Muqaddarwaalon ko hi aati hai chain ki neend Ameeron ki qismat men yeh nemat hai kahan
Yüklə 295,67 Kb.
|
|
Baazaar men jao to banjaare dekhna Apni qismat per yaro tum rotey ho kya Kabhi dast e muqaddar ke bechaarey dekhna Mil baant kar jiyo to jiyogge khush haal Sapne tum apne, kuchh hamaare dekhna Mud ke dekhe maazi ke ainey men jab Shaadmaani ke ‘sahil’ tu nazaare dekhna 166. Hawaaon ki tezi se udte hain patte Woh hawa kidhar hai jo mujh ko hila de Khaak ka main zarra, yeh meri zamin hai Woh aandhi kidhar hai jo mujh ko uda de Rab jaisa maa ko yun hi nahin kehte Aur kaun hai jo mujhko ga kar sula de Chaand se mila de, pariyaan deekha de Udaas mere man ko hansana seekha de Kho jaata hun yaadon men main kabhi ‘sahil’ Raah apni phir mujhko koi to deekha de 167. Har marhala e zeest se guzarte hi Raah badli, manzil nahin, Waqt badla, qismat badli Lekin yeh ‘sahil’ badla nahin 168. Badalta waqt hai ‘sahil’ Apne mizaan men mat tol,
169. Ya rab aadmi zaat bhi kya banai hai Subh o raat kya banai hai, Zeest de kar insan ko us ne ‘Sahil’, Yeh saughat bhi kya banai hai 170. Sarhodon ki hifazat ki baat karte ho
171. Jiski har saans ki karte they hum pairavi Wohi na rahe to kya karenge Khmoshi ka libas od kar ‘sahil’ Baat na baney to kya karenge 172. Haqeeqat men lipta hai ‘sahil’ tu aisey Ik muddat hui khwaab men khoye huay Raaton ko ginta hai taare tu kyon Ik muddat hui tujhe soye huay Shajar tere hain, za’eef teri tarah Ik muddat hui tujhe kuchh boye huay Rehta hai tu ab dil se door itna Ik muddat hui tujhe roye huay Falsafa e raasti bahot ho chuki ‘sahil’ Ik muddat hui zameer khoye huay 173. ‘Sahil’, aaj khun e jigar safed kyon Surkh nahin hai rang kyon, Kharid o farokht ke bazaar men Kya bikey zameer, dil sang kyon 174. Na hui dua qabul, to kya karoge Danista hui bhul, phir kya karoge Daurne se manzil nahin milti ‘sahil’ Raah men udi dhul , to kaho kya karoge 175. Rah e khuda per chal kar rab na mila Har su jahan men hai shaitan dekh Bebas kh-mosh takta hai ghamgin 'Sahil’ tu aasmaan dekh 176. Jab ashkon se ki dastaan bayan
177. Raahat chahiye gham se ‘sahil’ To tanha khud ko samjha, Raunaq e mehfil se phir Kar le khud ko juda 178. Khuda hai tera humsafar Kis noor ki tujhe talaash ,
Kis toor ki tujhe talaash 179. Mahv e gham e dosh se haasil kya hoga
Ruing the past 180. Main ne dekhe hain lamhe jab kh-moshi kalaam karti hai
Shaikh, tera raub o taab baja hai apni jagah maana, lekin Faraamosh na hona ke wohi qismat khas se aam bhi karti hai Muqqayiad kya karega insaan kisi insaan ko kabhi, Jab shahenshason ko taqdeer aksar ghulaam bhi karti hai Falak se yaro kitna kuchh maangoge, duaen karoge kitni Yaad rakhna hamesha, taqdeer kabhi aaraam bhi karti hai Maut ko yun mat kos, ai na samajh, kam aql, ‘sahil’ Mat bhool naadaan, wohi qaza tujhe dawaam bhi karti hai 181. Sahib e ilm ho to yeh samjhao ‘Sahil’ Tamanna jannat ki hai to