İkinci iqtisadi xüsusiyyət odur ki, rabitə sahəsində istehsal prosesi ilə istehlak prosesi üst-üstə düşür. Abunəçi dəstəyi qaldırdığı anda həm istehsal,həm istehlak prosesi baş verir. Sənayedə əmək cismi müəyyən kimyəvi, mexaniki təsirlərə məruz qalıb, öz formasını dəyişir. Rabitə sahəsində informasiya heç bir təsirə məruz qalmır,yalnız yerini dəyişir. Bu isə rabitənin üçüncü iqtisadi xüsusiyyətidir. Rabitə qovşağı müxtəlif operatorlardan, filiallardan, məntəqələrdən ibarətdir. Rabitə kanalları vasitəsilə birləşərək onlar vahid texnoloji prosesdə iştirak edib, informasiyanı ötürürlər. İnformasiyanın ötürülməsində 2 və daha çox tərəf iştirak edə bilər. Məsələn, şəhərlərarası telefon rabitəsi zmanı məlumatın ötürülməsində iki şəhərin telefon stansiyası iştirak edir. Bu da rabitənin dördüncü xüsusiyyətidir.İnformasiyanın ötürülməsi prosesi həmişə iki tərəfli olur.
