Өзбекстан Республикасы жоқары ҳәм орта арнаўлы билимлендириў министирлиги

Maqtımqulı poeziyasında basqarıwshı topar, úlken mal-múlk iyeleri, 
ruwxanıylar obrazları unamsız tárepinen súwretlengen. Xanlar, biyler eldi ádil 
basqarmaydı, xalqına jaylı bolıp, ǵamxorlıq etpeydi. Baylar, pullı adamlar óz 
malınan zákát bermeydi, tek óz paydasın gózleydi. Iyshan-mollalar shariat jolınan 
shıǵıp, nápsi jolına túsedi. 
Suláyman taxtına iye bolǵanlar, 
Taxtın tazalıqsız tuta basladı. 
(«Kete basladı») 
Hámeldardıń bári paraxor boldı, 
Patshada ádillik párman qalmadı. 
(«Qalmadı») 
Sútxordıń

ármanı pul jıya berse, 
Baylar mallarınan zákát bermese. 
(«Kómildi dáryalar, jıǵıldı tawlar») 
Qúdiretinen tústi pirler-iyshanlar, 
Insaptı nápsige sattı adamlar, 
Molla boldı bolar-bolmas nadanlar, 
Hasıldı pasıqqa shata basladı. 
(«Kete basladı») 

Sútxor – ósimine qarız beretuǵın paydakúnem, pulpurısh. (Sud-parsı-tájik tilinde payda, máp degen mánisti 
ańlatadı). 

---

135 
Ullı shayırdıń qosıqlarında márt hám namárt, jaqsı hám jaman, saqıy hám 
sıqmar, qánáátshil hám ashkóz, nápsiqaw, dana xám nadan, jáhil obrazları da 
kórinedi. Bular qarma – qarsı, antitezalıq obrazlar bolıp, adam peyliniń jaqsı hám 
jaman táreplerin kórsetedi. 
Júz namárt bir márttiń ornın basalmas, 
Mártler elin oylar, tınısh jatalmas, 
Namárt óz basınan arman ótalmas,
Jaw keldi dep qashar, duman jolıqsa. 
(«Maydan jolıqsa») 
Jaqsıǵa is tússe, dárhal «qup» bolar, 
Jamanǵa is tússe, jandı jep bolar,
(«Ańlamas») 
Baqılǵa

bas urıp, júzdi sarǵaytpa, 
Záriw isiń tússe, azamat jaqsı. 
(«Diyanat jaqsı») 
Aqıldıń sózine kewil súyiner, 
Aqmaqtıń isine janıń túńiler. 
(«Tastı sındırar») 
Alımǵa uyısań ashılar kóziń, 
Jáhillerge

erseń górdey bolarsań. 
(«Bolarsań»)