mahabat zindagi se kaisi 182. Sumundur men lehron se dosh Maikade men reh madhosh Jis ja hai tu wohin ka ban Dervesh to ‘sahil’ hai be hosh 183. Bana lo dar o dewaar ka aashian Chhat ho us men murawwat ki Wohi ho tumhari zamin o aasman Farsh us men ho mahabat ki 184. Miley sabaq hazaar tab yeh jaana hum ne ‘sahil’ Deewaanon ki is duniya men deewaani hai mehfil Khwab falak ke dekhta hai, parinda yeh be baal o par Kuchh aisa kar, ya rab tu, tera insan jaaye hil Samjha zara, ai vaaiz mujhe, paheli yeh bujha Lahu ravaan hai ragon men jab, pathhar kyon hai dil Ruk ai munsif, sabr kar, abhi faisla na suna Shahadat le aankhon ki bhi, kahin woh na hon qaatil Kar gumaan ‘sahil’ ka door, gil saaz hai tu maula Samajhta hai wo khud ko shaair, jab hai wo aab o gil 185. Khushi kya aur gham kya Maut kya aur dum kya ‘Sahil’, riza sab maula ki hai Dua kya aur marham kya 186. Soz kitna hoga dil men us ke Maanta hai jo khud ko aziat ka pasbaan Us ke baatin men sulagti aag hogi ‘sahil’ Har aah us ki hai jis ka dhuaan 187. Is nazariye se dekho zeest ko yaro Ke saans lena baney ik masghala sa Sanjeedagi nahin hai naam iska ‘sahil’ Hayaat to hai bas ek tamasha sa 188. Be hiss o sard zamana, zamistaan ki baat karo Gulsitan nahin yaro, biyabaan ki baat kato, Khzaan hai ‘sahil’ aaj paasbaan chaman ki Har su hai ghaarat, insan ke imtehan ki baat karo 189. Shama e umeed jalaye rakhun kab talak
190. Khat o khaal e jannat to batao Kauser ke siva kya hai batao Dur kitna hai dozakh ‘sahil’ Kya raah uski juda hai, batao 191. Kabhi raushan manind e aftab Kabhi be hiss o na umeed Nasheb o faraz e zeest yehi hai Kabhi hijr ‘sahil’, kabhi Eid 192. Zahn se guman kabhi nahin jaata Aur, dil se iman nahin jaata, Basa ke rakh baatin men rab ko ‘Sahil’, dil se asitaan nahin jaata 193. Saniha maan le zeest ko agar Lamhe aziat ke tal jayenge, Subh shaam ke nazare qismat ke sitaare Shayad ‘sahil’ badal jayenge 194. Nisf sadi ki nahin is zamaane ki baat karo Aaj shikastah hai dil, behlaane ki baat karo Aag to aag hi hoti thi, chuhle men yaro Aaj ki mazhabi naar ko bujhane ki baat karo Kya hua hai rafaqat o hamdardi ko Is bahami nafrat ko mitaane ki baat karo Be hiss bana hai insan, be lahu pathhar ka dil Is sang dil but ko ab, hilaane ki baat karo Neend se mahroom insan, eejaadon ka ghulaam Isey, ai firasatmando, sulaane ki baat karo Shayad maula bhi rootha hai insan se ‘sahil’ Puja karo, sajde karo, usey manaane ki baat karo 195. Naam gar insan ka khaak hota To shayad wo zyada paak hota, Khaak hi per bante hain asitaan ‘sahil’ Manind e pir hota,, rashk e aflaak hota 196. Zindagi khud maut ki shikaar hai ilzaam hayat per mat lagao Na pahunche dua rab tak ‘sahil’ To zimedar bandagi ko mat thahrao 197. Sarguzasht e saba kya batayegi Jis rukh chalegi us rah lejayegi Hawa pe kya bharosa ‘sahil’ Ooncha uda kar, gard men milayegi Khazaan ka zor hai aaj gulshan men Kaho, andaleeb