Pedagogik texnologiyalar. Hozirgi zamonaviy bosqichda pedagogik texnologiya ta`lim amaliyotida keng qo’llaniladi. O’qituvchining ishlash tizimi innovatsion pedagogik texnologiyalarni qo’llashga asoslanadi. “Pedagogik texnologiya” – bu o’qitish shakllari, usullari, uslublarini, tarbiyaviy vositalarning maxsus to’plami va tartibini belgilovchi psixologik-pedagogik ko’rsatmalar to’plamidir. U pedagogik jarayonning tashkiliy-metodik vositalaridir,-” deydi B. Lixachyov. Shuningdek bir qator olimlar masala mohiyatiga quyidagicha o’z kuzatishlarini bayon etganlar. “Pedagogik texnologiya – bu o’quv jarayonini amalga oshirishning mazmunli texnikasi” (V.P. Bespalko).
3-ilova
Pedagogik texnologiya haqidagi olimlarning fikrlari: “Pedagogik texnologiya – bu o’qitishning rejalashtirilgan natijalariga erishish jarayonini tasvirlashdir” (I.P. Volkov).“Texnologiya – ishlov berish holatini o’zgartirish san`ati, mahorati, malakasi va metodlar to’plami” (V.M. Shepel).“Pedagogik texnologiya – talaba va o’qituvchining ularga zarur sharoit yaratish orqali o’quv jarayonini loyihalashtirish, tashkil etish, hamda o’tkazish boyicha pedagogik faoliyatining har tomonlama oylangan modelidir” (V.M. Manaxov).“Pedagogik texnologiya – bu ta`lim shakllarini jadallashtirish vazifasini ko’zlagan o’qitish va bilimlarni o’zlashtirishning barcha jarayonlarini texnika hamda inson omillarida, ularning birgalikdagi harakatlari vositasida yaratish, tadbiq etish va belgilashning izchil metodidir” (YUNESKO).“Pedagogik texnologiya – pedagogik maqsadlarga erishishda foydalaniladigan shaxsiy imkoniyatlar, jihozlar va metodologik vositalarda amalda bo’lishning tizimli va tartibini bildiradi” (M.V. Klarin).“Pedagogik texnologiya – o’zida turli mualliflar (manbalar)ning barcha ta`riflari mazmunini qamrab olgan mazmuniy umumlashma hisoblanadi” (G.K. Selevko).
5-ilova
Ilmiy adabiyotlarda “pedagogik texnologiya” uchta jihati to’g’risida fikr yuritiladi: ilmiy, tavsifiy, amaliy.Pedagogik texnologiyaning ilmiy jihati o’qitishning maqsadlari, mazmuni, metodlarini ilmiy asoslashdan iborat va pedagogik jarayonlar loyihalashtiriladi.Tavsifiy jihati o’qitishning maqsadlari, mazmuni, metodlari va ko’zlangan natijalarga erishish vositalari to’plamini tashkil etuvchi jarayonning algoritmi ishlab chiqiladi.Amaliy jihati pedagogik texnologiya jarayonni amalga oshirishni o’z ichiga oladi. Olimlar tadqiqotlarida pedagogik texnologiyalarning quyidagi darajalarini ko’rsatadilar:
