Toplayan və TƏRTİb edəN: K. HÜSeyn

«Allahın nazil etdiyi (kitab və şəriət) ilə hökm etməyənlər» yəni, onu təhqir edənlər: «Əlbəttə, kafirdirlər».

21. Şeyx Əbu Mənsur – rahmətullahi aleyhi – deyir: «Bu üç vəsf inkar etdiklərinə görə verilə bilər və bununla eyni halda kafir, zalım və fasiq ola bilər. Çünki sırf fasiq və zalım kafir sayılır».

22. Əbu Bəkr əl-Cəssas – rahmətullahi aleyhi – deyir: «Allahın nazil etdiyi (kitab və şəriət) ilə hökm etməyənlər əlbəttə kafirdirlər» ayəsində qəsd edilən küfr, inkar və şirk, yaxud inkar edilməyən nemət küfrüdür. Əgər məqsədi Allahın hökmünü inkar etmək, yaxud başqa bir hökmü «Bu Allah hökmüdür» deyərək onunla hökm verməkdirsə bu zaman o İslamdan çıxaran küfr edər və bununla mürtəd olar». Bu ayənin, İsrail övladları (Yəhudilər) haqda nazil olub bizim ümmətə də aid olmasını deyən alimlər ayəni belə təfsir edirlər. Yəni, bu ümmətdən kim Allahın hökmünü inkar etsə, yaxud başqa bir hökm ilə hökm verib sonra «Bu Allah hökmüdür» deyərsə o zaman kafir olar. Çünki, Yəhudilər də belə etdiklərinə görə kafir sayılmışdılar. Əgər məqsəd nemət küfrüdürsə, nemət küfrü Allahın verdiyi nemətə onu inkar etmədən naşükürlük zamanı baş verir. Belə əməl sahibi isə İslamdan çıxmır. Lakin ayəyə nəzər saldıqda deyilən küfrdə məqsəd birinci mənadır. Çünki ayədə deyilən «Kafir» vəsfi, Allahın hökmü ilə hökm verməyənlərə birbaşa şamil edilmişdir.

23. Beydavi – rahmətullahi aleyhi – deyir: «Allahın nazil etdiyi (kitab və şəriət) ilə hökm etməyənlər» yəni, onu təhqir və inkar edənlər «Əlbəttə, kafirdirlər». Çünki onlar Allahın hökmlərini təhqir edir və başqa qanunlarla hökm verirlər. Ona görə də Allah onları bu vəsflə: «Kafir», «Zalım» və «Fasiq» vəsf etmişdir. Küfrləri inkara görə, zülmləri Allahın şəriətinə zidd hökm verdiklərinə və fasiqlikləri isə ondan kənara çıxdıqlarına görədir».

24. «Təhavi Əqidəsi» kitabının şərhçisi İbn Əbul İzz – rahmətullahi aleyhi – deyir: «Burada diqqət yetiriləcək çox əhəmiyyətli bir məsələ vardır. Allahın nazil etmədiyi bir qanun ilə hökm vermək bəzi hallarda insanı İslamdan çıxarır, bəzən isə böyük və ya kiçik günah sayılır. Bəzən məcazi mənada küfr və ya kiçik küfr olur. Bu həmin hakimin vəziyyətindən asılıdır. Əgər o, Allahın nazil etdiyi qanunlarla hökm verməyin vacib olmadığını, yaxud istədiyi ilə hökm verməyi, yaxud bu qanunların Allah tərəfindən olduğunu bildiyi halda onları təhqir etməyi etiqad edərsə, böyük küfr etmiş olar. Əgər Allahın nazil etdiyi qanunlarla hökm etməyin vacibliyini etiqad etdiyi halda məsələnin şəri qanununu bilə-bilə başqası ilə hökm verərsə, bu əməlinə görə cəzalanacağını da etiraf edərsə, belə halda o günahkardır (asidir). Bu, məcazi mənada küfr və ya kiçik küfr sayılır» .

25. İbn əl-Cövzi – rahmətullahi aleyhi – deyir: «Kim Allahın qanunlarını, bu qanunların Allah tərəfindən nazil olduğunu bildiyi halda, onları inkar edərək onunla hökm verməzsə o kafirdir. Çünki Yəhudilər də belə etmişdilər. Kim nəfsinin istəklərinə uyaraq inkar etmədən Allahın qanunları ilə hökm verməzsə o fasiqdir, zalımdir. Əli İbn Əbu Talha, İbn Abbas - radıyallahu anhu – dan rəvayət edərək deyir: «Kim Allahın hökmü ilə hökm verməyi inkar edərsə o kafirdir. Lakin kim onu iqrar edər, amma onunla hökm verməzsə, zalim və fasiqdir».

26. Şeyxulİslam İbn Teymiyyə – rahmətullahi aleyhi – «Məcmuul Fətava» kitabı 3/627-də buyurur: «İnsan, hamının haram bildiyini halal, yaxud halal bildiyini haram edərsə və ya hamının etiraf etdiyi bir şəriəti dəyişərsə həmin adam kafir, mürtəd olar. Bu haqda fiqh alimləri yekdil rəydədirlər. Bu kimi məsələlər haqda Allah buyurur: «Allahın nazil etdiyi (kitab və şəriət) ilə hökm verməyənlər əlbəttə, kafirdirlər!». (əl-Maidə: 44). Yəni, bu ayə Allahın hökmündən başqa bir hökmlə hakimlik etməyi halal görənlərə aiddir». «Minhacus-Sunnə» kitabı 5/130–da buyurur: «Allah Qurani Kərimin bir ayəsində buyurur: «Amma xeyr! (Ya Rəsulum!) Rəbbinə and olsun ki, onlar öz aralarında baş verən ixtilaflarda səni hakim (münsif) təyin etməyincə və verdiyin hökmlərə görə özlərində bir sıxıntı duymadan sənə tam bir itaətlə boyun əyməyincə, (həqiqi surətdə) iman gətirmiş olmazlar». (ən-Nisa: 65). Hər hansı insanın baş verən ixtilafda Allahı və Onun Peyğəmbərini hakim (hökmü ilə hökm vermədikcə) tutmayıncaya qədər mömin olmayacağına dair Allah and içmişdir. Allahın Rəsulunun hökmünə zahirən və batinən etiqad edər, lakin öz nəfsinin şəhvətlərinə itaət edərək asilik edən günahkarların misalındadır. Xəvariclər bu ayəni Allahın hökmü ilə hökm verməyən «Vulatul Əmri» (əmr sahiblərini), hakimləri kafir etmək üçün əsas gətirərək öz etiqadlarının Allah hökmü olduğunu iddia edirlər. Bu haqda alimlər çox danışıblar və mənim dediklərimə isə ayənin məzmunu dəlildir». «Məcmuul Fətava» kitabı 7/312–də buyurur: «Əgər bir insanın qəlbində iman ilə nifaq yerləşə bilirsə, deməli hər hansı bir insanın qəlbində iman ilə küfr də ola bilər. İbn Abbas və onun tələbələrinin buyurduqları kimi, ayədə deyilən küfr İslamdan çıxaran küfr deyildir. İmam Əhməd və digər Sünnə alimləri də bu rəyi dəstəkləməkdədirlər».

27. İbn Qeyyim – rahmətullahi aleyhi – «Mədaricus Salikin» kitabı 1/336-da buyurur: «Doğru rəy odur ki, Allahdan qeyrisinin dedikləri ilə hökm vermək, həmin hakimin etiqadından asılı olaraq, fərqlənir. Bəzən kiçik küfr olur, bəzən də böyük küfr: Böyük və Kiçik. Əgər həmin hakim hökm etdiyi məsələdə Allahın hökmünün vacibliyini etiqad edir və əks halda buna görə əzab olunacağını da təsdiqləyir, lakin asilik edərək Allahın hökmü ilə hökm verməzsə, bu kiçik küfrdür. Əgər həmin hakim bu hökmün həqiqətən də Allah hökmü olduğunu yəqinliklə bilər, sonra Allahın hökmünün tətbiqinin vacib deyil ixtiyari olduğunu etiqad edərsə, böyük küfr sayılır. Əgər o səhvən və ya bilmədən, cahillikdən edərsə, onun hökmü xəta edənlərin hökmü ilə eynidir».

28. İbn Kəsir – rahmətullahi aleyhi – «Təfsirul Quran əl-Azim» kitabı 2/61-də bu ayənin: «Allahın nazil etdiyi (kitab və şəriət) ilə hökm etməyənlər, əlbəttə, kafirdirlər». (əl-Maidə 44) təfsirində buyurur: (Ayədə belə əməl sahiblərinə kafir deyilməsinin səbəbini açıqlayır) Çünki onlar bilərək, qəsdən, inadkarlıqla Allahın hökmünü inkar etdilər. Sonrakı «Əlbəttə, zalimdirlər!» ayəsinin təfsirində (belə əməl sahiblərinə zalim deyilməsinin səbəbini açıqlayır) Çünki onlar Allahın bütün insanlara qarşı adillik və bərabərlik ilə tətbiq edilmə əmrini, lazımi hökmdə tətbiq etmədilər. bununla onlar, zalım ilə məzlum arasında insafla hakimlik etməyərək, müxalif, zalım və həddini aşan bir tayfa oldular». Heç bu ayəni eşitməmisən: «Onlar Cahiliyyət dövrünün hökmünümü istəyirlər?...» (əl-Maidə 50). Təfsir alimlərinin dediklərinə görə ayənin mənası belədir: «Kim qoyulma qanunlarla hökm verərsə, İslamdan çıxmaz. Lakin verdiyi bu hökmə görə cahiliyyət dövründəkilərə bənzəyir. Çünki cahiliyyət vaxtı da insanlar belə hökm verərdilər». Şam vilayətinin alimi Şeyx Camal əl-Qasimi – rahmətullahi aleyhi – buyurur: «Alimlərin çoxu, Allahın qoyduğu qanunlar ilə hökm verməyən hakimin kafir olmasını təhqir və inkar etmək şərtləri ilə əlaqələndirirlər. Alimlər bu rəyi İkrimə və İbn Abbasın sözündən əsas gətirirlər».