kya naghma sunayegi, Chund phool jo bachey hain bahaar ke Zaar zaar woh yaqeenan rulayegi, Kabhi rafaqat se jeete they phool o parinde Naam o nishaan bahaar ke wo mitayegi Tu hi samjha maula mere, ghaafil hai aaj insan Kya sada e inqilaab hi ab aman ka ehsaas dilayegi Kuchh badla badla sa hai maahaul is baagh ka Teri aawaaz bhi ‘sahil’, kya khun se rang jayegi 198. Dard e gham to dosto hamesha rulata hai Ehsaas e gham, khwaab e azaab dikhlata hai
Hirs o hawas to dil ko subh o shaam jalata hai Baatin men nahin, zahn men basta hai iblees Zameer bachata hai, aur dil sukun dilata hai Faasiley to yaro becharah dil hi mitaata hai Roothon ko mana kar, unhen wapas bulata hai Sail e ashk men dooba dil, to askbaar hota hai Daasatan apni, doobte doobte , khud ko sunata hai Ajab ha bahot, ghamkhwar na ho gar ‘sahil’ koi To gham bhi aakhir, gham hi ko bulata hai 199. Gali gali, basti basti, hairan hai jahan ‘sahil’ Har mehfil men bani hai, ghaarat sabk manzil Gorakhpur dhande men khoya, aaj ka yeh insan Raaegaan iski tadbeeren, khaak isey haasil Banaate they pathar se log, ulfat ki imaraten Bante nahin ab taj mahal, bante hain sang dil Tawaqqo is se kya hai teri, sarvat ka yeh ghulaam Khaak ki Yaro hoti hai, bas khaak hi to mehmil Ghamzada ho dil ‘sahil’, to ashk fishaani laazim hai Laazim hai hamdardi bhi, gham me ho shamil 200. Urooj hoga aaftaab har shaam ki hogi sehar, Hoga kaun nazar men uski ‘Sahil’ kisey khabar 201. Daaghon ki tu baat na kar, tauheen hogi daaman ki Qusur hai jab dil ka ‘sahil’, deewaanagi ki baat kar, Daanistah nahin hota ishq, fitrat uski aisi hai Manind e darya hai mahabat, ravaanagi ki baat kar 202. Ranj o gham ki baat mat kar, num chashm ko chhord alag Dard e ishq, dard e dil, dard e jaan ki baat kar Lekin, baari ab sajdon ki hai, muntazir hai zameen Raunaq jahan ki dekh chuka, ab aasmaan ki baat kar Gufatgu taaron se kar, bana unhen tu humsafar Dur nahin hai arsh e bareen, tu us jahan ki baat kar, Haseen hain ‘sahil’ do jahan, haqeeqat bhi yehi hai Likh kitaab ik nayi ab, baab o unwaan ki baat kar Yaad kar tifli ko tu, maasoomiyat ke dhang woh Farishte baste hain us dil men, farishton ki tu baat kar Shaitaani jab un hi ki thi, iblees ka naam o nishan na tha Mahabat men lipte they rishtey, un rishton ki tu baat kar Zamaan ab kuchh aur hai, daur bhi peeri ka hai Boodhe lagte hain shajar, guzarte lamhon ki baat kar Daryaaft kar saqi se ‘sahil’, firdaus ke khat o khaal hain kya Ab hooron ki tu baat kar, paak maikadon ki baat kar 203. Bas ek naam hi reh jayega kitabon ke afsaanon men Zikr hoga bhi to ‘sahil’ chund kuhan dastaanon men Paimaanon ki baat aayegi to muskurayega saqi Tujhe jaanti hai duniya, duniya ke maikhanon men Kabhi sargoshiyon men pinhan they daaman ke daagh sab Hunar hai kuch aisa ab, daagh nahin hote daamaanon men Faza e kh-mosh dhundte hain log mehfilon men aaj Milti nahin hai taskeen