloh yomon muomalalik va yomon ish qilganlarni sevmaydi. Baxillik va 
hirsdan saqlaning, binobarin, bu narsa sizdan ilgari o'tganlarni ham qarindoshlik 
rishtalarini uzishga va haromni halol deb qabul qilishga rag'batlantirgan"", dedilar". 
Jobir ibn Abdullohdan rivoyat qilingan 495-hadis 494-hadisning takrori. 
496. Abu Duho (r.a.) aytdilar: "Masruq bilan Shutayr ibn Shakl Abdi (r.a.)lar masjidda 
birga bo'lib qolishdi. U yerda halqa-halqa bo'lib o'tirgan kishilar bu ikki olim atrofiga 
to'planishdi. Shunda Masruq Shutayrga qarab: "Bu odamlar bizdan yaxshi gap eshit-
moquchun to'planishgan bo'lsa kerak, deb o'ylayman. Endi siz Abdulloh ibn Mas'uddan 
hadis rivoyat qilasiz, men esa qilgan rivoyatingizning to'g'riligini tasdiqlayman yoki men 
rivoyat qilaman, siz uni tasdiqlaysiz", dedilar. Shutayr: "Mayli, siz rivoyat qiling', men 
unga guvoh bo'laman!" - dedilar. Shundan keyin Masruq: Abdulloh ibn Ma'sud: "Ikki 
ko'z, ikki qo'l va ikki oyoqlarning zinosi bo'ladi. Bularning zinosini egalarining farji 
(avrati) amalga oshirib, haqiqatga chiqaradi yoki rad qilib, yolg'onchiga chiqaradi", 
degan so'zlarini eshitganmisiz? - dedilar. Shutayr: "Ha, bu so'zlarini men ham 
eshitganman", dedilar. Masruq yana: "Abdullohning Kur'oni karimdagi: "Kimki Allohga 
taqvo qilsa, U unga (tashvishlardan) chiqish yo'lini (paydo) qilur" (65:2), degan oyatidan 
ko'ra tezroq najot topishga undaydigan oyat yo'q, degan so'zlarini siz eshitganmisiz?", 
deganda, Shutayr, "Ha, men ham Abdullohning shu so'zlarini eshitganman", dedilar. 
Masruq yana: "Abdullohning Qur'ondagi: "Ey o'ziga isrof-zulm qilgan bandalarim! Alloh 
taoloning rahmatidan noumid bo'lmanglar" (39:53-oyat), deyilgan oyatdan ko'ra Allohga 
tavakkul qilishga ko'proq undovchi oyat yo'q, deganlarini eshitgan bo'lsangiz kerak", 
dedilar. Shutayr: "Ha, eshitganman", dedilar". 
497. Abu Zarr G'iforiy (r.a.) Rasululloh (s.a.v.)dan rivoyat qiddilar: "Rasululloh (s.a.v.): 
"Alloh taolo: "Ey, bandalarim! Men zulm qilmoqni o'zimga harom qilganman va shu zulm 
qilmoqni sizlarga ham harom qildim. Binobarin, sizlar bir-birlaringizga zulm qilmangizlar. 
Ey, bandalarim, sizlar kechayu-kunduz gunoh bo'ladigan yshlarni qilasiz. Men hech 
parvo qilmay, gunoxlarni kechiraveraman. Shuning uchun uni kechirmoqni faqat 
o'zimdangina so'rang. Ey, bandalarim, men taom bermasam hammalaringiz och qolasiz, 
taomni mendan so'rang! Men beraman. Men kiyim-bosh bermasam hammalaringiz 
yalang'och qolasiz, kiyimboshni mendan so'rang, ularni sizga men o'zimgina beraman. 
Ey, bandalarim! Sizlarning avvaliyu oxiringiz va insu jinlaringiz hammasi zo'r taqvodor 
bo'lganda ham mening molikligimga hech narsa orttirmaydi yoki hammalaringiz o'ta 
ketgan fojir bo'lganda ham mening mulkimdan hech narsa kamaytirmaydi. Agar hamma 
maxluqotim bir yerda jam bo'lib, har qaysisi o'z maqsadini so'rasa va hammasiga 
so'raganini bersam ham, mul-kimdan dengiz ichiga tashlangan ingichka ip shimgan suvi 
miqdoricha ham kamaymaydi. Ey, bandalarim! Qilgan amallaringizni o'zlaringiz uchun 
saqlab qo'yaman. Kim amallarida yaxshilikni uchratsa, Alloh taologa hamdu sano aytsin. 
Yaxshilik-ni emas, yomonlikni uchratsa, u vaqtda faqat o'zinigina malomat qilsin", deb 
aytgan dedilar". Roviylardan Abu Idris Xavloniy (r.a.) bu hadisni rivoyat kdlgan 
vaqtlarida Allohning hurmati uchun tiz cho'kib o'tirardilar.