29. əl-Vahidi – rahmətullahi aleyhi – deyir: Bir çox alimlər deyiblər: Üç ayə (əl-Maidə 44, 45 və 47) kafirlər, Allahın hökmünü dəyişən Yəhudilər haqda nazil olmuşdur. Bunun müsəlmanlara aidiyyatı yoxdur. Çünki müsəlman böyük günah etməsinə baxmayaraq ona kafir deyilmir.

30. əl-Mənar kitabının müəllifi deyir: «Bir çox müsəlmanlar, özlərindən əvvəlki millətlərin öz qanunlarını yenilədikləri kimi onlar da öz qayda-qanunlarını yeniləmişlər. Bu qanunları hakim tutaraq Allahın nazil etdiyi qanunlardan yayınmışlar. Allahın Öz kitabında nazil etdiyi qanunları heç bir şübhəsiz təsdiq etdikdən sonra onunla hökm verməyi tərk edənlər haqda Allahın dediyi üç vəsf öz əksini tapır. Lakin hərə öz vəziyyətinə görə bu sifətlərlə vəsf olunur Məs: 1. Kim oğurluğun, zinakarlığın və ya iftiranın, şəriət buyurduğu qaydadan xoşlanmayıb, insanların ixtira etdikləri qanunları daha üstün tutub, onun hökmünü şəriət buyurduğu kimi kəsməkdən imtina edərsə, sözsüz kafirdir. 2. Kim başqa bir səbəbə görə Allahın nazil etdiyi qanunlarla hökm verməyərək kiminsə haqqını basarsa və ya adillik etməzsə o zalimdir. Əks halda isə fasiqdir. 3. Biz dinə daha sıx bağlanmış müsəlmanların, adi məhkəmədə işləyən hakimlərin kafir olduqlarını etiqad etdiklərini görürük. Onlar bu məsələdə əl-Maidə surəsinin 44-cü ayəsinin zahirinə əsaslanırlar. Məhkəmədə işləyən hakimlərə kafir demək, rəhbərlərə və dövlət başçılarına da kafir deməkdir. Çünki bu qanunlar onlar tərəfdən qoyulmuş və ya bu qanunların işləməsinə onlar icazə vermişlər... Lakin onların başa düşdükləri zahiri mənanı fəqihlərdən və ümumiyyətlə alimlərdən heç kəs deməmişdir».

31. Şeyx Əbu Hibətullah İsmail İbn İbrahim əl-Əsərdi – rahmətullahi aleyhi – buyurmuşdu: «Kim Allahın Peyğəmbərinə nazil etdiyi qanun və şəriətlə hökm etməyin vacib olmadığını, özünün ixtira etdiyi qanunların daha doğru olduğunu etiqad edər və insanlar arasında onunla hökm verərsə kafir olar. Bu hakimlər Allahın nazil etdiyindən başqası ilə hökm verməyin qadağan olduğunu bildikləri halda onunla hökm verməz, başqa ixtira olunmuş qanunlarla hökm verməyi halal görərlərsə, onlar kafirdirlər. Əks halda onlar cahillik və zəlalət üzərindədirlər. Onlar sadəcə olaraq bilməyən bir tayfadırlar».

32. Qurtubi – rahmətullahi aleyhi – deyir: «İbn Məsud və əl-Həsən deyiblər: «Bu, Allahın hökmü ilə hökm verməyənlərə aiddir. Yəni, etiqadla və halal görərək». Bu rəy həmçinin əs-Suddi və İbrahim ən-Nəxaidən rəvayət olunur».

33. İbn Atıyyə – rahmətullahi aleyhi – deyir ki: “Böyük alimlər demişlər ki: Bu ayələr Allahın nazil etdiyi hökmü ilə hökm etməyən hər bir kəsə aiddir. Lakin bu ümmətin imamlarına gəldikdə isə bu kfr kiçik küfr, islam dairəsindən çıxarmayan sayılır”¹⁰⁶⁷.

34. Əbu Həyyan – rahmətullahi aleyhi – deyir: «Allahın nazil etdiyi (kitab və şəriət) ilə hökm etməyənlər, əlbəttə, kafirdirlər» (əl-Maidə 44). Ayə Yəhudilərə xitab olunsa da, onun zahiri mənası hamıya, həm bu ümmətə, həm də əvvəlki ümmətlərə aiddir. Ayənin hamıya aid olmasını deyənlər: Ibn Məsud, İbrahim ən-Nəxai, Əta İbn Yəsar – Allah onlardan razı olsun - və s. Lakin ayədə deyilən küfr, böyük küfrdən aşağı mərtəbədə olan küfrdür, böyük zülmdən aşağı mərtəbədə olan zülmdür, böyük fasiqlikdən aşağı mərtəbədə olan fasiqlikdir. Yəni müsəlmanın küfr etməsi kafirin küfr etməsi ilə eyni deyildir. Onun küfrü, zülmü və fasiqliyi onu İslamdan çıxarmır. Bunu İbn Abbas - radıyallahu anhu – və Tavus – rahmətullahi aleyhi – belə deyirlər. Xazin – rahmətullahi aleyhi – deyir: «Bir çox təfsir alimləri buyurublar: Üç ayə (əl-Maidə 44, 45 və 47) kafirlər, Allahın hökmünü dəyişən Yəhudilər haqda nazil olmuşdur. Çünki müsəlman böyük günah etməsinə baxmayaraq, ona kafir deyilmir”.

35. İmam Şatibi – rahmətullahi aleyhi – «əl-Muvafəqat» 4/39 deyir: «Bu və sonrakı iki ayə (əl-Maidə 44, 45 və 47) Allahın hökmünü dəyişən Yəhudilərdən olan kafirlər barəsində nazil olmuşdur. Bu ayə İslam əhlinə müsəlmanlara aid deyildir. Çünki müsəlman böyük günah etməsinə baxmayaraq kafir olmur»¹⁰⁶⁸.

36. Hafiz İbn Həcər – rahmətullahi aleyhi – «Fəthul Bəri» 13/120 deyir: «Ayələrin nazil olma səbəbi Əhli kitab olmasına baxmayaraq, bu ayələr bu cür hərəkət edən hər bir kəsə də aiddir. Lakin bütün bunlar şəriətin qoyduğu qaydalar çərçivəsində olmalıdır. Günahında israrlı olan müsəlmana kafirdir deyilməz. Məs: şəriətin qaydalarına görə günah edən insana kafir və ya zalim deyilmir. Çünki zülm sözü şirk sözü kimi təfsir edilmişdir...». Lakin günahında inad göstərən müsəlman kafir adlandırılmır! Bu da əməli küfr olub kiçik küfrə aiddir”¹⁰⁶⁹.

37. əl-Əyni – rahmətullahi aleyhi – deyir: «Bu və sonrakı iki ayə (əl-Maidə 44, 45 və 47) kafirlər, Allahın hökmünü dəyişən Yəhudilər haqda nazil edilmişdir. Bunun İslam əhlinə (müsəlmanlara) aidiyyatı yoxdur. Çünki müsəlman böyük günah etməsinə baxmayaraq ona kafir deyilmir». Bu sözün eynisini Qurtubi – rahmətullahi aleyhi – də demişdir: «Bu ayələrin hamısı kafirlər haqda nazil edilmişdir. Bu Səhih Müslim kitabında Bəra İbn Azib- radıyallahu anhu – nun hədisində qeyd edilmişdir. Alimlərin çoxu bu rəydədir. Amma müsəlman etdiyi böyük günaha görə kafir sayılmır» Bu sözün eynisini Şovkani və Siddiq Həsən Xan – rahmətullahi aleyhi – də demişlər.

38. İbn Cuzey – rahmətullahi aleyhi – deyir: «Bir çox alimlər demişlər: Bu ayə Allahın hökmü ilə hökm verməyən hər bir kəsə, Yəhudiyə, müsəlmana və digərlərinə aiddir. Lakin müsəlmanların etdikləri küfr böyük günahdır və bu onları İslamdan çıxarmır».

39. İbn Teymiyyə – rahmətullahi aleyhi – Allahın hökmü ilə hökm verməyi inkar etmədən, başqa hökmlə hökm verməyi halal görmədən, nəfsinin istəyinə uyaraq və asilik edərək Allahın hökmü ilə hökm etməyənləri, kafir hesab etməyərək buyurur: «Müəyyən cəza məhdudiyyəti və ya bağışlanması olmayan günahlar məsələn, yad qız və qadınları öpən kişi, yad qadınla oynaşmaq, haram olan şeyləri yemək, yalandan şahidlik etmək, Allahın hökmünü tərk edib başqası ilə hökm vermək, camaata xəyanət etmək... və s. bu kimi günahlar».

40. Şinqiti– rahmətullahi aleyhi – deyir ki: «Allahın nazil etdiyi hökmü ilə hökm verməyən kimsə özünün bu əməli ilə günah və pis bir iş etdiyini, nəfsinə uyaraq etdiyini bilərsə belə bir kimsə digər müsəlmanlar kimi günahkardır». O, həmçinin demişdir: “Bil ki: Küfr, zülm və fasiqlik şəriətdə həm günah, həm də küfr ola bilər. Allahın nazil etdiyi ilə hökm etməyən, Peyğəmbəri inkar edərək, Allahın hökmünü yalan sayarsa onun zülmü, fasiqliyi və küfrü dindən çıxardan küfrdür. Kim ki, Allahın nazil etdiyi hökm ilə hökm verməzsə, lakin bu əməlinin günah və pis bir iş olduğuna etiqad edərək bu zaman onun zülmü, fasizliyi və kürü onun dindən xaric etmir”¹⁰⁷⁰.

