İbrahimxəlil xan öz tərəfindən hadisələrin belə gedişatının qarşısını almağa çalışaraq Qafqazdakı rus komandanlığı ilə əlaqəyə girdi. O, 1783-cü ilin aprelində general-poruçik Potyomkinə rus təbəəliyini qəbul etməyə hazır olması barədə məktub yazdı. 1784-cü ilin yanvarında xan qasidlə yenidən məktub yolladı və rus təbəəliyini qəbul etməyə hazır olduğunu təsdiq etdi, bunun əvəzində isə onun daxili işlərinə qarışmaması haqqında zəmanətin veriləməsini öyrənmək arzsunda olduğunu bildirdi.
Bu arada II Yekaterina məsələnin teziklə həllini tapmasına istinad edərək 1784-cü ilin mayında knyaz Qriqoriy Vasilyeviç Potyomkinə göndərdiyi məktubunda yazırdı: “Mənə elə gəlir ki İbrahim xanın məktubu türklərin və farsların mənə çatan br sıra məktublarından daha nəzakətlə yazılmışdır. Mümkünsə, mənə onun kim olması haqqında məlumat ver. Necə oldu k, xan təyn edildi? O, gənc və ya qocadırmı, güclü və ya zəifdirmi? Farsların ona meylləri varmı? (Ханы карабахские: происхождение рода, подчинение ...
