Mühazirələr. Mövzu Müasir şəraitdə mülki müdafiənin rolu və vəzifələri. Plan

 
 
 
Respublikamızda səhiyyə sistemi daim əhalinin sağlamlığının qeydinə qalmaqla 
bərabər, düşmən basqın edəcəyi təqdirdə ölkədə əhalinin mühafizə olunmasına 
yönəldilmiş mülki müdafiə tədbirlərinin həyata keçirilməsində də iştirak etməklə 
ən vacib bir məsələ yerinə yetirir. Səhiyyə orqanları mülki müdafiənin tibb 
xidmətini yaradır və fəaliyyətə hazırlayırlar ki, bu xidmət tibb işçilərinin ixtisas 
hazırlığını təşkil edir. Müalicə - profilaktika və sanitariya epidemiya əleyhinə 
tədbirlər kompleksini həyata keçirmək üçün ixtisaslı dəstələr və müəssələr təşkil 
edir və hazırlayır. Tibb xidməti bir sıra ixtisaslı dəstələr və müəssələr yaradır, 
onların əhaliyə tibbi yardım göstərmək üçün daim hazır olmalarını təmin edir. 
Mülki müdafiənin tibb xidməti öz fəaliyyətində həmişə əhalinin köməyinə 
arxalanır. Bu sahədə Qırmızı Xaç və Qırmızı Aypara cəmiyyəti böyük rol oynayır. 
Bu cəmiyyət əhali fəallarını ictimayi işə cəlb edir ki, onlar da bütün əhalinin tibbi 
hazırlığını təşkil etməkdə mülki müdafiənin tibb xidmətinə yardım göstərirlər. 
Kütləvi qırğın vasitələri durmadan inkişaf etdirilən bir şəraitdə əhalinin tibbi 
hazırlığı yüksək dərəcədə əhəmiyyət kəsb edir, axı tibb dəstələri zədələnmə 
ocağındakı zədələnmiş adamların hamısını dərhal aşkar edib tapa bilməzlər. 
Düşmən basqınından sonrakı ilk gərgin dəqiqələrdə əhalinin xilası hər kəsin 
özünə və başqalarına ilk tibbi yardım göstərməyi bacarmasından asılı olacaqdır. 
Mülki müdafiənin tibb xidməti bu zaman zədəlilərə tez ilk həkim yardımı 

---

göstərmək və onları salamat qalmış xəstəxanalara müalicəyə göndərmək üçün 
özünün həkimlərdən ibarət dəstələrini zərər çəkməmiş rayonlardan zədələnmə 
ocaqlarının, zədələnmiş adamlar olan yerlərin yaxınlığına gətirməyə çalışacaqdır. 
Bu tədbirlərin həyata keçirilməsi üçün həmin işlərdə bir sıra mülki müdafiə 
orqanlarının iştirakı, habelə bütün əhalinin fəal köməyi tələb olunacaqdır. Belə 
vəziyyət əhaliyə əvvəlcədən tibb işlərinin öyrədilməsinin əhəmiyyətini artırır. 
Mülki müdafiənin tibb xidməti ölkənin səhiyyə sisteminin xüsusi təşkilatıdır ki, 
dinc quruculuq illərində əhaliyə tibb yardımı göstərən səhiyyə müəssisələri 
əsasında yaradılır. Bu təşkilat düşmən tərəfindən kütləvi qırğın silahına məruz 
qalmış rayonda ilk tibbi yardım göstərməyə xidmət edir. Mülki müdafiə tibb 
xidmətinə muxtar, vilayət, şəhər, kənd və rayonlarda dinc quruculuq illərində 
səhiyyə xidmətinə başçılıq edən şəxslər rəhbərlik edir.