Microsoft Word bankir ziyouz com doc
Yüklə 0,96 Mb. Pdf görüntüsü
|
| www.ziyouz.com kutubxonasi
236 — Menga ishon, Vudi, — Berns ozg‘in qo‘llarini uzatdi, birdan yengidagi ignatugmalar qandaydir jazavali yaltirab ketdi. — E xudo, bizlar bir-birimizga ishonishimiz kerak. — Menga nisbatan halol munosabatda bo‘lsang ishonaman senga. — Halolman. — Sinab ko‘ramiz, — taklif etdi Palmer, — uncha katta bo‘lmagan ochiq suhbat qilib ko‘ramiz. Menga ayt-chi, shtat markazi tashkilotining ichida haqiqatdan nimalar bo‘layapti? Berns bir nima demoqchi bo‘ldi, biroq og‘zini ochgancha tek turib qoldi. U Palmerga bir muncha muddat tikilib turdi, so‘ng uning og‘zi yopildi, qo‘llari har ikki yonida osildi va u orqadagi divanga qarab ketdi. O’tirdi-da, yana stakanni qo‘liga olib, go‘yo o‘zicha yengil kulib qo‘ydi. — Yangi odam degani ham shunaqa fahm-farosatli bo‘ladimi? — murojaat qildi u divan yonidagi bo‘shliqqa. — Yoki qizaloq Kleri buni ma’lumotlar bilan boqayaptimi? — U menga axborotlarni yetkazib turadi. — dedi Palmer, — yiliga ellik ming dollar maosh oladigan maslahatchingdan ham ko‘proq ma’lumotlar keltiradi. Berns boshini ko‘tardi va Palmerga qattiq tikildi... — Men senga vaziyatni to‘la izohlab berganim yo‘q, Vudi, — asta dedi u. — Shtat chekkalaridan menga notinch mish-mishlar kelib turibdi. Palmer oldinga intildi: — Qanaqa mish-mishlar? Qaerdan? — Van Kalxeynning u yerda odamlari bor. Xiyol mayda tijorat banklaridan ayrimlari omonat banklari tomoniga o‘tib ketayotgani haqidagi ma’lumotlarni oldik. Ularning yo‘qotadigan narsalari yo‘q, chunki ular mayda. Ular yirik markaziy tijorat banklarini yomon ko‘radilar. — Bu bema’ni gap! — qariyb qichqirib dedi Palmer. — Ular bizga bog‘liq-ku. Biz ularning muxbir banki bo‘lamiz. Biz ularning qo‘yilmalarini sotib olamiz. Biz ular uchun qimmatbaho qog‘ozlarni sotib olamiz va sotamiz. Ey xudoyim, biz ularga beysbol birinchiligi matchlariga va Brodveydagi tomoshalarga biletlar olib beramiz, ular shaharga kelganlarida o‘zlarining ermaklari bilan bo‘lib, bizning dabdabali xususiy idoralarimizda aylanib yurishadi. Biz ular uchun hamma narsani qilamiz... Palmer mehmonxona bo‘lmasiga qaytdi va soatiga qaradi, Virjiniyaning qo‘ng‘irog‘iga ham ancha vaqt bor edi. U yarimlagan stakanni oldi va unga toza viskidan quydi, so‘ng deraza oldiga keldi-da, ko‘prikka tikildi. Ko‘prik Kuinsga va shunaqasi omonat banklari butun bir lashkarining bo‘ronli markazlaridan biri Long-Aylendga olib borardi. Baribir ham, u agar Jet-Tex puflab shishirmaganida bu lashkar omon qolarmidi? — o‘ziga-o‘zi savol berdi Palmer. U stakanni og‘ziga olib bordi va ichayotgani muzdan xiyol sovigan toza viski ekanini angladi. Ammo o‘zini ichishdan tortish shartmikan? Bu oqshom uning hech qanday qiladigan ishi yo‘q. Agar tormoz markazlari ichkilikdan biroz to‘mtoqlashsa, yanada kattaroq bo‘ladigan lazzatni hisobga olmaganda, albatta. Aslida Virjiniyaning u bilan yana uchrashish xohishi Palmerni hayratga solgani yo‘q. Qisman shuning uchunki, u juvonga o‘sha oqshomda, siz bilan munosabatlarni uzaman deb aytganida unga chinakamiga ishonmagandi. Ehtimol, esladi Palmer, bu shunchaki yo‘l topish masalasi edi. Juvonning boshqa yo‘li yo‘q edi. Oldingi kuchli muhabbatdan asar qolmagandi. Uning paydo bo‘lishiga ham hech qanday umid-pumid yo‘q edi. Juvon to‘la ko‘ngilchanlik nuqtai nazaridangina ishqiy aloqa boshlagandi. Bordi-yu, ular bu aloqani uzgudek bo‘lsalar, tushundi yigit endi, juvon hech qayoqqa qarab burila olmay qoladi, darvoqe Palmer ham. Palmerning oilasi bor, bu oila Virjiniya uchun onaga qaraganda Palmer uchun ko‘proq hissiy manba bo‘lib hisoblanardi. Ularning ikkovi ham daqiqa ta’siri ostida bir- biriga surilib qolgan edi, holatlar mushtarakligi, bir xildagi ochlik, o‘zaro intilishning yuzaga kelgan hali zaif tuyg‘usi ularni harakat qilishga undardi. Shu boisdan ham ulardagi ochlik shu qadar katta ediki, ular oldindan o‘rganish bo‘lib qolgan odobli rasmiyatchiliklar bilan tezgina ajrashib ketar edilar. Palmer daryoda quyiga qarab suzib ketayotgan ixcham shatakchi kemaga qarab qoldi, oppoq |