| (konvensiyalarla) tənzimlənir ; bu sazişlərin vasitəsilə nəqliyyatın ayrı-ayrı
növlərində yaranan iqtisadi münasibətlərin çoxtərəfli əsaslarla beynəlxalq-
hüquqi tənzimlənməsi həyata keçirilir. Nəqliyyat sahəsində iqtisadi
münasibətlər həm də, eyni zamanda, ikitərəfli beynəlxalq nəqliyyat sazişləri
(konvensiyaları) ilə də tənzimlənir. Azərbaycan Respublikası nəqliyyatın ayrı-
ayrı növləri üzrə xarici ölkələrlə çoxsaylı ikitərəfli sazişlər bağlamışdır.
Beynəlxalq nəqliyyat sazişlərinin köməyi ilə, adətən, universal səviyyədə
tənzimetmə həyata keçirilir. Tarixən elə formalaşmışdır ki, universal səviyyədə
tənzimetmə vasitəsilə yalnız dəniz, hava (müəyyən dərəcədə) və avtomobil
nəqliyyatı sahəsində yaranan münasibətlər nizamlanır və qaydaya salınır. Su
(çay), dəmir yolu və boru kəməri nəqliyyatı sahəsində isə xüsusi sazişlər
(konvensiyalar) bağlanmışdır.
Beynəlxalq nəqliyyat sazişlərinin bəziləri beynəlxalq daşımaları regional
səviyyədə tənzimləyir; onlara regional beynəlxalq nəqliyyat sazişləri deyilir.
Məsələn, Beynəlxalq dəmir yolu ilə yük əlaqələri haqqında Saziş4 MDB
səviyyəsində beynəlxalq daşımaları tənzimləyir.
Dostları ilə paylaş: | 
