Microsoft Word bankir ziyouz com doc
Yüklə 0,96 Mb. Pdf görüntüsü
|
| www.ziyouz.com kutubxonasi
96 bo‘ldi. Qoidaga rioya qilib, orada masofa saqlagancha u juvonni boshlab ketdi, bu masofani faqat ayolgina qisqartirishga haqli edi. Musiqa Irvinning eski kuyi “slou-faks”ga o‘tdi. Palmer uni talabalik davridan yaxshi eslardi, faqat o‘sha vaqtlarda u ancha sho‘xchan ijro etilardi. Yoningdaman, dadil bo‘l, qo‘rqma, Axir emasman-ku yosh bola, jonim. Yoningdaman, jo‘shdir ehtirosingni ... Ikkalovi ham asta kulib yubordi va raqs tushishda davom etdi. — Xotirangiz yaxshi ekan, — dedi juvon. — O’sha eski zamonlarda raqs tushishni o‘rganganman. — Ko‘p qo‘shiqlar esingizda qolganmi? — To‘g‘risini aytsam, bu so‘zlarni eslashimga shubha qilmagandim. Ular o‘zi kelib qoldi, birdaniga. — Davomini ham eslaysizmi? — Boshqa hech nima esimda yo‘q. Ular raqs tushishda davom etishdi, biroq boshda ikkovlarini ajratib turgan masofa g‘oyib bo‘lganday edi. Yigit juvonning har bir harakatini his etib turardi. Odatdagi qoidaga rioya qilib Palmer ortga chekinmoqchi bo‘lgan edi, biroq bu fikridan qaytdi. Orkestr qo‘shiq kuyini satrma-satr takrorlar edi. Palmer juvonning asta xirgoyi qilayotganini eshitdi. U Virjiniyaning yuziga nazar tashlashga harakat qildi, lekin juvon chehrasini uning yelkasiga qo‘yib olgandi. Palmer juvonning unga yaqinroq kelib olganini his etdi. Buni u bilib turib qilayaptimikan, deb o‘zidan-o‘zi so‘radi Palmer. Xotinidan boshqa ayol bilan raqs tushganida bunday savol ko‘p martalab ko‘ngliga kelar edi, bunga biron ahamiyat berish joizmikan yoki bu ixtiyordan tashqari bir holatmikan? Har gal bo‘lganidek, bu safar ham Palmer ayollar kamdan-kam ixtiyordan tashqari harakatlar qiladi degan to‘xtamga keldi. Asta-sekin tanobiyni yana g‘ira-shira qorong‘ilik chulg‘adi. Raqslar esa davom etardi. Ofitsiantlar stollarni yig‘ishtirishga tushishgandi, soat o‘n birdan oshib ketgan, ammo Palmer endi vaqt qancha bo‘lganiga qiziqmay qo‘ygandi. Yigirmanchi bob Sayr shuncha cho‘ziladi deb kutmagandi u. Mehmonxona Tayms Skuer tumanida edi, Bernsning shahar kvartirasi esa Elliginchi ko‘chalarning birida joylashgan. Virjiniyaning uyi Berns uyi yo‘lida yoki, ehtimol, buning aksi bo‘lgani uchun Palmer uzoq o‘ylab o‘tirmadi, — ular yo‘lning bir qismini birgalikda bosib o‘tishga qaror qilishdi. Ushbu kech pallada Manxettenning markaziy tumanlari, odatdagidek, odamlar bilan gavjum edi; odamlar oqib kelar, mashinadan tushar, tungi klublarga, barlarga, turar joylarga kirar yoki ulardan chiqar edilar. Shahar teatrlarida tomoshalar tugab bo‘lgandi va tevarak-atrofda yashovchi tomoshabinlar va ularning nyu-yorklik do‘stlari bu yerga intilardi. Palmer va Virjiniya mashinalar oqimi o‘tib ketishini poylab, Park-avenyu va Ellik ikkinchi ko‘cha chorrahasida to‘xtashdi va birdan ko‘rinishidan olti yoshdan ortiq bo‘lmagan ikki puertorikalik bolaning o‘qday uchib borib qarshidan kelayotgan qora “flitfud”ga tashlanganini ko‘rib qolishdi. Ular restoran yo‘lagiga burilib, hali yurib borayotgan avtomashinaning eshigini ochishga harakat qilib, qo‘lchalari bilan dastakka mahkam yopishib olishdi. Bolalardan biri turtinib ketdi-da, bir oyog‘i mashina ostida bo‘lib qoldi. — Suidado!1 — To‘xtang, mister! To‘xtang! Mashinaning orqa g‘ildiraklari bolakay oyog‘iga tekkan mahalda o‘rtog‘i uni mashina tagidan shiddat bilan tortib oldi. Restoranga kiraverishda turgan shveytsar supacha tomonga otildi va har ikkala bolani ariq tomonga irg‘itib yubordi, so‘ng darhol qaddini rostlab, “flitfud”ning orqa eshigini |