Balsan: Sən nə istədiyini özün də bilmirsən! (Şanel diksinir və şalvarla qayçını kənara tullayıb vahimə ilə Balsana baxır) Qorxma! Biraz əvvəl dediyini eşitdim və anladım ki, çox qərarsız birisən. Əslində, sən fikirləşdiyin qədər müdrik deyilsən. Sadəcə özünü nəsə maraqlı bir şey hesab edirsən, amma sən də adi bir qadınsan.
Şanel: Lənətə gələsən! Sən məni anlayacaq zəkaya sahib deyilsən! Boşboğaz!
Balsan: Saçlarını niyə bu günə qoymusan?
Şanel: Belə daha yaxşıdır! Sadə və gözəldir.
Balsan: Kişiyə oxşayan qadınlardan heç bir kişi həzz almaz!
