Buxgalteriya moliyaviy hisobi - bu xo‘jalik yurituvchi sub’ektlar faoliyati, faoliyat natijalari, mulki va mulkni tashkil topish manbalari to‘g‘risidagi moliyaviy xarakterdagi axborotlarni yig‘ish, qayd etish, guruhlash, jamlash hamda ularni ichki va tashqi foydalanuvchilar hukmiga tegishli shakl va mazmunda taqdim etish tizimidir.
Buxgalteriya boshqaruv hisobi -bu xo‘jalik yurituvchi sub’ektlar faoliyati, faoliyat natijalari, mulki va mulkni tashkil topish manbalari to‘g‘risidagi turli o‘lchov birliklaridagi batafsil axborotlarni ichki boshqaruv segmentlari, ya’ni ob’ektlar, sub’ektlar va javobgarlik markazlari kesimida yig‘ish, qayd etish, guruhlash, jamlash hamda ularni ichki boshqaruv organlari hukmiga tezkor boshqaruv qarorlarini qabul qilish uchun maqbul shakl va mazmunda taqdim etish tizimidir.
Buxgalteriya moliyaviy hisobi va buxgalteriya boshqaruv hisobini bir-biridan farqlovchi tavsiflari quyidagilarda yorqin namoyon bo‘ladi (1.6-jadval).
1.6-jadval Buxgalteriya moliyaviy hisobi va buxgalteriya boshqaruv hisobining farqli jihatlari