41. Bir halda insan kafir ola bilər: İbn Teymiyyə – rahmətullahi aleyhi – deyir ki: “Allahın nazil etdiyi ilə hökm verməməyi halal sayarsa”¹⁰⁷¹. İbn Teymiyyə – rahmətullahi aleyhi – deyir ki: Uca Allah buyurur: «Onlar yalana qulaq asanlar və haram yeyənlərdir. Əgər yanına gəlsələr, aralarında hökm et və ya onlardan üz çevir. Əgər onlardan üz döndərsən, sənə heç bir zərər verə bilməzlər. Əgər aralarında hökm etsən, ədalətlə hökm et. Allah ədalət sahiblərini sevər! İçərisində Allahın hökmü olan Tövrat əllərində ola-ola səni necə (nə üzlə) hakim təyin edir, sonra da ondan (sənin Tövrata müvafiq verdiyin hökmdən) üz çevirirlər? Onlar iman gətirmiş (mömin) kimsələr deyildirlər. Şübhəsiz ki, Tövratı da Biz nazil etdik. Onda haqq yol və nur vardır. (Allaha) təslim olan peyğəmbərlər yəhudilər arasında onunla, din alimləri və fəqihlər isə kitabdan qorunub saxlanılanlarla (Tövratdan ələ gəlib çatan ayələrlə) hökm edərdilər. Onlar (Peyğəmbərlər, din alimləri və fəqihlər) ona (Tövratın İlahi bir kitab olmasını) şahiddirlər. (Ey Yəhudi alimləri və rəisləri!) İnsanlardan qorxmayın, Məndən qorxun. Mənim ayələrimi ucuz qiymətə satmayın. Allahın nazil etdiyi (kitab və şəriət) ilə hökm etməyənlər, əlbəttə, kafirdirlər! Biz (Tövratda İsrail oğullarına) yazıb hökm etdik ki, canın qisası can, gözün qisası göz, burununku burun, qulağınkı qulaq, dişinki diş və yaralarınkı yaralardır. Lakin hər kəs (qisası) bağışlasa, bu onun üçün bir kəffarədir (Allah onun günahlarının üstünü örtüb bağışlar. Və ya zərəri də qisası bağışlasa, bu, cani üçün bir kəffarədir. Haqq sahibi haqqından vaz keçib onu tələb etməsə, Allah da cinayətkarı cəzalandırmaz). Allahın nazil etdiyi (kitab və şəriət) ilə hökm etməyənlər, əlbəttə, zalimdirlər! Onların ardınca Məryəm oğlu İsanı özündən qabaqkı Tövratı təsdiqləyici olaraq göndərdik. Ona içində haqq yolu və nur olan, özündən əvvəlki Tövratı təsdiq edən, müttəqilər üçün doğru yol və nəsihət olan İncili verdik. İncil əhli Allahın onda nazil etdiyi (ehkam) ilə hökm etsin. Allahın nazil etdiyi ilə hökm etməyənlər, əlbəttə, günahkarlardır. (Ya Rəsulum!) Biz (Quranı) sənə haqq olaraq, özündən əvvəlki kitabı (bütün İlahi kitabları) təsdiq edən və onu qoruyan (və ya onların doğruluğuna şahid) olaraq endirdik. Sən onların arasında Allahın nazil etdiyi (Quran) ilə hökm et. Sənə gələn haqdan ayrılıb onların nəfslərinin istədiyinə uyma. Sizin hər biriniz üçün bir şəriət və bir yol təyin etdik. Əgər Allah istədiyi, sizi (eyni şəriətə tabe) vahid bir ümmət edərdi. Lakin bu (müxtəliflik) Allahın verdikləri ilə sizi imtahan etməsi üçündür. Elə isə yaxşı işlər görməkdə bir-birinizi ötməyə çalışın (bir-birinizlə yarışın). Hamınızın axır dönüşü Allahadır. (Allah) aranızda ixtilaf doğuran məsələlər barəsində sizə xəbər verəcəkdir! O halda onların arasında Allahın nazil etdiyi Kitabla hökm et. Onların nəfslərinin istədiyinə uyma. Allahın sənə nazil etdiyinin (hökmlərin) bir qismindən səni tovlayıb yayındıra biləcəklərindən ehtiyat edib özünü onlardan gözlə. Əgər onlar (bu hökmlərdən) üz döndərsələr, bil ki, Allah onları bəzi günahlarına görə müsibətə düçar etmək istəyir. Doğrudan da, insanların çoxu (Allahın itaətindən çıxmış) fasiqlərdir! Onlar Cahiliyyət dövrünün hökmünümü istəyirlər? Tam qənaət sahibi olan bir camaat üçün Allahdan daha yaxşı hökm verə bilin kimdir?!». (əl-Maidə 42-50). Uca Allah Tövratın və İncilin hökmünü qeyd etdikdən sonra Quranı nazil etdiyini və Peyğəmbər – sallallahu aleyhi və səlləm – insanlar arasında hökm verdiyi zaman onların rəyləri ilə deyil Quranla hökm verməyi əmr etmişdir. Həmçinin xəbər vermişdir ki, hər bir Peyğəmbərə doğru yol göstərmiş və şəriət göndərmişdir. Musaya Tövratla, İsaya İncillə yol göstərmiş və şəriət vermişdir. Bizim Peyğəmbərə – sallallahu aleyhi və səlləm – isə Quranı şəriət etmiş, onunla yol göstərmiş və hökm verib Allahın nazil etdiyi digər kitablarla hökm verməkdən çəkinməyi əmr etmişdir. Uca Allah bəyan etmişdir ki, Onun hökmü Qurandır. Kim bundan başqa hökmü üstün tutarsa, artıq cahillik hökmünü üstün tutmuş olar. Buna görə də buyurmuşdur: «Allahın nazil etdiyi (kitab və şəriət) ilə hökm etməyənlər, əlbəttə, kafirdirlər!» (əl-Maidə 44)”.

Heç şübhə yoxdur ki, Allahın Öz Rəsuluna nazil etdiyi ilə hökm verməyin vacibliyini etiqad etməyən kimsə kafirdir. Kim Allahın nazil etdiyinə tabe olmayaraq, öz rəylərini ədalətli hesab edib, onunla insanlar arasında hökm verməyi halal görərsə kafirdir. Elə bir ümmət yoxdur ki, hökm verdiyi zaman ədalətlə hökm verməsin. Lakin ola bilsin ki, onlara görə ədalət rəhbərlərinin rəyləri olsun. Həmçinin özlərini müsəlman hesab edənlərdən çoxları uca Allahın nazil etmədiyi adətləri ilə hökm verirlər. Necə ki, səhra köçərilərinin başçıları və onların əmrlərini yerinə yetirənlər elə bilirlər ki, Quran və sünnə ilə deyil adətlərlə hökm vermək lazımdır. Bu da küfrdür. İnsanlardan çoxları iman gətirsələr də yalnız öz cahillik adətləri ilə hökm verirlər. Onlar Allahın nazil etdikləri ilə hökm verməyin vacib olduğunu bildikdə buna tabe olmayıb, əksinə Allahın nazil etdiklərinə müxalif hökmlərlə əmr verməyi halal görsələr kafir olarlar. Əks halda öncə qeyd etdiyimiz kimi cahildirlər. Allah bütün müsəlmanlara hər hansı bir məsələdə ixtilaf etdikləri zaman onu Allaha (yəni, Kitabına) və Rəsuluna (yəni, sünnəsinə) qaytarmağı əmr etmişdir. Uca Allah buyurur: «Ey iman gətirənlər! Allaha, Peyğəmbərə və özünüzdən olan ixtiyar (əmr) sahiblərinə itaət edin! Əgər bir iş barəsində mübahisə etsəniz, Allaha və qiyamət gününə inanırsınızsa, onu Allaha və Peyğəmbərə həvalə edin! Bu daha xeyirli və nəticə etibarilə daha yaxşıdır». (ən-Nisə 59) Həmçinin: «Amma, xeyr! (Ya Rəsulum!) Rəbbinə and olsun ki, onlar öz aralarında baş verən ixtilaflarda səni hakim (münsif) təyin etməyincə və verdiyi hökmlərə görə özlərində bir sıxıntı duymadan sənə tam bir itaətlə boyun əyməyincə, (həqiqi surətdə) iman gətirmiş olmazlar». (ən-Nisə 65) Kim aralarında baş verən ixtilaflarda Allahın və Onun Rəsulunun hökmünü əsas tutmazsa, onun iman sahibi olmamasını Allah özü and içərək bəyan etmişdir. Amma kim Allahın və Onun Rəsulunun bütün zahiri və batini hökmlərini əsas tutarsa, lakin asilik edib öz istəklərinə uyarsa o, sadəcə asidir. Bu ayə, Allahın hökmünü etiqad etdiklərini iddia edən Xəvariclərin, Allahın nazil etdiyi ilə hökm verməyən hakimlərin təkfiri üçün gətirdiyi dəlillərdəndir¹⁰⁷².

42. İmam əl-Cəsas – rahmətullahi aleyhi - demişdir: «Xəvaricilər bu ayələrin (Allahın nazil etmədiyi əsasında hökm vermək) mənasını təhrif edərək, Allahın hökmü ilə, onu inkar etmədiyi halda, hökm verməyən hər kəsi küfrdə ittiham etməyə başladılar!»¹⁰⁷³. Həmçinin Şeyxulislam Əbu Müzəffər əs-Səməni – rahmətullahi aleyhi - demişdir: «Bil ki, Xəvaricilər bu ayələri dəlil gətirərək, deyirlər: «Kim Allahın nazil etdiyinin əsasında hökm vermirsə, o kafirdir». Sünnə əhli isə Allahın hökmü ilə hökm verməyənləri təkfir etmir»¹⁰⁷⁴. Şeyx Muhəmməd Rəşid Rida – rahmətullahi aleyhi - demişdir: «Məşhur imamlardan bir nəfəri də olsa belə, bu ayələrin hərfi mənada başa düşmək lazım olduğunu deməmişdir, bundan başqa, onlardan heç kim buna bənzər (bir söz) danışmamışdır!»¹⁰⁷⁵.

