Microsoft Word bankir ziyouz com doc
Yüklə 0,96 Mb. Pdf görüntüsü
|
| www.ziyouz.com kutubxonasi
199 Jamg‘arma banklari ana shunday vositalardan biri. Men jamg‘arma banklarga emas, bu banklarning hamma pullarini o‘z omborlariga yig‘ishga urinayotganlarga qarshi gapirayapman. — Jamg‘arma bankiga qo‘yilgan dollarlar nima bo‘lishini o‘ylab ko‘ringlar. Qonun bu banklarga davlat obligatsiyalari, cheklangan miqdorda qimmatbaho qog‘ozlar va garovdan boshqa narsaga ruxsat etmaydi. O’z navbatida bunday holat omonat banklari o‘z zahiralarining ma’lum bir qismini naqd pul hisobida ushlab turishga majbur qiladi. YAna ta’kidlayman: bunday omonat turida hech qanday qonunbuzarlik yo‘q. Agar ozgina miqdordagi pullarni saqlab turgan bunday banklar soni cheklangan bo‘lsa, ularning iqtisodiyotiga ta’siri uncha sezilmasdi. Ammo... Palmer nutq boshlaganidan bir necha daqiqa o‘tgach, atrofga qarab, ziyofat zali odamlar bilan to‘lganini ko‘rdi. Yaxshi belgi. Quvnoq sharoitda o‘tgan tushlikdan keyin tinglovchilar xayrixohlik kayfiyatida edilar. Palmer bu odamlar butunlay o‘zi tomoniga o‘tganini sezgunga qadar jamg‘armalar haqidagi gapni to‘xtatmadi. Endi alohida jamg‘arma banklardagi bill1ga qarshi chiqish orqali YuBTK ham, tijorat banklari ham shaxsiyatparastlarcha yo‘l tutmayotganiga ishontirishgina qoldi, xolos. — Men ko‘cha karnavalidagi sotuvchilardan biri bo‘lganimda, — davom etdi Palmer, — bu minbardan qo‘limda ilon zahari solingan shisha idish ushlab, u hatto billiard soqqasida ham soch o‘stira olishini kafolatlayman deb gap sotgan bo‘lardim. Nomiga bo‘lsa ham bir-ikki joyda kulgi eshitildi: — Afsuski, janoblar, meni sotadigan narsam yo‘q. Sirakuzada mening banklarim, sizlarning mahalliy banklaringiz bilan bilvosita operatsiyalar o‘tkazishini hisobga olmaganda, tijorat ishlari bilan shug‘ullanmaydi. Biz hatto yigitlaringizdan birortasini aldab, Nyu-Yorkka chaqirib olishni orzu ham qilmaymiz. — Kulgi sal ko‘paydi. — Sizlarning mahalliy tijorat banklaringiz nomidan gapirolmayman, — davom etdi u. — Lekin ishonamanki, ular shug‘ullanishlari zarur bo‘lgan hamma ishni qo‘llariga olganlar. — Sirakuza — bu gullab-o‘sayotgan jamoa. Bu yerda ko‘pgina banklar faoliyati uchun maydon keng. Sizlar o‘z xususiy zayomlaringizni ko‘rsatasizlar, kredit ma’lumotlarini yig‘asizlar, jamg‘armalarni boshqarib, mashina, uylar sotib olish, muhim ishlarni bajarish uchun qarz olasizlar. Buning uchun sizlarga faqat tijorat banklari yordam beradi. Biroq men sizlarni faqat Sirakuzaning iqtisodiga qarashdan tashqari boshqa narsalarga ham... Palmer minbardan tushib, qarsaklarga quloq soldi. U hali gulduros qarsaklarning farqiga boradigan darajada ko‘p nutq so‘zlagani yo‘q. Biroq qarsaklar qattiq yangrab, bir necha daqiqa davom etdi. U rasmiy qo‘l olishish uchun raisga o‘girildi. Palmer yonboshdagi eshikdan chiqib ketayotib, soatiga qaradi. Oxirgi o‘n besh daqiqa ichida soatga bir lahza ko‘z tashlab olishni ko‘p mo‘ljalladi, lekin bu auditoriyada yomon taassurot qoldirishi mumkin edi. Soat o‘n bir bo‘lganini endi bildi. Samolyot uchishiga bir soat vaqt qolibdi. U yo‘lakda komitetning bir necha a’zosi, ikkita mahalliy tijorat bankirlari va otasini taniydigan o‘rta yoshlardagi kishining tabrigini qabul qildi. Keyin ijaraga olgan xonasiga kirdi. Telefon go‘shagini ko‘tarib, so‘radi: — Aeroportga qachon mashina ketishini aytolmaysizmi? — Soat o‘n biru o‘n beshda. Iltimos, bir daqiqa to‘xtang. — Telefon jim bo‘lib qoldi. Palmer toqatsizlik bilan kutib turdi. — Janob Palmer, — yana gapga tushdi telefonchi qiz, — ziyofat zalida bo‘lgan paytingizda sizga kimdir qo‘ng‘iroq qildi. — U Palmerga mahalliy telefon raqamini berdi. Palmer qo‘ng‘iroq qiluvchi kimligini bilmas edi. Go‘shakni ilib, jomadonini yopdi, paltosini olib, xonadan chiqdi. Qo‘ng‘iroq qilgan kim bo‘lsa ham Sirakuzaga yanagi gal kelishini kutadigan bo‘ldi. Palmer pastga tushib, aerokampaniya mashinasi turadigan joyga yo‘l oldi. O’ziga o‘xshab horg‘in ko‘rinuvchi bir nechta kishi eshik oldida turardi. YOnidan yugurdak g‘uldiraganicha o‘tib ketdi. — Janob Marmer, janob Marmer. Palmer to‘xtadi: — Palmer? |