Tədris proqramı – Azərbaycan Respublikasının Təhsil Nazirliyi tərəfindən təsdiq edilən
sənəd olub, bu və ya digər sinifdə hər bir fənn üzrə təhsilin məzmununu və quruluşunu
müəyyənləşdirir, elmi biliklərin, dünyagörüş və mənəvi
-
etik ideyaların, həmçinin şagirdlər
tərəfindən mənimsənilməsi vacib bilinən praktik bacarıq və vərdişlərin sistemini özündə
birləşdirir.
Tədris ləvazimatı – 1)
müxtəlif müəllif mövqeyindən müəyyən bir fənnin elmi əsaslarını
izah edən kitablar; 2) metodiki materiallar, izahatlar, müxtəlif fənlər barədə tövsiyələrdən
bəhs edən müəllim və ya şagirdlər üçün kitablar; 3) təlim
-
tədris prosesində mənbə ki
mi
istifadə edilən xüsusi hazırlanmış fənn materialları.
Təhsilin məqsədi – müstəqil və yaradıcı düşünən vətəndaş və şəxsiyyət yetişdirmək,
müasir təfəkkürlü və rəqabət qabiliyyətli mütəxəssis
-
kadrlar hazırlamaq. Tədris proqramı
çərçivəsində nəzərdə tutulan, eyni zamanda tam və ya qismən yerinə yetirilən
uzunmüddətli məqsəd. Qismən yerinə yetirilən tədris məqsədinə tam əldə edilməsi məktəb
mühitindən kənarda mümkün olan məqsədlər aiddir. Məsələn, şagirdlərin özlərinə
inanmalarına, yaradıcı, məhsuldar və sadiq vətəndaş kimi yetişmələrinə yardım etməkdən
ibarət olan tədris məqsədi buna nümunə sayıla bilər.
Təhsil proqramı, kurikulum – təhsilin hər bir pilləsi üzrə təlim nəticələri və məzmun
standartlarını, tədris fənlərini, həftəlik dərs və dərsdənkənar məşğələ saatlarının miqdarını,
pedaqoji prosesin təşkili, təlim nəticələrinin qiymətləndirilməsi və monitorinqin aparılması
sistemini özündə əks etdirən dövlət sənədi.
Təlim məqsədləri – konkret fənn, kurs, proqram və ya dərsin təhsilalanlara verəcəyi yeni
bilik, bacarıq və vərdişlərlə bağlı plana uyğun əldə edilən nəticələr.