43. AbdurRahman əs-Sədi – rahmətullahi aleyhi – «Teysirul Kərim ər-Rəhman» 2/296-297 buyurur: «Allahın nazil etdiyi ilə hökm verməmək küfr əhlinin əməlindəndir. Bu küfr öz sahibini bəzi hallarda, dünyəvi qanunlarla hökm verməyin halal olduğunu etiqad edərsə, kafir olaraq İslamdan çıxarar. Digər hallarda əgər halal görməzsə böyük günahlardan hesab edilir. Belə edən adam şiddətli əzaba düçar olar. «Allahın nazil etdiyi (kitab və şəriət) ilə hökm etməyənlər, əlbəttə kafirdirlər!» (əl-Maidə 44). İbn Abbas - radıyallahu anhu – bu ayənin təfsirində buyurur: «Bu böyük küfrdən aşağı mərtəbədə olan (kiçik) küfrdür, bu böyük zülmdən aşağı mərtəbədə olan (kiçik) zülmdür, bu böyük fasiqlikdən aşağı mərtəbədə olan (kiçik) fasiqlikdir». Bu hökmü halal görərkən böyük zülm olur. Bunu halal görmədən, əməl etmək isə böyük günah sayılır». «Allahın hökmünü tərk edib başqası ilə hökm verməyi halal görən adamın zülmü böyük zülmdür. Amma bunu halal görməyən isə böyük günah sahibidir».

44. Siddiq Həsən Xan əl-Qənnuci – rahmətullahi aleyhi – «əd-Dinul Xalis» 3/305 buyurur: «Bu ayə onların kafir olduqlarını qeyd edir. Bu, Allahın hökmü ilə hökm verməyən hər kəsi əhatə edir. Yalnız məcburiyyət və halal görməyənlər üzrlü sayıla bilər. Əgər bu cür müstəsna hallar qeyd edilməsə, onda hökm edənlərdən heç kəs bu küfrdən və daimi cəhənnəm odundan qurtula bilməz».

45. Bütün bu çətinliklərin yaranması və ayələrin düzgün başa düşülməməsi Xəvaricləri məhv etmişdir. Şatibi – rahmətullahi aleyhi – deyir ki: «Hökmdarları kafirlikdə günahlandıran Xəvariclərin dəlili: «Allahın nazil etdiyi ilə hökm etməyənlər əlbəttə kafirdirlər» (əl-Maidə 44). Səid b. Cubeyr - radıyallahu anhu – deyir ki: «Xəvariclər şübhəli qalan və Allahın buyurduğu kimi: «Allahın nazil etdiyi ilə hökm etməyənlər əlbəttə kafirdirlər» (əl-Maidə 44), «…(Bu qüdrəti gördükdən) sonra kafir olanlar yenə bütləri öz Rəbbinə tay tuturlar». (əl-Ənam 1). Onlara aydın olmayan mütəşabih dəlillərin ardınca gedirlər. Onlar gördükdə ki, hökmdar haqlı mühakimə yürütmür dedilər: O, kafirliyə düşmüşdür, kafirliyə düşən isə Allaha şərik qoşmuşdur, hər hansı bir şeylə Rəbbinə şərik qoşan çox Allahlı olur və bu da bütpərəstlərə mənsub olur»¹⁰⁷⁶.

46. Muhəmməd İbn İbrahim Əli əş-Şeyx – rahmətullahi aleyhi – «Məcmuul Fətava» 1/80 buyurur: «Həmçinin Muhəmədən Rəsulullah kəlməsi də bu cür həyata keçirilir. Onu həyata keçirmək üçün Peyğəmbərin – sallallahu aleyhi və səlləm – in şəriəti ilə hökm vermək, ona bağlanmaq, bu şəriətə zidd olan hökmlər və s. əməllərlə razılaşmamaq lazımdır. Kim belə qanunlarla (qoyulma qanunlarla) hökm verərsə, yaxud bu qanunları doğru və halal olduğunu etiqad edərək, müraciət edərsə artıq İslamdan çıxmış sayılar. Əgər o, bunu etiqadsız və halal görmədən edərsə, belə adam yalnız əməli küfr etmiş sayılır. Belə küfr öz sahibini İslamdan çıxarmır». Dediyimiz bu və digər alimlər Allahın hökmünü tərk edib başqası ilə hökm verən hakimlər haqda ümumi bir qayda olaraq belə deyirlər: «Nəfsinin istəklərinə uyub, asilik üzündən, qorxudan və ya nəyəsə nail olmaqdan ötrü, Allahın hökmünü tərk edib başqası ilə hökm verərsə, amma Allahın hökmünü inkar etməz və başqasını da halal görməzsə, belə halda o böyük günah, haram bir iş sahibi olar. Onun küfrü asilik küfrü, yaxud, İslamdan çıxarmayan əməli küfrdür». Deyilir ki: Muhəmməd İbn İbrahim, Muhəmməd Əmin Şingiti, Əhməd Şakir, Şeyx Useymin – Allah onlardan razı olsun - Taşriu Amm – yəni Allahın hökmünü bütünlüklə qanunlarla dəyişmək böyük küfrdür. Lakin son fətvaları göstərir ki, bu fikirlərindən dönmüşlər.

