| 23. Semiotika anlayışı.
Semiotik metod – bədii mətndə işarənin məna yaradan funksiyasını araşdırmağa yönəlik təhlil üsuludur. Strukruralizm məktəbi ilə sıx bağlı olan bu metodun yaradıcıları Ferdinand de Sössür, Çarlz Pirs, Uliyam Morris hesab olunur. Rus alimi V.Y.Propp semiotik metoddan bəhrələnərək «Nağılların morfologiyası» əsərində folklor janrı olaraq nağılın simvolik funksional quruluşunu müəyyənləşdirmişdir.
Semiotik təhlil prosesində bədii ədəbiyyat əsas etibarilə işarələr sistemi (kodlar sistemi) kimi qavranılır. Bu səbəbdən semiotiklərin qənaətincə, fərqli mühitlərdə yaranmış bədii mətnlərdə işarələr fərqli səciyyə daşıdığından onları eyni müstəvidə dəyərləndirmək doğru deyildir. Elmi-nəzəri araşdırmalar göstərir ki, semiotik təhlil bütün hallarda subyektiv dəyərləndirmələrə söykənir. Bu baxımdan müxtəlif təhlilçilərin eyni mətn haqqında qənaətləri arasında uzlaşma və uyğunluğa nadir hallarda təsadüf olunur.
Dostları ilə paylaş: |
