TəLİm və TƏRBİYƏ prosesiNİn həyata keçİRİLMƏSİ Layihə Avropa İttifaqı tərəfindən maliyyələşdirilir

Modulun adı: Təlim və tərbiyə prosesinin həyata keçirilməsi 
61 
Didaktik oyunlar biliklərin möhkəmləndirilməsi, tətbiqi məqsədi ilə həyata keçirilir. 
Onlar təlimə emosionallıq gətirir, fənnə marağı artırır. Didaktik oyunlara idrak oyunları, 
səhnələşdirmə, stolüstü və işgüzar rollu oyunlar, oyun situasiyaları, epizodik əyləncələr 
daxildir. Son vaxtlar işgüzar rollu oyunlardan geniş istifadə olunur.
Ana dilinin tədrisində didaktik oyunlara daha çox yer verilir. Burada “Söz oyunu”, 
“Sözləri tap”, “Sözün axırıncı hərfi”, “Buraxılmış hərf”, “Heca və ya cümlədə sözün tapılması”, 
“Şəklin sözlə ifadəsi” kimi oyunlara üstünlük verilir. Belə oyunlarla biliklər 
möhkəmləndirilir və onların tətbiqi hafizəni gücləndirir. Belə oyunlar ibtidai sinif 
şagirdlərini daha çox cəlb edir, dərsdə mənimsəməni yüksəldir.
Riyaziyyat dərslərində, xüsusilə, hesablamaların aparılmasında, həndəsi biliklərin 
verilməsində didaktik oyun metodlarından istifadə imkanları genişdir.
Həyat bilgisinin, təsviri incəsənət, musiqi, informatika fənlərinin tədrisində də 
didaktik oyunların müxtəlif növlərindən istifadə edilir. Bu fənlərin mövzuları əyləncəli və 
rollu oyunlardan istifadəyə daha çox uyğundur. Dərslərdə belə oyunların təşkili şagirdlərin 
əhval
-
ruhiyyəsini yüksəldir, sağlamlığına müsbət təsir göstərir. Belə dərslərdə şagirdlər 
yüksək fəallıq göstərir, təlim bacarıqlarını inkişaf etdirirlər. Bütün bunlar təlimin 
keyfiyyətini yüksəldir, vaxtdan səmərəli istifadəni təmin edir.
Didaktik oyunların təşkilində müəllim diqqətli olmalıdır. Eyni oyunu dəfələrlə 
təkrarlamaq şagirdləri yorur, onların marağını azaldır. Ona görə də müəllim daha maraqlı 
və rəngarəng oyun formaları seçməlidir. Müəllim müxtəlif rollu oyunlar hazırlamalı, bu işdə 
va
lideyn və şagirdlərin bacarıqlarından istifadə etməlidir.
Didaktik oyunların tətbiqi şagirdlərin məntiqi, tənqidi və yaradıcı təfəkkürünün 
inkişafına stimul verir, onlarda həyat bacarıqlarını inkişaf etdirir, fəallığı yüksəldir, fənnə 
marağı artırır. Bütün bunlar təlimin keyfiyyətinə müsbət təsir göstərir.
Oyun fəaliyyətli dərslərin çox faydalı və maraqlı olmasına baxmayaraq, bütün 
mövzuların tədrisində onlardan istifadə etmək mümkün olmur. Belə ki, oyunlar mövzulara, 
bəhslərə, dərsin tiplərinə uyğun olaraq seçilməli və həyata keçirilməlidir.
Oyun fəaliyyətli dərslərin təşkilində müəllim bir sıra prinsipləri gözləməlidir:
•
Oyunlar biliyin təkrarlanıb möhkəmləndirilməsinə, bilik və bacarıqların vərdiş 
halına keçməsinə xidmət etməlidir;
•
Yeni bir
-
birindən fərqli oyunlar tərtib edilməli və şagirdlərlə həyata keçirilməlidir;
•
Əyləncəli oyunlar, oyun fəaliyyətli dərslər illik iş planında öz əksini tapmalıdır;
•
Təlim xarakterli oyunlar cazibədar, maraqlı, məzmunlu olmalı, şagirdlərin yaş 
xüsusiyyətlərinə uyğun gəlməlidir;
•
Oyunlar şagirdləri yormamalı, səhhətinə mənfi təsir göstərməlidir.
Oyun fəaliyyətli dərslərdə müəllim nizam
-
intizama, oyun qaydalarının pozulmamasına 
nəzarət etməli, lazım gəldikdə şagirdlərə kömək göstərməli, onların bütün fəaliyyətini 
izləməklə fəaliyyətlərini obyektiv qiymətləndirməlidir.