47. Şeyx İbn Bazz – rahmətullahi aleyhi – deyir ki: “Allahın nazil etdiyi qanunlardan başqası ilə hökm verənlər dörd qismə bölünürlər: 1. Kim: “Mən dünyəvi qanunları İslam şəriətindən üstün tutduğum (daha yaxşı) olduğu üçün dünyəvi qanunlar ilə hökm verirəm” deyərsə böyük küfr etmiş olur. 2. Kim: “Mən dünyəvi qanunlar ilə hökm verirəm, çünki İslam şəriəti ilə dünyəvi qanunlar ikisidə eynidir, heç bir fərqi yoxdur” deyərsə böyük küfr etmiş olur. 3. Kim: “Mən dünyəvi qanunlar ilə hökm verirəm, lakin İslam şəriəti daha üstündür və eyni zamanda Allahın nazil etmədiyi qanunlarla da hökm vermək olar” deyərsə böyük küfr edir. 4. Kim: “Dünyəvi qanunlar ilə hökm verməyin qadağan olduğunu etiqad edib sonra onunla hökm verərsə, İslam şəriəti ilə hökm vermək daha üstündür və başqası ilə hökm vermək qadağandır deyərsə, amma özü səhlənkarlıq edərək onunla hökm verməzsə, yaxud rütbə baxımından ondan yuxarı təbəqədə oturan hakimin əmri ilə edərsə” kiçik küfr etmiş sayılır. Belə müsəman İslamdan çıxmır, lakin bu əməl böyük günahlardandır». Şeyx İbn Bazz – rahmətullahi aleyhi – dən soruşurlar: «Əhli-Təkfirin Şeyx Muhəmməd İbn İbrahimdən – rahmətullahi aleyhi – (ümumən təkfir etmək haqqında) dəlil kimi gətirdikləri bir fətvası var. Orada deyilir ki, Şeyx Muhəmməd İbn İbrahim, qəlbində Allahın hökmündən başqası ilə hökm verməyi halal kimi təsdiq edənlə, halal kimi təsdiq etməyən arasında fərq qoymamışdır». Şeyx İbn Bazz: «Əvvəllər dediyim kimi bu məsələ haqqında Üləma tərəfindən qətiyyətlə müəyyən edilib ki, əgər hər kim Allahın nazil etdiyindən başqası ilə hökm verməyi halal sayarsa, onda o, küfr etmişdir (kafirdir). Bunu halal etməyənə gəlincə isə, onda bu kiçik küfrdü. İslam dövlətinin əsası qoyulub, onun güc və təsiri olandan sonra Allahın nazil etdiyindən başqası ilə hökm verənə qarşı öz fikrindən dönənə qədər mübarizə aparmalısan». Sual verən dedi: «Axı onlar Şeyx İbrahimin – rahmətullahi aleyhi – fətvasını dəlil kimi istifadə edirlər?!». Şeyx cavab verdi: «Muhəmməd b. İbrahim səhvsiz (məsum) deyil. O, alimlər arasında alimdir. O, hərdən düzgün və hərdən də səhvdir və o, nə rəsul, nə də nəbidir. Eyni zamanda Şeyxülislam İbn Teymiyyə, İbn Qeyyim, İbn Kəsir – Allah onlardan razı olsun - və başqa alimlər də səhvsiz deyillər. Yalnız həqiqətə uyğun gələnlər onlardan götürülür və həqiqətə zidd olanlar isə qəbul edilmir»¹⁰⁷⁷. İbn Bazzdan – rahmətullahi aleyhi – soruşurlar ki: Muhəmməd İbn İbrahim – rahmətullahi aleyhi – şəriət qanunlarını dünya qanunları ilə dəyişməyi böyük küfr sayımışdır. Buna sözünüz nədir?”. İbn Bazz: “Allah ona rəhm etsin! O hesab edirdi ki, şəriətlə qanunlarını dünyəvi qanunlarla dəyişən kimsə artıq bunu icazəli və halal görür. Onun yazdığı məktubu buna dəlalət edir Təhkimul Qavamin. Lakin mən bu məsələni danaraq tam başqa bir rəydəyəm. Kim Allahın nazil etdiyi ilə hökm etməyi görməzsə və ya bunu əmr edərsə, belə bir kimsə bir səbəb görə kafir olmur o vaxta kimi bunu halal saymasa. Bu o kimsəyə bənzəyir ki, bir nəfər haqqında ədalətsiz qərar çıxarılır və ya onun öldürülməsini əmr edir. Belə bir kimsə bu işi halal görmədikcə kafir olmaz. Çünki Həccac İbn Yusuf bu qədər insanları öldürməsinə baxmayaraq kafir olmamışdır, lakin bu məsələdə də şübhə vardır. Bu həmçinin Mərvan, Muaviyə - radıyallahu anhu - və digər əmirlərə də aidir. Onlar öz etdikləri əməlləri halal saymadıqlarına görə kafir deyildilər. Çünki haqsız öldürmək zina və rüşvətdən daha şiddətlidir”¹⁰⁷⁸. Bu elmi münaqişə, Riyad şəhərində, İmam Muhəmməd İbn Səud Universitetinin, Sünnə və Üsuluddin fakultəsinin müəllim və mühazirəçi heyəti və digər qonaqlarla görüş zamanı baş vermişdir. Məclisdə - Şeyx Fovzan, Şeyx İbn Cibrin, Salman əl-Ovdə, Səfər Havali, Eyd əl-Qarni və digərləri iştirak edirdi. Onlar Allahın hökmü məsələsi haqqında şeyx İbn Bazla münaqişə edir və sonda şeyxin qarşısında susurlar. Mühazirəsinin əvvəlində Şeyx İbn Baz – rahmətullahi aleyhi – özünün sevimli müəllimi olan Şeyx Muhəmməd İbn İbrahim Ali Şeyxi – rahmətullahi aleyhi – xatırlayıb, onun tələbələrinə göstərdiyi qayğıdan söhbət açdı və bu an Şeyxi ilə olan xatirələri onu göz yaşı axıtmağa məcbur etdi. Şeyx İbn Baz – rahmətullahi aleyhi – mühazirəsini davam etmək istədikdə, şeyxlə olan xatirələr buna imkan vermədi və şeyx çıxışını saxlayıb, hönkürtü ilə ağladı. Elə bu göz yaşlarına görə bu kasetə "əd-Dəmətul Bəziyyə" yəni, "İbn Bazın göz yaşları" adı verilmişdir. İndi isə, Kasetin "B" üzündən köçürülmüş, "Şəriət hökmlərini dəyişdirən rəhbərlərin hökmü" haqda olan mövzu ətrafındakı münaqişəni dinləyək: Abdullah İbn Cibrin: İbn Abbasın "... Allahın nazil etdiyi (kitab və şəriət) ilə hökm etməyənlər, əlbəttə, kafirdirlər!" ayəsinin təfsiri haqqındadır. Ayədəki küfr kəlməsi kiçik küfrdürmü? Şeyx İbn Baz: Allahın buyurduğu ilə hökm etməməyi halal görmədən rüşvətə görə, düşmən və ya dost xətrinə edərsə, bu kiçik küfrdür. Əgər o Allahın buyurduğu ilə hökm etməməyi, şəriəti tərk etməyi halal görərsə, o zaman kafir olar. Yəni, əməlini halal gördüyü təqdirdə küfr edir. Yox, əgər rüşvət üçün hökm edərsə, bununla kafir olmur, bu kiçik küfr sayılır. Bu təfsir Mücahid və digər alimlərdən nəql edilmişdir”. Məclisdə olanlardan biri: “Bu məqamda ən böyük anlaşılmamazlıq, şəriət hökmlərini dünyavi qanunlarla əvəz etmək məsələsindədir...?!”. Şeyx İbn Baz – rahmətullahi aleyhi – onun sözünü kəsərək dedi: “Bunu araşdırmaq lazımdır. Əgər həmin rəhbər [Bu əsnada həmin sual verən "O iddia edir ki,"- deyərək müdaxilə etmək istəyir, lakin şeyx ona imkan vermir və sözünə davam edir] bu əməlini halal sayaraq edərsə, o zaman kafir olar. [Sual verən yenidən müdaxilə etmək istəyir, lakin şeyx ona yenə də imkan vermir və sözünə davam edir]. Yox əgər bu əməlini öz xalqını razı salmaq və s. bu kimi düşüncə ilə edərsə, bu zaman kiçik küfr etmiş olar. Əgər müsəlmanların gücü çatırsa, bu işə riayət edənə qədər ona qarşı mübarizə aparmaları vacibdir. Kim zəkat və s. işlərdə Allahın dinini dəyişərsə, bu işə riayət edənə qədər ona qarşı mübarizə aparılır". Həmin sual verən: “Cəzaları, zinanın cəzasını və s. bu kimi əməllərin cəza formasını dəyişən hakim necə?”. Şeyx İbn Baz: "Cəzaları tətbiq etmir, yəni qətl hökmünün əvəzinə sürgün edir?!”. Şeyx İbn Cibrin: “Yaxud həbs edir”. Şeyx İbn Baz: “Və ya həbs edir”. Orada olanlardan biri: “Allah sizi bağışlasın, axı (bu rəhbər hökm etmək üçün özündən cürbəcür) maddələr qoyub?”. Şeyx İbn Baz: “Şəriət qaydasına əsasən, halal görmədikcə kafir olmaz! Asi olar, böyük günah sahibidir, cəzalandırılmağa layiqdir. Lakin bu əməli halal görənə qədər kafir olmaz!”. Orada olanlardan biri: “Halal görənə qədər? Halal görüb-görməməsi onun qəlbindədir, biz bunu bilə bilmərik!”. Şeyx İbn Baz: “Bəli elədir ki, var. Əgər bunu iddia edərsə, halal gördüyünü söyləyərsə!”. Şeyx İbn Cibrin: “İki tərəfin qarşılıqlı razılığı olan zinaya icazə verərsə?!”. Şeyx İbn Baz (onun sözünü kəsərək): “"Həmçinin, bu küfrdür, küfr!". Şeyx ibn Cibrin: “(Onun qoyduğu qanuna görə) Qadın azaddır, özü-özünün ağasıdır. O özünü istədiyi davranışa apara bilər”. Şeyx İbn Baz: “Əgər onlar bunu (zinanı) razılıq olduğu halda halal görsələr küfrdür”. Salman Ovdə: “Əgər o hökmü ləğv edilmiş şəriətlə, məsələn yəhudiliklə hökm etsə, qoyduğu qanunları insanlar üçün məcburi edib bunu ümumi qanun edərsə, qanundan imtina edənləri həbs,ölüm, sürgün və sair cəzalara məhkum edərsə?!”. Şeyx İbn Baz: “O bunları şəriətə aid edir, yoxsa etmir?!". Salman Ovdə: “O heç bir söz demədən bu qanunlarla hökm etmiş, əvəzedici qanun etmişdir". Şeyx İbn Baz: “Əgər o bunu şəriətə nisbət edərsə, küfr etmiş olar”. Salman Ovdə: “Kiçik, yoxsa böyük küfr?!”. Şeyx İbn Baz: “Böyük küfr. Əgər etdiyini şəriətə nisbət edərsə, bu böyük küfr olar, amma əgər onu şəriətə nisbət etməzsə və sadəcə olaraq bir qanun kimi tətbiq edirsə, bu zaman böyük küfr olmaz. Məs: Kimsə barəsində şəriət hökmü olmadığı halda öz istəyinə uyaraq kimisə şallaq və ya ölüm cəzası ilə cəzalandırır”. Salman Ovdə: “Allah sizi qorusun, məgər insanlar üçün ümumi qanun ixtira edənlə, bir məsələdə şəriətlə hökm etməyən arasında fərq qoyulmur?!”. Şeyx İbn Baz: “Əgər şəriətə nisbət edərsə küfr edər. Yox əgər şəriətə nisbət etməzsə, dindən deyil sadəcə insanları idarə etmək üçün yararlı bir qanun olduğunu görərsə, Allah və rəsuluna nisbət etməzsə bu günah sayılar. Amma böyük küfr olmaz. Mən belə etiqad edirəm”. Salman Ovdə: “İbn Kəsir – rahmətullahi aleyhi – özünün "əl-Bidayə vən Nihayə" əsərində belə insanın böyük küfr etdiyi haqda alimlərin yekdil rəyi (icması) olduğunu qeyd etmişdir!”