Telman Ümman Tircanlı BƏNÖVŞƏ ƏTİRLİ qar 2020 Redaktorları: Könül Telmanqızı

*Müsəlləhsə ordumuz, var olacaq yurdumuz.

*Kaloriya ilə kaloritin fərqini bilməyən “ziyalı” deyil, ziyanlı biridir.

*Bu torpağı gəlir mənbəyi kimi deyil, vətən olduğu üçün sevən hər kəsin bayramı mübarək olsun. Dünya durduqca var ol, Azərbaycan!

*Ramazan işığına bir ay yol getmək əvəzsiz bir hədiyyədir. Doğulandan ta bu yana Ramazan işığında irəliləyən bir yolçuyam!

*Hər son bir başlanğıcın qələbəsi və ya iflasıdır.

*Hərdən özünüzü təftiş edin, içinizdə yaltaqlıq toxumunun olub-olmamasını öyrənin. Qeyrilərinin bilməsi vacib deyil, bu sizin və vicdanınızın işidir.

*Siması gözəl olanı deyil, əxlaqı gözəl olanı sevmək gözəldir.

*Özünü çoxbilmiş və ağıllı sayanlar, cılız və yarımçıq olanlardır.

*Özünüzü serial qəhrəmanlarına bənzətmək istəsəniz, kim olduğunuzu və nə axtardığınızı bilməyəcəksiniz.

*Salamınızı almayanlar Allahı tanımayanlardır. Allahı tanımayanlar onun bəndəsini heç tanımazlar.

*Sabah insanların gözünün içinə utanmadan baxmaq üçün, bu gün şərəfinə sahib çıxmağı bacarmalısan.

*Içi qurdlu adamla, içi qurdlu meyvə müqayisə predmeti ola bilməz.