Microsoft Word bankir ziyouz com doc

www.ziyouz.com kutubxonasi 
138
Palmer qo‘liga qaradi va soatini olib qo‘yganini ko‘rib, hayron bo‘ldi. Berns karavoti yonida turgan 
safar budilnigining tsiferblatiga tikilib qaradi. 
— Sakkiz yarim, — javob berdi u. Uning ovozi go‘yo uzoq tanaffusdan so‘ng to‘satdan bor kuchi 
bilan yurgizib yuborilgan eski uskunaga o‘xshab g‘oyat bo‘g‘iq va titroq chiqdi. Juvon xo‘rsindi va 
boshini burib, unga qaradi. — U yarim soatda shu yerda bo‘ladi. 
— Hm. 
— Jin ursin! — Juvon qo‘lini cho‘zdi va kafti bilan uning ko‘ksini artdi. Palmer tuklarining yengil 
shitirini eshitdi. 
— Ha, topdim, — dedi juvon, endi butunlay uyg‘onib. 
U Palmerga ko‘ndalang yotib oldi-da, karavot yonida turgan telefon go‘shagiga cho‘zildi. Uning 
siynalari Palmerning ko‘ksi ustidan asta sirg‘alib o‘tdi. Juvon go‘shakni oldi. 
— Eldorado 5-3110 ni ter. 
Raqamni terar ekan, yigit Virjiniyaning go‘shakni uning qulog‘iga qo‘yganini, o‘zi esa boshini uning 
boshiga yopishtirib olganini sezdi. Go‘shak ikkovining o‘rtasida bo‘lib qoldi. — Uoldorf Tauers, — 
telefonchi qizning ovozini eshitdi Palmer. 
— Mister...m-m... mister Karmodi, — iltimos qildi Virjiniya. 
Biroz jimlikdan keyin telefonchi qiz javob berdi: 
— Mister Karmodi bir oyga bir joyga ketgan. 
— Unda menga... m-m... mister Dreshlarni bering. 
— Bir daqiqa. 
Go‘shakni olgunlaricha talay vaqt o‘tdi. 
— Ha, — erkak kishining ovozi keldi. 
— Mister Berns shu yerdami? 
— Bilmadim, kim so‘rayapti? 
— “Yunayted benk”dan miss Kleri. 
— Birpas sabr qiling. 
Ular yonma-yon yotgancha kuta boshlashdi. To Bernsning ovozini eshitgunlaricha yana ancha vaqt 
o‘tdi. 
— Panja, meni bu yerdan qanday qilib topding? 
— Sen hali ham Uoldorfda ekansan-ku. Uyga 9.30 da kelaman deb laqillatishingga balo bormidi?  
— Sizlar hali ham o‘sha yerdamisizlar? 
— Men bir soatdan beri uydaman, endi butun oqshomga chiqib ketayapman. Faqat odamni ahmoq 
qilganingni do‘stona aytib qo‘ygani telefon qilayotuvdim, xolos. 
— Palmerning rosa jahli chiqqandir-a? 
— Muzday sovuq. Uning qo‘li tekkan narsa muzga aylanib qolayapti. Ertasiga ertalab uning oldiga 
kelganingda issiq palto kiyib ol. 
— Shu qadar sovuqmi? 
— Sibir. — Juvonning qo‘li Palmerning ko‘kragi bo‘ylab pastga harakat qildi va kindikkacha yetdi. 
— O’lguday sovuq nusxa. — U Palmerning qornini siypalay boshladi. 
— Hech ilojini topolmadim, izladim, — o‘zini oqladi Berns. — Buning ustiga men unga kerak 
bo‘lganimdan u menga ko‘proq kerak. 
— Sen nohaqsan. Uning o‘zi qoyil qiladi. — Juvon Palmerning qornini bosdi, biroq erkak og‘riqni 
sezgunicha qo‘yib yubordi. — Nima bo‘lganda ham kelasi safar butun tunni boshqa mijoz bilan 
o‘tkazishdan oldin ikki marta o‘ylab ol. 
— Kim o‘tkazar ekan butun tunni? 
— Sen. Palmer seni kutmay qo‘ygandan keyin. 
— To‘g‘risini aytsam, men baribir 9.30 ga ulgurmas edim. Uning uchrashuvni bekor qilganidan 
boshi osmonga yetdi. Biz bu yerda soat 6 dan beri o‘tiribmiz va endi ishning yarmini qiloldik. 
— Menga sening pullaring bo‘lsa bo‘lgani, Mak.  

---

Bankir (roman). Lesli Uoller