. Şeyx İbn Baz: “Hər halda bu öz əməlini şəriətə nisbət edənə aiddir”. Salman Ovdə: Xeyr! Allahın şəriətindən başqa, hökmü ləğv edilmiş səmavi şəriətlə hökm edən kafirdirsə, onda bəşəri düşüncələrlə hökm edən necə?! Heç şübhə yoxdur ki, o mürtəddir...”. Şeyx İbn Baz – rahmətullahi aleyhi – onun sözünü kəsərək: “Hətta belə deyibsə, İbn Kəsir – rahmətullahi aleyhi – məsum deyil. Bunu nəzərə almaq lazımdır. O da başqaları kimi səhv edə bilər. İcma nəql edənlər nə çoxdur!!”. Şeyx İbn Cibrin: “Onlar bu qanunları şəriət qanunlarının əvəzinə təyin edib deyirlər: “Bu qanunlar insanlar üçün şəriət qanunlarından daha yaxşı, daha münasibdir”. Şeyx İbn Baz: “Bu, özü-özlüyündə ayrı növ küfrdür. Əgər onlar "bu qanun şəriətdən yaxşıdır, yaxud şəriət kimidir və ya Allahın nazil etmədiyi ilə hökm etmək icazəlidir" desələr, o zaman bu, böyük küfr olar". Orada olanlardan biri: “Bəs insanları deyil, bu quruluşu təkfir edənlər necə? Yəni, onlar deyirlər ki, bu quruluş kafirdir, (bu quruluşla hökm edən) şəxslərə isə kafir demirik”. Şeyx İbn Baz: “Əgər Allahın buyurduğundan başqası ilə hökm etməyi halal görərsə, o zaman kafir olar. Bu müəyyən bir insana da aid ola bilər. Əgər halal görməklə hökm edərsə, şübhəsiz ki, kafir olar. Əgər Allahın buyurduğu ilə hökm etməməyi, yaxud zina etməyi halal görərsə "Filankəs kafirdir" – kimi deməklə ona kafir hökmü vermək olar. Necə ki, səhabələr mürtəd olmuş müəyyən insanları təkfir edirdilər. Yalançı Museyləmə şəxsən kafirdir. Tuleyhə əl-Əsədi tövbə etmədən şəxsən kafir idi. Eləcə də dinlə istehza edən şəxsən kafirdir. Dindən çıxaran əməli edən şəxsən kafir olur”. Zəruri Qeyd: “Şeyxul İslam İbn Teymiyyə – rahmətullahi aleyhi – “Məcmu əl-Fətava”da (12/498) deyir: “Ümumi təkfir, ümumi əzab kimidir. Bunu ümumi mənada demək vacibdir. Müəyyən bir şəxsin kafir olmasına, yaxud cəhənnəm əhlindən olmasına dair hökm vermək sübutlarla əsaslandırılmalıdır. Çünki hökm şərtlərin isbatı, maneələrin olmaması halında keçərli olur.” Eyni kitabda (23/345) küfr söz deyən haqqında deyir: “Lakin bunu söyləyən müəyyən şəxsə gəldikdə ona “tərki küfr olan hüccət” çatana qədər kafir hökmü verilmir”. Ölüm hökmü isə fərqlidir. Ölüm hökmündən öncə tövbə etməsi tələb olunur (etsə bağışlanır, etməsə ölümə məhkum edilir). Orada olanlardan biri: “Əgər şəriətə nisbət etməzsə, onun yalançılardan olduğuna qərar verilməzmi?!”. Şeyx İbn Baz: “Yalançılardan sayılar”. Orada oturanlardan biri: “Lakin kiçik küfr olar?!”. Şeyx İbn Baz: “Bəli, əgər desə ki, “Xeyr, bu elə şəriət kimidir, yaxud şəriətdən də yaxşıdır” bu küfrdür. Yox əgər bunu yenilik (bidət) kimi hesab edərsə, bidət əhlinin hökmü də məlumdur”. Ayid əl-Qarni: “Yaxşı Şeyx, bəziləri deyirlər ki, Ömər aclıq illərində oğurluq cəzasının tətbiqini tərk etmişdi”. Şeyx İbn Baz: “Bu onun ictihadıdır və bunun da öz yozumu vardır. Çünki insan məcburiyyətdən nəyisə oğurlamaq zərurətində ola bilər”. Salman Ovdə: “Allahın nazil etdiyi (kitab və şəriət) ilə hökm etməyənlər, əlbəttə, kafirdirlər!" ayəsində kiçik küfrün nəzərdə tutulmasına dəlil nədir? Ayədəki ifadə xüsusi mənada gəlibsə, onu hansı dəlilə əsasən bu mənaya salmaq olar?!”. Şeyx İbn Baz: "Daha doğru rəyə əsasən ayədə deyilənlər halal görmək şərtinə bağlanır. Əgər bu halal görməyə deyil, başqa hallara aiddirsə, o zaman biz İbn Abbasın dediyi kimi kiçik küfr olduğunu deyirik. Əslinə baxdıqda, onlar kafirdirlər [yəni, şeyx demək istəyir ki, ayə əslində kafirlər haqda nazil olmuşdur]". Orada olanlardan biri: “İbn Abbasın rəvayətində halal görmək şərti yoxdur!”. Salman Ovdə (suala aydınlıq gətirərək): Yəni, şeyx, bu ayənin zahiri mənasından başqa mənaya keçirilməsinə əsas verən nədir?!”. Şeyx İbn Baz: “Çünki o bunu halal görür. Ayə Allahın nazil etdiyindən başqası ilə hökm edən kafirlər haqqında nazil olub. Onlar murdar olmuş heyvanların ətini halal görür və oxşar hökmlər verirdilər. Amma hansısa Zeyd (şərti addır), yaxud Amr rüşvətə görə başqa qanunla hökm edərsə, onun küfr etdiyini deyək!!? Bununla o kafir olmur. Yaxud kimsə öz nəfsinə uyub haqsızcasına Zeydin qətlinə hökm verərsə bununla kafir olmur”. Az müddət sükutdan sonra Şeyx İbn Baz sözünə davam edir: “Qaydaya görə halal və ya haram etməyin öz dəyərləndirməsi vardır. "Məgər zinakar küfr edir?!". Salman Ovdə: "Kafir olmur". Şeyx İbn Baz: “Əgər (zinanın) halal olduğunu desə, kafir olur?”. Salman Ovdə və oturanlardan biri: “Bəli, zina etməsə də kafir olur”. Şeyx İbn Baz: " Məsələ də budur. Zina etməsə də kafir olur, vəssalam". Salman Ovdə: “Allah səni əfv etsin! Möhtərəm şeyx, qayıdaq "... Allahın nazil etdiyi (kitab və şəriət) ilə hökm etməyənlər, əlbəttə, kafirdirlər!" ayəsinə! Ayədə deyilən hökm, hökmün tərkinə bağlanmışdır!”. Şeyx İbn Baz: "Allahın nazil etmədiyi qanunlarla hökm etməyi halal görərsə, ayənin hökmü ona aid edilər". Salman Ovdə: “Bu məna haradan götürülmüşdür?!”. Şeyx İbn Baz: “Buna dəlalət edən başqa dəlillərdən götürülür. O dəlillər ki, sübut edir ki, öz əməlini halal görməyən günah sahibləri kafir olmurlar. [Bu əsnada şeyx bir an susur və məclisdəkilərdən bir söz və ya sual gözləyir, lakin heç kəsdən səs çıxmadığını görən şeyx sözünə davam edir] Əgər halal görərsə, yaxud deyərsə ki, “bu münasib deyil”, yaxud “başqası ilə hökm etmək daha üstündür” deyərsə, o, fasiq, zalım və kafirdir. Məqsəd budur ki, bu halal görənə, yaxud halal görməkdən daha çox onu Allahın hökmündən üstün sayana aiddir. Əgər nəfsinə uyaraq Allahın nazil etdiyindən başqası ilə hökm edərsə, asi olar. Halal gördüyü üçün deyil, sadəcə nəfsinə uyub zina edən şəxs kimi. Nəfsinə uyub valideynlərinə asi olan, yaxud nəfsinə uyub qətl edən asidir. Əgər halal görüb qətl edərsə, yaxud valideynlərinin üzünə ağ olmağı halal görərsə, yaxud halal görüb zina edərsə kafir olar. Bununla da biz özümüzü xəvariclərdən fərqləndirmiş oluruq. Belə olanda bizimlə xəvariclər arasında böyük fərq yaranır. Əks halda biz xəvariclərin düşdüklərinə düşəcəyik. Xəvaricləri də çaşdıran amillər bunun kimi ümumi ifadələr olmuşdur”. Salman Ovdə: “Allah sizi qorusun! Bu məsələ bir çox qardaşlar üçün qaranlıq olaraq qalır, olarmı müzakirəni biraz uzadaq?”. Şeyx İbn Baz: "Bu çox böyük və əhəmiyyətli məsələdir". Salman Ovdə: Siz böyük günah edən günahkarların təkfir edilməsini qeyd etdiniz, amma bu ixtilaf mövzusu deyil!”. Şeyx İbn Baz: "Xeyr, məsələ xəvariclərin məsələsi deyil!". [Salman Ovda "xeyr" deməklə müdaxilə etmək istədi, şeyx ona imkan verməyərək davam edir:] "Xəvariclərin (azmaq) səbəbi bu kimi ümumi sözlər idi! Onlar məsələnin təfsilatını tərk edib, ümumi ifadələri götürüb insanlara kafir demişlər!!..." Peyğəmbər onlar haqqında demişdir: “... onlar İslamdan çıxacaq və bir daha ona qayıtmayacaqlar”. Salman Ovdə: “Bəs zinakar və oğru?”. Şeyx İbn Baz: “Xəvariclərə görə kafirdir!". Salman Ovdə: “Xəvariclərə görə kafirdir, Əhli Sünnə isə deyir ki, belə insanlar günahkarlardır”. Şeyx İbn Baz: “Bəli, halal görmədikləri təqdirdə, onlar günahkarlardır". Salman Ovdə sözünü tamamlayır: “İslamdan çıxmırlar...”. Şeyx İbn Baz: Bəli, halal görmədikləri təqdirdə”. Salman Ovdə: Bəli, halal görmədikləri təqdirdə. Lakin onlara görə sadəcə olaraq günahı edənlə günahı insanlar üçün qanun edən arasında fərq vardır. Sadəcə olaraq günahı edən fasiq müsəlman, yaxud imanı naqis olandır. Günahı insanlar üçün qanun edənin halı isə fərqlidir. Çünki ola bilməz ki, halal görmədiyini iddia etdiyi halda, şəriəti kənara qoyub əvəzində insanlara yeni məcburi qanun gətirən insan, bunu halal gördüyü, insanlara daha əlverişli olduğunu üçün və sair bu kimi düşüncələrlə etməsin!! Həmçinin, qohumluq və ya rüşvət səbəbi ilə müəyyən məsələdə şəriətlə hökm etməyənin hökmünü də fərqləndirirlər”. Şeyx İbn Baz: “Qayda belədir ki, “hökmdən çıxarılan nəticə hökm sayılmır”. Kimsə deyə bilər ki, “nəfsinə uyaraq, yaxud qohumluq xətrinə şəriətdən qeyrisi ilə hökm edən bu əməlini halal görür. Çünki etdiyi buna dəlalət edir.” Əgər belədirsə onda nə üçün soruşulur?! (əgər mücərrəd əməl halal görməyə dəlildirsə) onda bu nəyə lazımdır? Hökm hökmdür, fərqi yoxdur. Bu onunla Allah arasındadır. Lakin insanlarla özü arasında isə hökm belədir: Əgər bu rəhbərə qarşı "Nə üçün Allahın şəriəti ilə hökm etmirsən?" deməklə mübarizə apara bilən başqa müsəlman dövləti varsa, ona qarşı mübarizə