Microsoft Word bankir ziyouz com doc

www.ziyouz.com kutubxonasi 
173
bankirning zamonaviy namunasini o‘zingizda namoyon qilgansiz, — qo‘shib qo‘ydi u Virjiniyaga ko‘z 
qisib, — hamkorlik qilishga hoziru nozirsiz va umuman oliy darajadagi zakovat sohibisiz. 
— Maqtov so‘zlaringiz maqoladan boshqa siz uchun hamma narsa qilib bera oladi, — javob berdi 
Palmer. — Yana o‘shanday matbuot uchun emas — men Berns va Tammani bilan aloqani meros qilib 
olganman. Bunda qandaydir mantiq bor. YuBTK sizning savollaringizga o‘xshagan savollarga o‘rin 
qoldirmaydigan qilib ish ko‘rmog‘i lozim, xolos. 
— Boshqacha aytganda, Tammani bilan hamkorlik qilish sizga yoqmaydi, shundaymi? 
— Men qarshi emasman, faqat men uni o‘yinning asosiy qoidalaridan biri deb bilaman, xolos. 
— Uh-h, — dedi Mollett. U yana Virjiniya tomon o‘girildi: — Kelasi safar men undan intervyu 
olganimda qalamni xonada qoldirishimni eslatib qo‘y. 
— Bunaqa tikka savollar bermagin-da, — maslahat soldi Virjiniya. 
— Biz norasmiy gaplashayapmiz. Chegara — osmon bilan yercha, xo‘pmi? — dedi u Palmer 
tomonga o‘girilib. 
— So‘rang. 
— Ha, albatta-da, — kuldi Mollett, — yana qanaqa yo‘l bilan biron narsa bilib olardim? — U stolga 
shunchalik chuqur engashib oldiki, viskili stakan uning ko‘kragiga qisilib qoldi. — Bunga nima deb 
javob bergan bo‘lardingiz: siz Mak Bernsga ishonasizmi? 
— Ishonmasligim kerakmi? — uni qayirib tashladi Palmer. 
— Kasodgarchilik borasidagi ishlarni olib boruvchi sudlar unga ishonadigan odamlarga liq to‘la. 
— Tushunishimcha, uning mijozlaridan ko‘pchiligi ancha boy odamlar bo‘lgan. 
— Men aynan ana shundaylar haqida gapirayotibman hozir, Makning siyosiy ta’siridan foydalanish 
niyatida uning oldiga tanda qo‘yuvchi chakana-chukanalar haqida emas. U bunday odamlarning 
ayamay siqib suvini ichdi va agar ulardan loaqal bir foizginasi qachonlardir hukumat shartnomasini 
olgan bo‘lsa, hayratdan yoqa ushlagan bo‘lardim. 
— Bunday odamlarga ko‘zingiz tushganida yuragingiz qonga to‘lmaydi, shunday emasmi? — so‘radi 
Palmer. — Bunday o‘yinning mohiyati shundan iboratki, yurakni siqib, qonini ichuvchi odamning 
yuragi toshdan bo‘lishi kerak. 
— To‘g‘ri. YuBTK ga nisbatan meni xuddi shu narsa tashvishga soladi. 
Palmer yana ofitsiantni chaqirdi. 
— Qaytaring. 
— Zo‘r, — rozi bo‘ldi Mollett. 
— Meniki — bas, — dedi Virjiniya. 
— Aytmoqchi, yeyishga u-bu buyursak qalay bo‘larkin? — qo‘shimcha qildi Mollett. — Men ozroq 
omar olaman, qovurilganidan va yangi sabzavotdan salat ham. Sen-chi, Jinniy? 
— Nyuburgcha omar. 
— Pushti mag‘iz bifshteksi, chala qovurilganidan, — dedi Palmer. — Qanaqa gazak bo‘lsin? 
— Menga hech narsa. — Mollett boshini bir yonga solintirdi. — Bilasizmi, u buyurtma olib 
ketganida men sizga yana o‘sha savolni beraman? 
— Xuddi shundan qo‘rqib turuvdim, Virjiniya! 
— Rahmat, omardan boshqa hech narsa kerak emas. 
— Bo‘ldi. — Palmer ofitsiantning uzoqlashayotganini kuzatib turdi. — Siz, — deb davom etdi u, — 
YuBTKning ko‘nglida o‘g‘irlikka moyillik bor ekan, deb o‘ylayapsizmi? 
— Ko‘nglida shunday moyillik borga o‘xshab ish tutilyapti deyapman. 
— Sizning bank haqida bunday o‘ylashingizdan hayronman. Bank biznesi — bu insoniyatga ma’lum 
yagona qonunlashtirilgan o‘g‘rilik ekanini nahotki bilmaysiz? 
Mollett tugmadekkina semiz lablarini bujmaytirib, bosiq jilmaydi. 
— Siz mening savolimga hazil bilan chap berib ketmoqchimisiz? 
— Bo‘pti. Buni boshqacha ifoda qilib berishimga ijozat bering: o‘tgan yillarda Olbanida shtat 
chekkalaridagi qonun chiqaruvchilar tijorat banklarini homiylikka oldilar. Nyu-York qonun 

---

Bankir (roman). Lesli Uoller