Microsoft Word bankir ziyouz com doc

www.ziyouz.com kutubxonasi 
71
— Ha. Lekin bu hayot yo mamotni hal qiladigan soha. 
— Mayli, shunday bo‘la qolsin. Ammo shuni ta’kidlaymanki, ushbu suhbat bayonnomasida pul faqat 
moddiy sohada eng muhim omil ekani qayd qilinsin. 
— Roziman, — dedi Palmer. 
Miss Kleri diqqat bilan unga qaradi: 
— Siz faqat men aytganlarimgagina iltifot qilayapsiz. O’zingiz hayotda moddiy ehtiyojdan boshqa 
sohalar ham bo‘lishi mumkin, deb o‘ylaysizmi? 
— Har holda ular suhbatimiz maqsadi bo‘lib xizmat qilmaydi. 
Miss Kleri alam bilan boshini chayqadi. 
— Sizni so‘zda yengib bo‘lmaydi. Men gazeta uchun muloqotingizni yozib olmagan bo‘lardim. — 
Biroq u Palmerga yana bir qarab qo‘ydi-da, taslim bo‘ldi: — Xo‘p, mayli, — dedi u, — biz 
bankchilarmiz. Bizni faqat moddiy jihati qiziqtiradi. Davom eting, marhamat. 
U o‘z qahvasidan bir ho‘pladi-da oromkursiga suyanibroq o‘tirdi. 
— Bankdagi pullar qay ahvolda? Biz ularni maxsus seyflarda saqlaymiz, u yerdan o‘g‘irlash mumkin 
emas. Keyin ularni sarmoyaga —  qimmatli qog‘ozlar, aktsiyalar, korxonalar va ayrim shaxslar uchun 
zayomlarga aylantiramiz... Xullasi kalom, pul yordamida qilinadigan ishlarni ayni biz belgilaymiz. Oxir-
oqibatda, shuni aytish mumkinki, pulning ijodkorlari bizmiz. 
— Pul ijodkorlari? Buning uchun biz nima qilamiz? Pulni bosib chiqaramizmi? 
— Deyarli shunday, — javob qildi u. 
— Nima, bu qonuniymi? 
— Mutlaqo qonuniy, — ishontirdi uni Palmer. — Federal zaxira banki sifatida, biz olayotgan har 
to‘rt dollar hisobiga toza havodan bitta yangi dollar hosil qilamiz. 
— Shu yaxshimi? 
Bunga javoban Palmer qo‘lini qarsillatib oromkursi qirrasiga urdi. 
— Falsafiy savollar berishni bas qiling. Ehtimol, AQShda yuz berishi mumkin bo‘lgan ishlarning eng 
yomoni mana shudir va bizning evaralarimiz buning uchun juda qimmat haq to‘lashar. Lekin hozirgi 
bosqichda bizni aynan pul qutqaradi. 
— Boshqacha aytganda, biz zarur ta’minot bo‘lmagani holda pul bosib chiqarish mas’uliyatini 
olganmiz, — dedi miss Kleri. 
— Boshqa so‘zlar bilan ifodalaydigan bo‘lsak, biz inflyatsiyaga, pulning qadrsizlanishiga yo‘l ochib 
berayapmiz, — javob berdi Palmer. — Biroq amerikaliklarning o‘zlari inflyatsiyaga intilayaptilar. 
— Aytayotgan gaplaringizga o‘zingiz ham ishonmaysiz, — e’tiroz bildirdi Virjiniya. 
— Bu yerda ishonchning nima daxli bor? Axir, turmush taqozosi shunga aniq dalil-ku. Odamlarning 
o‘zi turli-tuman ajabtovur narsalar — 21 dyuym ekranli televizor, ikki qopqali sovutgich, katta quvvatli 
avtomashina sohibi bo‘lishni istaydilar. Ular zarur miqdordagi pul jamg‘arishga kutishni istamayaptilar. 
Bir so‘z bilan aytganda, ular yosh bolalarga o‘xshaydilar, ular hamma narsani darhol olishni istaydilar. 
Har bir avtomobil yoki televizor ortida odam turibdi, u o‘z molini darhol sotish niyatida. Lekin u sotgan 
molining pulini o‘ttiz olti oy kutolmaydi. U molini sotar ekan, pulini darhol to‘lashlarini istaydi. Mundoq 
qarasangiz, qandaydir moliyaviy kompaniya, korporatsiya yoxud vakil uning xizmatiga hoziru nozir 
bo‘lib turibdi. Ular xaridorga pul to‘laydilar, o‘zlarining xizmat haqi esa molni olayotgan iste’molchi 
hisobidan to‘lanadi. Biroq bu kompaniyalar ham shoshilinch ravishda qaerdandir pul topishlari zarur. 
Biroq ular pulni qaerdan oladilar? Ular bankka murojaat qiladilar. Bank ularni pul bilan ta’minlashga 
tayyor turadi. Pul nihoyat tugaydi. Xo‘sh, pul qaerdan olinadi, tugagan zaxira qaerdan to‘ldiriladi? 
Qaerdan olinishini o‘zingiz yaxshi bilasiz. Bu pullar bosish dastgohlari turgan tsexdan olinadi. 
Palmer gapdan to‘xtadi, to‘satdan ovozi ko‘tarilib ketganini, uning so‘zlari ulardan ikki stol narida 
o‘tirgan kishi e’tiborini tortganini his qildi. Oraga cho‘kkan jimlik payti u sigaretasini kuldonga bosdi, 
nega buncha hayajonlanayapsan, deb o‘z-o‘ziga savol berdi. 
— Siz faylasuflarday gapga tushib ketdingiz, — dedi Virjiniya Kleri. 
— Ha, pul xususida mening o‘z falsafam bor, — rozi bo‘ldi Palmer. — bu falsafa juda arxaik bo‘lib, 

---

Bankir (roman). Lesli Uoller