Microsoft Word bankir ziyouz com doc

www.ziyouz.com kutubxonasi 
212
rivojlantirish uchun ishchilarni qisqartirishga majbur. Ishsiz qolgan odam qarzlarini to‘lay olmaydi. 
Tushunasanmi? 
Edis boshini liqillatdi va o‘z stakanchasini muz orasidan ohista oldi. 
— Men hammasi avtomatlashtirishga bog‘liq deb o‘ylar ekanman. 
Palmer Berkxardtga o‘xshab achchiq istehzo bilan kulib qo‘ydi, so‘ng bu qiliqni qachon o‘zlashtirib 
oldim degan xayolga borib, bir lahza to‘xtab qoldi. 
— Mahsulot ishlab chiqarish usuli qarz silsilasini o‘zgartira olmaydi. — tushuntirdi u nihoyat. 
— Unda tamom bo‘lamiz. 
— Men bu bema’ni muammoga shunchalik o‘ralashib qolganimdan qoloq odam degan nom 
orttirdim, — Palmer xo‘rsinib, likyor ho‘pladi. — Ikki narsagina vaziyatni qutqara oladi. Federal zahira 
tizimi bankirlarga tazyiq o‘tkazadi. Oqibatda banklar savdogarlarga qarz berishni kamaytiradi, ular 
ham o‘z navbatida iste’molchilarga nasiya mol bermay qo‘yadi yoki iste’molchilar, ochko‘z bolalarga 
o‘xshamasdan, o‘zlarini katta odamday tutib, atrofga jiddiy qaraydigan bo‘ladilar. 
 Edis o‘z stakanini chiroq nuriga solib sinchiklab ko‘zdan kechirar ekan: 
— Demak, — deb xitob qildi. — Hammasi iste’molchilarga bog‘liq ekan-da? 
— Shubhasiz. 
— Ularga bugun bo‘lmasa ertaga kechqurun yoki boshqa ajoyib kunlardan birida, — davom etdi 
Edis, — parcha-parcha bo‘lib ketish xavfidan qutulmasdan turib, o‘zlarini katta odamlardek tuta 
olmaydilar. 
Ular likyorni jimgina ichishga tutindilar. Katta bir palyon kamin ichida chirsillab yorildi, mo‘ridan 
mayda uchqunlar yopirilib chiqdi. 
— Chamamda, tayyorgarligi yo‘q odam uchun bu mavzuda bahs yuritish ancha og‘ir kechadi. 
— Ammo u bankda bugungi majlis mavzusiga aylandi. Endi hamkasabalarim meni bu masalalardan 
yaxshi xabardor deb hisoblaydigan bo‘lishadi. 
— Ularning fikri qanday? 
— Rostini aytsam, bunday masalalarni muhokama qilmaganmiz. 
— Kim bilan gaplashgansizlar? 
— Hay, men bilmayman. Men reklama va axborot bo‘limidagi xodimlarimiz bilan gaplashgan edim. 
— Mak Berns bilanmi? — so‘radi u. 
— Ha, shundayroq. U va miss Kleri bank ishlarida hech narsani tushunmaydilar... 
— U reklama va axborot bilan shug‘ullanadimi? 
“Ko‘rayapsanmi, — dedi ichida Palmer, — ko‘rayapsanmi?” Ammo ovoz chiqarib: — U Berns bilan 
munosabatlarimga vositachilik qiladi, — dedi va chuqur nafas olib, gapni chalg‘itishga urindi. — 
Ularning biri ham bank ishlarini tushunmaydi... 
— Miss Klerini ishga kim yollagan? — so‘radi Edis bo‘linib qolgan mavzuga qaytib. 
Palmer yelkasini siqdi. 
— Men kelganimda ishlar edi. 
— U chiroylimi? 
Palmer asta kulib qo‘ydi... 
— Har kim o‘z imkoniyatiga qarab hayot kechiradi, — dedi u. Ovozi kattakon xonada g‘alati aks 
sado berib jarangladi. — Yaxshi ta’minlangan oilaning o‘g‘illari ham. Hatto, — qo‘li bilan uni ko‘rsatib, 
qo‘shib qo‘ydi, — qizlari ham. Mening qo‘limda bank xo‘jaligi bor. Men u bilan shug‘ullanaman. 
Ochiqchasiga ayta olaman: bu sharafli kasb. Men ishonamanki, u ayol ham kerakli ijtimoiy vazifasini 
bajaradi. Agar, vazifani bajarmay qo‘ysa, u men uchun yo‘q narsaga aylanadi. Nima haqida 
gapirayotganimni tushunasanmi? 
— Tushunaman. Bu juda qayg‘uli. 
— Ha, qayg‘uli, — qo‘shildi u, — chunki bank ishlari ba’zi zarur vazifalardan ozod qiladi, xuddi ilon 
ham o‘zini siqib turgan terisini tashlaganga o‘xshab. Bank kuch bag‘ishlashi, qo‘llab-quvvatlashi, 
himoya qilishi lozim. Bankning asosiy vazifasi — jamg‘arish. 

---

Bankir (roman). Lesli Uoller