Microsoft Word bankir ziyouz com doc

www.ziyouz.com kutubxonasi 
141
— Bunga sabab ko‘p. 
U juvonga qaradi va haddan tashqari ichkari yotganidan Virjiniyaning boshi uning boshidan baland 
bo‘lib qolibdi. U juvonning bir ko‘tarilib, bir tushayotgan siynasiga qaradi. Jigarrang-pushti tusli 
mammachalari bilinar-bilinmas titradi. U asta qo‘lini cho‘zdi va mammachalardan birini ushladi. 
Mammacha shishib, uning qo‘liga qadaldi. 
— Biz har doim xayol surishni keyinga tashlab qo‘yaversak bo‘ladi, — dedi juvon. 
Yigit keskin harakat bilan kaftini uning siynalariga bosdi va ularning yoqimli ilig‘ini avval kaftlarida, 
so‘ng barmoqlarida his etdi. Juvon unga tomon surildi.  
— Sovuq odam o‘lgan, issiq odam emas, — erkakning qulog‘iga shivirladi u. 
Palmerning qo‘llari juvon badani bo‘ylab sirg‘aldi va og‘zi bilan yutoqib nafas oldi, so‘ng u yana 
juvon badanining huzurbaxsh ummoniga g‘arq bo‘la boshladi. 
 
 
Yigirma sakkizinchi bob 
 
Palmer uyg‘onganida soatning yaltiroq millari 9.30 ni ko‘rsatib turardi. U Virjiniyani ushlamoqchi 
bo‘lib o‘girildi, biroq yonida hech kim yo‘q edi.  
To‘shakda o‘tirib olib, u qop-qorong‘i xonaga ko‘z yugurtirdi. Shu payt uyning allaqaeridan 
dushning ochilgan ovozi qulog‘iga chalindi; bir daqiqadan keyin surilma eshik qattiq sharaqladi; 
sharaqlagan ovoziga qaraganda, bu dushxona eshigi edi. U oyoqlarini karavot qirrasidan oshirib otdi-
da, o‘rnidan turdi. Biroq o‘sha zahoti yana o‘tirib oldi. 
Miyig‘ida kulib, u yana ko‘tarila boshladi, bu safar ancha sekin, son va yelka mushaklarini yengil, 
uzoq og‘riq qamrab olganini his qilib turardi. Ishtonini qidirib, u u yoq-bu yoqqa qaradi, qarasa u qora 
kombinatsiyasi ichida ekan, kiyib oldi. So‘ng oyoq yalang mehmonxona bo‘lmasidan yurib o‘tdi-da, 
hammomxonani qidirib topib, eshikni chertdi.  
— Yaxshi holatdamisan? 
— Har doimgiday. 
Palmer eshikni ochdi va artinayotgan juvonning badaniga mahliyo bo‘lgancha to‘xtadi. Yotoqxona 
bo‘lmasidan tushib turgan g‘ira-shira yorug‘da u g‘oyatda nafis va yumshoq ko‘rinardi — ravon qaddi-
qomat, maftunkor siyna va sonlar. Bu yerdagi kunduz chiroqlari yog‘dusida juvonning ingichka 
qobirg‘a izlari, yelka va boldir mushaklari alohida nafosat ila ko‘zga tashlanardi. 
— Nigohingni shisha ichiga yashirib qo‘ymoqchi edim, — dedi juvon bir lahza artinishdan to‘xtab. 
— Men bu shishani menga ma’naviy ko‘mak kerak bo‘lgan hollardagina ochishni istar edim. 
— Mening ko‘nglimda hech qanday ma’naviylik yo‘k. 
— Hamma gap shunda. — Juvon oyoqlarini artib bo‘ldi-da, qaddini rostladi. — So‘ragani biroz kech 
qoldim-u, — davom etdi u, — ammo men senga yoqaman, shekilli. 
— Ha. 
Juvonning ko‘zlari katta-katta ochildi: 
— Tap tortmay aytayapsanmi? 
Palmer xo‘mraydi: 
— Zaharxandalikni qo‘y. Busiz ham bugun sen menga juda ko‘p narsa qilding. 
Go‘yo yigitning gaplarini yaxshilab eshitib olmoqchiday juvon boshini xiyol egdi. 
— Men esa seni doim men uchun qilasan deb o‘ylab yurardim. 
— Ha, bilasanmi, — gap boshladi Palmer, — sening hayotingda dastlabki qulay payt topildi 
deguncha o‘zini oyog‘ingga tashlashga tayyor o‘n-o‘n beshtasi uchrasa ehtimol... 
— Men haqimda shuncha narsani qayoqdan bilasan? — Uning gapini bo‘ldi juvon, — hayotimda 
o‘n-o‘n beshtasi uchrashini? 
— Men bilmayman, ammo sen ajoyibsan. 

---

Bankir (roman). Lesli Uoller