aparar. Əgər o öz mövqeyini müdafiə edərsə, zəkatdan imtina edib döyüşənlərə qarşı döyüşüldüyü kimi onunla döyüşülər. Əgər o mövqeyini müdafiə edib döyüşərsə, ona qarşı mürtədlərə qarşı aparılan savaş aparılır. Çünki onun şəriətlə hökm etməkdən imtina etməsi və buna görə döyüşməsi, zəkatdan imtina edib buna görə döyüşən kimsələrin əməli ilə eynidir və hətta ondan da qat-qat qəbahətlidir. Bu halda o, kafir olar. Şeyx Təqiyyuddin İbn Teymiyyə – rahmətullahi aleyhi – bu haqda açıq fikir bildirib demişdir: “onunla mürtədlərlə döyüşülən kimi döyüşülür. Asilik edənlər öz batillərini müdafiə etdikdə onlara qarşı döyüşülür.” Bu sözləri o “əs-Siyasət” kitabında, yox, yox, “əs-siyasət” kitabında deyil, “Fəthul Məcid”də onun bu sözləri dediyi nəql olunub”. Salman Ovdə müdaxilə edərək: “əl-Fətava” kitabında (28/531) "Qitəlut Tatar" fəslində nəql edilmişdir”. Şeyx İbn Baz: “Ola bilər “Tatarlarla” bağlı bölümdə deyib. Tatarlara qarşı aparılan döyüş asilərə qarşı aparılan döyüşlərlə eyni deyil, mürtədlərə qarşı aparılan döyüşlər kimidir. Çünki onların asiliyi müdafiə etməsi, Əbu Bəkr xilafəti zamanı zəkat verməkdən imtina edib müdafiə olunanların hökmü ilə eynidir". Salman Ovda: “Allah sizi qorusun, zəkatdan imtina edən buna görə döyüşsə, dedik ki, ona qarşı kafir döyüşü aparılır. Çünki onun imtina etməsi və bunun üçün döyüşməsi artıq zəkatın vacibliyini inkar etməsi deməkdir?”. Şeyx onun sözünü kəsib dedi: "Bəli, şəkk yoxdur ki, Allahın hökmü ilə hökm etməmək fikrini müdafiə etsə və desə ki, mən bu fikrimdən dönən deyiləm, o zaman öz əməlini halal görən hükmü ona aid edilir və həmin şəxs kafirdir". Məclisdəkilərdən biri: “Bunların döyüşəcəkləri indidən dəqiq bilinir”. Şeyx İbn Baz: "Əgər həqiqətən də belə olsa o zaman kafir olarlar. Onlara deyilsə ki, Allahın hökmü ilə hökm et! Əks halda sənə qarşı döyüşəcəyik! Əgər imtina etsələr, o zaman kafir olarlar. Mənim onlar haqda zənnim budur". Orada olanlardan biri: [təəccüblə] soruşdu: Bu zəndir?!”. Şeyx İbn Baz (gülərək): "Şübhəsi olmayan zəndir. Bu qocalıq zənnidir. Lakin hökm zənnsiz verilir. Bəzi ölkə rəhbərləri haqqında zənn onların şərr və küfr etməsidir. Lakin insan "bu insan kafirdir" deməkdə ehtiyat etməlidir. Yalnız etdiyi əməli halal saydığını əminliklə bildiyi adama kafir deyə bilər". Orada olanlardan biri: “Lə İləhə İlləllah!”. Şeyx İbn Baz [tam arxayınlıqla] aparıcıya müraciət edir: "Başqa sualınız varmı? Kifayətdirmi?!". Abdulvahhab ət-Tariri: “Biz sizin icazənizi gözləyirik!”. Orada olanlardan biri: “Bu mövzu barədə kifayətdir [demək istəyir ki, bu mövzuda artıq münaqişə etməyə ehtiyac yoxdur]?!”. Şeyx İbn Baz: "Bu müzakirə digər məsələlərin müzakirə edilməməsi demək deyildir! Hər kəs qəlbi rahatlıq tapana qədər çalışmalıdır. Bu məsələlər çox təhlükəli, çətin, ancaq əhəmiyyətli məsələlərdir!!!". Salman Ovdə: “Siz bu məsələnin ictihadi məsələ olduğunu düşünürsünüz?”. Şeyx İbn Baz: “Vallahi, mən şəriət dəlillərindən belə qənaətə gəlmişəm. Elm adamları bu məsələni Əhli Sünnəni xəvaric və mötəzilələrdən fərqləndirmək üçün qeyd edirlər. Ələlxüsus, xəvariclər mövzusunda buna daha çox yer verilmişdir. Günah işlətmək küfr deyil. Yalnız günahı halal görərsə və ondan əl çəkməmək üçün döyüşərsə, o zaman kafir olar!!!". Orada olanlardan biri: “Allah sizi qorusun! Əgər rəhbərlərə yazılı şəkildə müraciət olunub ondan şəriətlə hökm etməsi tələb olunsa, amma onlar yenə də şəriətlə hökm etməsələr, o zaman onların hökmü kafirdir?!”. Şeyx İbn Baz onun sözünü kəsərək: "Yalnız bir halda ki, öz fikirlərini müdafiə etmək üçün döyüşsələr. Yox əgər döyüşməsələr, o zaman kafir olmurlar". Orada olanlardan başqa birisi: “Əgər onlardan şəriətlə hökm etmək tələb edilsə?!”. Şeyx onların sözlərini kəsərək: "Əgər sən Zeyddən (şərti addır) tələb edib desən ki, “Zəkat” ver. O isə zəkat verməkdən imtina etsə, zəkat verməyə məcbur edilir, hətta zorla olsa da.Əgər öz fikrinin müdafiəsi üçün döyüşərsə, o zaman kafir olar". Sual verən: “Əgər rəhbərdən bunu tələb edən zəifdirsə o zaman ola bilər ki, [rəhbər onun zəifliyindən istifadə edib ona qarşı] döyüşsün?”. Şeyx İbn Baz: “Hətta belə olsa da, yalnız bu halda kafir olur. Əgər sadəcə olaraq imtina edirsə, cəzalandırılır, gücü çatırsa (zəkatı) götürür. Gücü çatmırsa döyüşmür, əgər dövlətin döyüşmək üçün yetərli gücü varsa onunla döyüşür”. Orada olanlardan biri: “Xeyr, Allahın şəriəti ilə hökm etmək tələb olunduğu zaman bundan imtina edərsə necə?!”. Şeyx İbn Baz: "Bəli, ona qarşı döyüşülür. Əgər o döyüşərsə, kafir olar. Əgər döyüşməzsə, kafir olmaz. Onun hökmü günahkarların hökmü kimidir!". Şeyx İbn Cibrin: “Bəs ona qarşı kim döyüşməlidir?!”. Şeyx İbn Baz: "Müsəlman dövlət!". Orada olanlardan biri: “Əgər müsəlman dövlət yoxdursa?!”. Şeyx İbn Baz: “Olduğu kimi qalır!" – özü ilə Allah arasında. Şeyx İbn Cibrin: “Bəzi dövlətlər səhlənkardırlar”. Şeyx İbn Baz (təəssüflənərək): “Allahu Mustəan! (Allah bizim sığınacaqımızdır!)”. Orada olanlardan biri: “Laqeydsiniz [açıq-aydın bir gülüşlə!]”. Şeyx İbn Baz (təəssüflənərək): “Allahu Mustəan! (Allah bizim sığınacağımızdır!)”. Salman Ovdə: “Möhtərəm şeyx! Şeyx Məhəmməd İbn İbrahim (Allah ona rəhmət etsin) öz kitabında qeyd edir ki, dünyəvi qanunlarla hökm edən dövlətlər küfr dövlətləridir və bu dövlətlərdən hicrət etmək vacibdir!”. Şeyx İbn Baz: “Şərr, küfr və asiliklər aşkarda edildiyi üçün (belə demişdir)”. Salman Ovdə: “Onlar dünyəvi qanunlarla hökm edirlər”. Şeyx İbn Baz: "Şeyx İbrahimin – rahmətullahi aleyhi – kitabını oxumuşam, o onların zahirinin küfr olduğunu deyir. Çünki onların qanun qoymaları razılıq və halal görməklərinə dəlalət edir. Onun kitabından anlaşılan budur. Lakin mən deyirəm ki, bu kifayət deyil və mən məsələyə bu hökmü vermirəm. Öz əməlini halal görməsini bilmədikcə, ona hökm kəsilməz. Sadəcə olaraq Allahın nazil etmədiyi bir qanunla hökm və ya əmr etməklə insan kafir olmur. Məsələn, kiminsə əleyhinə hökmü etməyi, yaxud kimisə öldürməyi göstəriş verən bu əməlini halal görmədikcə kafir olmur. Həccac ibn Yusuf buna görə kafir olmur. Öldürdüklərinin sayına görə deyil, halal gördüyünə görə kafir ola bilər. Çünki onların bu işdə şübhələri (yozumları) vardır. Bundan əvvəl Əbdülməlik ibn Mərvan, Müaviyə və digərləri bunu halal görmədikləri üçün kafir olmamışlar. İnsanları qətlə yetirmək zinadan və rüşvətə görə Allahın hökmü ilə hökm etməməkdən daha qəbahətlidir". Orada olanladan biri: “İnsanın kafir ölkəsində olması, mütləq oradan hicrət etmək mənasına gəlmirmi?!”. Şeyx İbn Baz onun sözünü kəsərək: “Hicrət məsələsinin öz təfsilatı vardır. Dinini yaşa bilənin, yaxud hicrət etmək imkanı olmayanın hicrət etməsi vacib deyil. Şeyx İbn Cibrin: “İmam Əhməddən rəvayətlər var ki, o, Quranın məxluq olduğunu deyənləri kafir hesab edir?!”. Şeyx İbn Baz: “Bu məşhurdur. Əhli Sünnə Quranın məxluq olduğunu deyənləri təkfir edirlər. Çünki bunun mənası o deməkdir ki, Allah danışmır. Bu isə o deməkdir ki, Quran Allahın kəlamı deyildir. Bu isə Allahı danışmamaqda vəsf etməkdir. Məclisdəkilərdən biri: “Şeyx, məgər onların şübhəsi yoxdur?!”. Şeyx İbn Baz: “Küfrdür, amma dindən çıxartmırıq”. İzzət və Cəlal sahibi Allahın kəlamıdır, amma onlar onu danışmamaqla, lallıqla vəsf edirlər. Uca Allah: “Onlar Allahın kəlamını dəyişmək istəyirlər”. “Müşriklərdən kimsə səndən aman istəsə ona aman ver ki, Allahın kəlamını eşitsin”. Peyğəmbər (sallAllahu aleyhi və səlləm) deyir: “Qureyş mənim Allahın kəlamını təbliğ etməyimə mane olur”. Məclisdəkilərdən biri: “Mötəzilə kafirdirmi?!”. Şeyx İbn Baz: “Şübhəsiz. Kim Quranın məxluq olduğunu deyərsə, o kafirdir”. Məclisdəkilərdən biri: “Əhməd İbn Əbu Duad kafirdirmi?!”. Şeyx İbn Baz: “Quranın məxluq olduğunu deyən hər kəs kafirdir”. Məclisdəkilərdən biri: “Şeyx bu müəyyən şəxsə də aiddirmi?!”. Şeyx İbn Baz: “Əgər belə dediyi isbat edilərsə, bəli, şəxsən aiddir”. Aid əl-Qarni dedi: “Zəhəbi – rahmətullahi aleyhi – “əs-Siyər”də Əhməd ibn Əbu Duadın tərcümeyi halında deyir: “Bu insan kafir deyil. O Lə İləhə illəllah kəlməsinə şəhadət verir, Allaha iman edir”. Şeyx İbn Baz: “Zəhəbi – rahmətullahi aleyhi – (təriqətlər haqqında dərin) fiqh və bəsirət alimlərindən deyildir. Zəhəbi – rahmətullahi aleyhi – orta alimlərdəndir, yalnız hədislər və hədis elmi ilə məşğul olmuşdur”. Məclisdəkilərdən biri: “Məmunun insanları Quranın məxluq olması fikrinə məcbur etməsi küfr deyilmi?!”. Şeyx İbn Baz: “Küfrdür. İstər Məmun, istərsə başqası olsun fərq etmir”.