kabhi Qaroon ke khazaanon men Faramosh insan bhula hai tu, rang o mehak phoolon ki Afsos, khazaan ka raaj hai aaj ke gulsitaanon men Wohi shams o qamar, wohi aab o hawa, lekin Kuch hotey hain maqasid alag aaj ke nazraanon men Na samajh o ghaafil hai aaj ka insan itna Ke sukoon ko bhi band rakhta hai tah khaanon men Firasatmand samajhti hai yah mehfil tujhe ‘sahil’ Lekin, dil tera to hai jahan ke awwal deewaanon men 204. Aaj puchha main ne zindagi se fana hogi to kya karegii
205. ‘Sahil’, parwaaz na kiya to kya kiya Zamin men zahn to jayega hi Be bal o par udega kaise Yaro, aasman bulayega hi 206. Chenaab Rang hazaar they Chenaab ke, har lamhe men ik rang naya Har mauj us ki thi mukhtalif, ravaani men ik dhang naya Chaal thi us ki bahot alag, har mod per ik nayi ada Patharon ko kar ke tar, raah men us ke har sang naya Rang hazaar they Chenaab ke, har lamhe men ik rang naya
Kinaare pe uske khele hum, wohi zamin wohi aasmaan Zamaana hua usey dekhe huay, tadap hai dil men ‘sahil’ ke Kuchh tha nahin ilaawa uske, woh tha kabhi mera jahan Darya nahin ik behr tha, nazron men meri wo aashiyaan
209. Umeed baitha kar rakhega To tawaqqo badhti jaayegi Rishtey nahin, umeed hai naazuk ‘Sahil’, wohi phir sataayegi 210. Dast e qismat thaam le ‘sahil’ Woh sumundur paar karayegi Na aata ho tairana tujhe Wo tairana bhi sikhayegi 211. Guzaar de din baaqi ke Tu rab ki yaad men, Sajdon aur duaon men Qu’wat bahot hai faryaad men 212. Har subh o shaam ka shukrguzaar reh Har parinde ka tu yaar reh Guzarta ja raha hai waqt ‘Sahil’, Tu udne ko tayaar reh 213. Dhund le ‘sahil’ ashian koi aur
214. Zamin se sitaron tak Khazan se baharon tak Umeed ki shoa jaagti hai ‘Sahil’, tukhm se khaaron tak 215. Aaj puchha main ne zindagi se fana hogi to kya karegii Kya tu bhi meri tarah yaara, khaak hi men mil jaegi, Hans ke boli, humsafar hain, khaak hi behtar hogi ‘Sahil’, insan hum ne dekh liye, khaak to na satayegi 216. Parvaaz na kiya to kya kiya Zamin men zahn to jayega hi Be bal o par udega kya Yaro, aasman to bulayega hi 217. Sahil hi likhega sumundur ka katbaah Likhega kaun katbaah sahil ka, Tu hi bata ai “sahil” mian Anjaam kya hoga is bhari mehfil ka 218. Mainun Raavi they thapede manzur san, manzur nen Lokaan de thapede nayi, Rabba, jaahil lok hi changey nen Tu siyasat nun kar fana 219. Raasta deekha de saqi mere ashiyaane ka Varna, maqsad bata de tu is maikhane ka Gar surur na aaye na miley mujhe taskeen Be khudi se na liptun, to kya fayeda yaan aane ka Zara soch, ai vaaiz, apne khutbe se qabal Bahri ho haazireen to kya fayeda samjhaane ka Itni hai besabri aaj zamaane men, yaro Band kitaab kya batayegi anjam afsaane ka Gar nazariye hi na milte hon, to ‘sahil’ bata Kya haasil, bahami rishton ko badhaane ka Tu hi jaane maula kya karega tu insan ka Is na samajh, ghaafil aur kafir deewane ka 219. Jinhen naaz hai itna husn pe apne, naaz unka ‘sahil’ hum kyon uthayen Jo khwabon men hain chain se khuftah, neendon se unhen hum kyon jagayen 220. Chalte chalte kat jayegi, subh tak ‘sahil’ shab Baang e dara se kya lena, jab humsafar hai rab Uth musafir, hai dur kahin, muntazir manzil teri Haasil kya hoga khwaabon men, kuchh to bata ab Woh waqt bhi kuchh aur tha, wo paas o ehtiraam aur Peshraft ke yeh ab hungaame, dafn they saare tab Kabhi andaleeb se aashnayi thi, phool they har samt Aaj ghoomte hain sahra men sab, liye jaan ba lab Wo bande mukhtalif they kya, ‘sahil’ tu hi bata Lagta hai, yaro mujhe, wo rab ke they muntakhab 221. Tanhai men khaalipan kyon Tum to ‘sahil’ khud men kaamil ho, Baatin se raabita banao Bairoon nahin, daroon men shaami ho 222. Maazi men kyon khoya hai Uska to naam o nishan nahin, Safar sumundur paar ka hai ,‘Sahil’ kyon koi sar o saamaan nahin 223. Jannat hai yeh ya rab ki zamin Jidhar dekho khuda hai wahin Haal ajab hai jahan ka ‘sahil’ Kya dekhne ko baqi hai arsh e bareen 224. Kalisey o mandir men rab nahin hai Patharon me jaan kya daalogey, Sangdilon ko samjhao logo Varna, dunya ko kya sambhalogey 225. Dar bhi deewaar bhi, aashiyaan nahin Rizq o dastarkhwan bhi, mehman nahin Gul bhi bahaar bhi, gulsitaan nahin Chaah o intezaar bhi, dil jawan nahin Nur bhi naar bhi, aatishdaan nahin Be ikhtiyaar, ikhtiyaar bhi, aasmaan nahin Mausam khazan o bahaar bhi, yaksan nahin Zeest, aar o paarr bhi, jaavidan nahin ‘Sahil’, hum sab rab ke gulzaar ke hain Afsos, gulaab hai, saman hai, insaan nahin 226. Darya-e-be-sahil dikha ‘Sahil’ tu bhi kar dikha mojiza Ibn-e-mariam chala tha sumundur per Hawa nahin tu zamin per chal kar dikha 227. Gul, khilte hain gulshan men to biyabaan men bhi Sukun, dair o haram men to aashiyan men bhi Ijaaradaari nahn hai ‘sahil’ kisi shai per kisi ki Gar basta hai rab aasmaan men, to insan men bhi 228. Uske sahv e qalam ki khata hai kya Ke insan chain o aman se dur hai itna, Yeh ghaflat nahin kuchh aur hai ‘sahil’ Ke fana ki girift men insan majbur hai itna 229. Kyon dheemi si hai kiran aftaab ki aaj Kya andheri si hogi woh mahtaab ki aaj
Mai parasti nahin hai mai e naab ki aaj Kaun puchhta hai aaj saadagi ko batao Baaten hoti hain yaro aab o taab ki aaj Naye taur tareeqon ka daur hai yeh Phool naqli, mehak nahin gulaab ki aaj Taareef kya karen shaan e mehraab ki Vaaiz, kisey fikr hai tere khitaab ki aaj Kabhi maangte they dua, jawaab nahin Kyon hoti hai ‘sahil’ baat sawaab ki aaj 230. Rehta hai bahot dur tak humsafar dard e isyaan Taveel hoti hai jaise ‘sahil’ ik shaam e gharibaan Thahar jaata hai waqt bhi ban kar zaalim kabhi Hasti e saraab o mauhum phir karti hai pareshaan 231. Baang e jaras khuftagi ka darmaan nahin hai Alamat hai, naqsh e qzdam ka nishaan nahin hai Zameer bhi ‘sahil’ ik madadgaar hai teri Tere kaarnaamon ka zaamin o paasban nahin hai 232. Sang e meel kya batayega doori manzil ki Chashm e num hi bataati hai