Microsoft Word bankir ziyouz com doc

www.ziyouz.com kutubxonasi 
181
— Unda nima? 
— O, — dedi juvon. — Men senga aytib berishim mumkin. To‘g‘risini aytsam, men har ikkala 
savolga javob bera olaman. Mening yaxshi bo‘lishimga sabab — bu sensan va shuning aksi. 
 — Chakki emas. 
— Ustimdan kulish yo‘q, —  ogohlantirdi Virjiniya. — Buning uchun sen hozir o‘shanday holatda 
emassan. — U gilamdan oyoqlarini ko‘tardi-da, Palmerning qorni ustida chordona qurib o‘tirib oldi. 
— Qalay, og‘irmi? 
— Necha kilogramsan? 
— 1 stoun 5 funt.1  Shuning bari ichak-chavoqlarimga bosib turibdi. 
— Menda bir foydali fikr paydo bo‘lib qoldi, — dedi yigit. — Qorin mushaklarini mustahkamlaydigan 
mashqlar. Menga 1 stoun 5 funt og‘irligidagi bir ayol kerak. Sen bunga qiziqmaysanmi? 
— Yo‘q. 
Juvon oldinga egildi-da, yigitning ustiga shunday cho‘zildiki, yuzi yigitning bo‘yniga yopishdi, 
ularning oyoqlari bir-biriga juftlashdi. 
— Nima bo‘lganini bilayapsanmi? — so‘radi juvon. — Endi sen meni butunlay sezmayapsan. 
— Judayam xato qilayapsan-da! 
— Vaznimni nazarda tutib aytayapman.  
— E-ha. 
— Sen taxta katchalik ham emas ekansan. 
— Aybsitavera-a, aybsitaver. 
— Qoq suyaksan, — davom etdi juvon, — bundan tashqari, har xil bo‘rtiqlar. 
— Balki, murvatlar bo‘shashib qolgandir? 
— Uni mahkamlashning qandaydir usuli bo‘lishi kerak. 
— Bo‘lishi kerak. 
— O, — dedi juvon, uning ko‘kragidan asta tishlab. 
— Qanaqa? 
— Qarab tur. 
Telefon jiringlaganda soat endigina to‘qqizdan oshgandi. Palmer yuzini gilamga tiqib, qornida uxlab 
yotardi. U asta qimirladi, so‘ng butunlay uyg‘ondi va Virjiniyaga tikildi. Juvon barmog‘ini uning labiga 
bosdi. Telefon yetti marta jiringlaguncha ular bir-biriga tikilib qarab, kutib turishdi. Sakkizinchi 
qo‘ng‘iroq o‘rtasida u tindi. 
— Shahar qo‘ng‘irog‘i, — dedi juvon. — Bu uydan emas. 
— Soat necha? 
— To‘qqizlar atrofida. Qorning ochdimi? 
Yigit boshini chayqadi. 
— Men uxlaganimda nima qilding?  
— Seni tomosha qildim. 
— Xo‘sh? 
— Va o‘yladim. — Juvon chekib turgan sigaretasini unga uzatdi. — Seks haqida o‘yladim. 
Yigit bir tortdi-da, sigaretani qaytardi. 
— Nimani topding? 
— Ikkovimizdan bittamiz ham tushunib bo‘lmaydigan narsani. 
— Juda afsusdaman. 
— Afsuslanma. Men shunday xulosaga keldim: Buni tushunish mutlaqo shart emas. Bu yog‘ochdan 
zavq olgan bilan baravar. 
— Hamma ham shunday his etavermaydi. 
— Men ikkovimizga bir qara, demoqchiman. Agar turli-tuman gunohu ayblar nomi bilan ataluvchi 
narsalardan o‘tib kelish uchun to‘la ixtiyorga ega bo‘lmasak, ko‘p o‘tmay hech qanaqa lazzat ololmay 
qolamiz. 

---

Bankir (roman). Lesli Uoller