O olmasin, bu olsun

G ü l n a z (danışır). Sәrvәr, bu gün sәni çox kefsiz görürәm, nә olub mәgәr?

S ә r v ә r. Doğru deyirsәn, mәn dünәndәn bәridir ki, fikirdәyәm.

G ü l n a z. Nә olub, söylә görәk?

S ә r v ә r. O olubdur ki, atan sәni bir özgәsinә әrә vermәk istәyir....

G ü l n a z (qorxu ilә). Kim deyir onu?

S ә r v ә r. Mәn deyirәm, doğru yerdәn bilmişәm.

G ü l n a z. Bәs atam mәnә heç zad demәyibdir.

S ә r v ә r. Ola bilsin ki, bu gün deyәr vә bir dә sәnә nә deyәcәkdir, sәnin borcun onun sözünә qulaq asmaqdır.

G ü l n a z (acıqlı). Yox-yox, mәn sәndәn başqa özgәsinә әrә getmәyәcәyәm; qoy mәni öldürsün, mәn sәni sevmişәm, sәnә dә gedәcәyәm.