Etta yando inye, Paulo, ye Yésus Hriston mandosse ná rá elden i nar i nórion ... 2 – qui é ahlárielde pa i ortírie i Erulisseva ya náne nin antaina márieldan, 3 manen apantiénen i fóle náne nyárina nin, ve tencen şintave nóvo. 4Sie ece len, cendala tecettanya, hanya i tercen ya samin i fóleva i Hristo. 5 Yane *nónaressen fóle sina úne carna sinwa i atanyondoin ve sí fairenen anaies carna sinwa airi apostelyain ar tercánoryain: 6 manen queni i nórion nauvar aryoni ar hroarantar ar samuvar ranta aselme i vando, mi Yésus Hristo, i evandilyonnen. 7 Anaien carna núro evandilyon sinan i lissenen Eruo, ya anaie antaina nin túreryanen mólala nisse.