haalat dil ki Sukun ka farishtah lagta hai sab hi ko, per Toofaan ke muqabil kaun jaane haalat sahil ki 233. Guzarti raat ke lamhon men hai nihaan afsana e sahar Kab talak rakhun main ‘sahil’ yaad maazi ki magar Bin maazi ke haal kya hota asr e haal, yaro ‘Sahil’ na hota to kaun jaane kya hota deegar 234. Haqeeqat ka tasleem aasaan nahin hai Ke khwabon men dooba hai insan, be hosh Saraab o mauhum ka yeh adhura ghulam Zeest ke anjaam se ghafil rehta hai, afsos 235. Ab kya padhega ‘sahil’ tu asr e peeri men ghazal
236. Ainey ne mujhse kaha aaj dil ko rakh tu saaf ‘sahil’, Chamak rahegi aankhon men kabhi andheri na hogi raat 237. Partau e maah sumundur men to jhilmilaata hai, Lekin, unke chehre per ‘Sahil’ chaand 238. Aaj khabt e mazhab bhi khel siyaasi hai Har jaan kisi aur jaan ki pyaasi hai Aaj gulon men nikahat nahin hai ‘sahil’ Aur, chaand ke chehre pe bhi udaasi hai 239. Samjhega na jahan mujhe na meri sukhanwari Aayega ban kar farishtah ‘sahil’, ya shayad phir pari Saadagi hi behtar hai is jahan men, yaro Bojh bahot hai kaandhon per, kya karni payaambari 240. Jo apni rooh ki raushani se ho na aashna Wo zulmat men beh kar ho jaayega fana 241. Poshida rakh kar gham ko hum ansoo to pi gaye, Lamhe din ke ginte ginte,’sahil’ zeest bhi ji gaye 242. Qareeb apne hum zamin o aasmaan rakhte hain Veeranon men rang e khubaan e jahan rakhte hain Har samt hai shor o ghul, naqaare hain khazaan ke Hum to baatin men yaro ek gulsitaan rakhte hain Fana hai dastoor jahan ka jaante hain, lekin Hum to sham’a e umeed ko jaavidaan rakhte hain Dafn hai jawaani maazi ki galiyon me ab kahin Lekin, hum aaj bhi dekhiye dil e sozaan rakhte hain Bujh chuki hai aag to kya hua, ai ‘sahil’ bata Dhuaan hai, aur hum soz e fughaan rakhte hain Kh-mosh rehna yaro to tab’ maiyyat ki hai Hum to qalam, dawaat aur zabaan rakhte hain 243. Insan hain khuda nahin, khaamiyaan hain bahot Is baat ka hum, ai ‘sahil” sada dhyan rakhte hain 244. Jalti sham’a ka dhuaan ya bujhti ka dukhaan, Donon men hai ‘sahil’ ik halka sa fughaan Milte hain jahan zameen o aasman, Mit jaate hain saare wahaan doori ke nishaan Phool khilte hain yaro chaman ho ya veeraan, Be saharon ka hota hai maula baghbaan Ghar tere ko kehte hain ‘sahil’ aashiyaan, Phir,kyon kehte hain pinjrey ko log zindaan Kahani ho meri ya teri daastan, Anjaam se nahin hota hai koi bhi anjaan Miley gar udaasi tujhe rah men kabhi ‘sahil’, Dikha dena usey tu rang e khubaan e jahan
245. Yaro, aisa to nahin ke ab umr e rawaan nahin Aisa bhi nahin ke safar e sar o saamaan nahin Dil ki wus’at se badh kar behr koi be paayan nahin Kaafir ke yaqin se badh kar yaro, koi gumaan nahin Maana ke har mausam ka naam khazaan nahin, lekin Har mausam e bahaar men bhi to arghavaan nahin Yun takta hai kyon sitaron ko, ai zeest ke musafir Manzil teri hai khaak e zamin, koi aasmaan nahin Bitaye jo zindagi apni khuftagi men, usey Bedaari hi jagaaye, bang e jaras e karwaan nahin Bana haqeeqat ko humsafar har gaam e hayat, ‘sahil’ Jalwa e taskin bhi wohi hai, tilism e jahan nahin Dars lo chaand se yaro, daagh uske pinhaan nahin Dil ke daagh to saare aakhir kabhi ayaan nahin 246. Kuchh keh rahi hai teri didah e giryaan Kya kotaahi hui hai, kyon kamzor hai imaan
Humwaar nahin hota kabhi, ‘sahil’ gardish e zamaan Navishtah e qismat, pathhar ki hai lakeer Kyon rehta hai dil men phir zaalim gumaan Aashiqui ka baab pecheeda hai bahot Raakh ban kar bhi ulfat men nihaan hai dhuaan Handardi ka daur nahin hai yeh, logo Dard e dil, soz e jigar, ko rahho pinhaan Raah e manzil men haail ka laazim hai hona Hamwaar nahin hota kabhi gardish e zamaan ‘Sahil’, tu akela nahin hai umeed liye huay Muntazir hai bahaar ke beetey khazaan. 247. Khiley ban kar wo phool, ghunche ki aarzoo hai Kho jaaye phir se tifli men, peeri ki aarzoo hai Dhalte suraj se pursish to woh na kar sakega, ‘sahil’ Per, urooj ho aftab ke saath har insan ki aarzoo hai 248. Khaaron ka nahin yeh sitaaron ka chaman hai Raat ko aa kar dekho, jugnuon ka watan hai Kunj e uzlat men soya hai baaghbaan, lekin Har taraf phaili ek mushk e khatan hai Shab ke andheron men khuftaah hain gul Ek doosre ke paasban, yeh sab ka gulshan hai Yahan, gulaab o saman men hai chain o aman Insanon men tafreeq, nadarad aman hai Gulshan ke maanind hai jahan bhi to ‘sahil’ Phir kyonkar yeh fitna, yeh kaisa zaman hai 249. Kis kaam yeh aankhen gar deedaar na ho Kis kaam woh qadam jo paayedaar na ho Guftagu woh kaisi jo ru ba ru na ho Haazir jawaabi kaisi gar do chaar na ho Falak ko banaayen aashiyaan to kaise Woh ghar nahin jidhar dar o deewaar na ho Saza bhi sawaab hai ghaflat ki, yaro Usey aur kya milega jo zinhaar na ho Jaise ek haath se nahin bajti hai taali kabhi Aayena soorat kya dikhayega, gar zangaar na ho Inkisaari se faramosh na hona dosto, Be sahara hai wo bahot, jiska madadgaar na ho Yaad aati hain bahaaren khazan men ‘sahil’ Bana lena bahaar khazan ko, jab bahaar na ho 250. Kya milega bata tujhe fuzul guftagu se Muqabil us taskin ke jo milti hai lab e ju se Hungama bahot hai jahan ke parde per Bahal jaata hai dil gulon ki khushbu se Qasd bhi zururi hai tamaana ke saath Kya mila hai kisi ko mahz aarzoo se Sukoon milta hai rooh ko to mehnat hi se Aarizi shaan o shaukat jahan ki aabru se Likh jo likhna hai be dhadak, be khauf Aseer hai gar ‘sahil’ to likh phir lahu se 251. Gosha e uzlat peeri men jawaan hai aaj kal Sharm o haya ko dekhiye uryaan hai aaj kal Zar ke dair o haram hain, junun taraqqi ka Sood o ziyaan ka putla, insan hai aaj kal Ibadat hai sarwat ki, shaan o shaukat ki Khuda ka banda hi, be imaan hai aaj kal Shauq tha jeene ka, masto thi zeest ki Shab o roz ka beetana, imtehaan hai aaj kal Ujdi zamin, ujde khayaal, ujda jahan hai aaj Veeranagi hi ‘sahil’, nakhlistaan hai aaj Yüklə 295,67 Kb. Dostları ilə paylaş:
|