48. Şeyx əl-Albani – rahmətullahi aleyhi – deyir ki: «Dünyəvi qanunlar ilə hökm verməyi halal görən adam, yaxud Allahın haram etdiklərini: zina, sələm və başqa bu kimi ittifaq edilmiş haramları halal edən adam böyük küfr, zülm və fasiqlik edir. Amma kim qoyulma qanunlarla hökm verməyi halal görməyib onlarla hökm verərsə onun küfrü, zülmü və fasiqliyi kiçik olar”. Şeyx əl-Albani – rahmətullahi aleyhi – deyir ki: “Kim Allahın şəriətinə etiqad edib və onun hər bir dövrə və zamana (yerə) uyğun olduğuna inanıb, lakin onun əsasında bütünlüklə və ya müəyyən vaxtlarda hökm etməyən bu ayənin hökmünə girər. Lakin o, kimsə bu ayədə sözü gedən kimsələrdən olsa da belə, İslam dairəsindən çıxmır”¹⁰⁷⁹.

49. Saleh əl-Fovzan – Allah Onu Qorusun – soruşurlar ki: «Möhtərəm şeyx, biz eşitmişik ki, siz «Allahın nazil etdiyi ilə hökm etməyənlər əlbəttə kafirdirlər» (əl-Maidə 44). ayəsini birmənalı tətbiq edirsiniz. Xahiş edirik ki, bu haqda bizə məlumat verəsiniz». Cavab: «Mənim və ya kiminsə bir söz dediyini eşitsəniz bu sözü o, adamın kitabında oxuyub, yaxud kassetlərində dinləmədikcə inanmayın. Lakin kiminsə adından insanlar arasında danışılan söz və ya şayələrlə bunları qəbul etməyin. Bu məlumatı onun yazdığı kitabdan, kassetdən və ya özündən birbaşa soruşaraq dəqiqləşdirin. Şayələrə inanmaq isə doğru deyildir. Bu gün çox insanlara görə yalan danışmaq adi bir hal olduğundan onlar öz dediklərini təsdiqləmək üçün kiminsə adından yalan danışırlar… Mən Allahın hökmündən başqası ilə hökm verməyin birmənalı olaraq İslamdan çıxaran böyük küfr olduğunu demirəm. Mən də alimlərin bu məsələ haqqıda buyurduqları izahlı fikri deyirəm. İbn Əbil İzz «Təhavi Əqidəsi», İbn Kəsir «Təfsir» 2/61 bu haqda geniş danışırlar»¹⁰⁸⁰. Şeyx, Allah sizi xeyirlə mukafatlandirsin. Bəziləri sizin müəllifi olduğunuz Tövhid kitabına istinadən deyirlər ki, siz Allahın şəriəti ilə hökm etməyən rəhbərləri müəyyən (fərdi) olaraq təkfir edirsiniz və onlar bu hökmü Körfəz ölkələrinin rəhbərlərinə aid edirlər”. Şeyx gülür.... Bu nəfsinə uymaqdan başqa bir şey deyil. Mənim sözüm aydındır və heç bir qaranlıq məqamı yoxdur. Bu haqda məlum təfsilat verilmişdir. Həmin qaydaların birində də deyilir ki, kim ümumiyyətlə şəriət hökmlərini kənara qoyub yalnız dünyəvi qanunlarla hökm edərsə, bu onun dünyəvi qanunları üstün tutmasına dəlalət edir. Kim dünyəvi qanunları üstün tutarsa o kafirdir. Mənim sözüm təfsilatlıdır. Lakin onlar öz nəfslərinə uyğun olanı götürür, sözümün qalan hissəsini isə tərk edirlər. Əgər onlar sözümü əvvəlindən oxusaydılar məsələ aydın olardı”. Sual verən: “Şeyx, Muhəmməd İbn İbrahimin – rahmatullahi aleyhi - sözü də eyni anlamdadır?”. Şeyx: “Bəli, o da elədir. Kim ümumiyyətlə şəriət hökmlərini kənara qoyub yalnız dünyəvi qanunlarla hökm edərsə, bu onun dünyəvi qanunları üstün tutmasına dəlalət edir. Kim dünyəvi qanunları üstün tutarsa o kafirdir”. Sual verən: “Şeyx, bəs Körfəz ölkə rəhbərləri necə?!”. Şeyx: “Xeyr, xeyr, Dediklərimiz Ümumi Sözlərdir. Fərdi insanlara tətbiq edilməsi isə araşdırılmalıdır”. Sual verən: “Şeyx ümumi və fərdi hökm arasına fərq var?”. Şeyx: “Bəli, ümumi ilə fərdi fərqlidir”. Sual verən: “Allah sizi qorusun, siz həmin sözlərinizlə Ümumi Hökmü nəzərdə tutmusunuz, elədirmi?”. Şeyx: “Heç Şübhəsiz Ki, Ümumi Hökmü Nəzərdə Tutmuşam! Onlar körfəz rəhbərlərini bura aid edirlər?!....”. Sual verən: “Şeyx, onlar nəfslərinə uyub belə deyirlər”. Şeyx: “Onlar körfəz ölkələri rəhbərlərini təkfir edib sonar nə edəcəklər?! Məgər bu islahdır?! Körfəz ölkə rəhbərlərini təkfir etmək islah etməkdirmi?! Bu islah deyil, fitnə-fəsad yaymaqdır”.

50. Şeyx AbdulMuhsin Abbad – Allah onu qorusun – soruşurlar ki: «İslam şəriətinin (dünyəvi konstitutsiya) qanunlarla əvəz edilməsi özü-özlüyündə böyük küfrdmü, yoxsa insanın buna qəlbilə halal hesab etməsi lazımdır? Allahın nazil etdiyi ilə bir dəfə hökm verməyən insanla, hamı üçün qanunlar tətbiq edərək bunun halal olmasını hesab etməyən arasında fərq varmı?». Cavab: «Ondan başlayaq ki, Allahın nazil etdiyinə əsaslanmayan bir, on, yüz və min məsələdə hökm çıxarmağın heç bir fərqi yoxdur. Əgər İnsan bu əməlin pis olduğunu və qadağan olduğunu bilərək öz günahını etiraf edirsə bu küfrdən aşağı olan kiçik küfrdür. Əgər hesab etsə ki, bu halaldır və yaxşıdır, belə bir əməli hətta bir dəfə də icra etsə (Bəzi Sələflər deyirlər ki: Hətta icra etməsə də belə qəlbi ilə inansa) Allahın nazil etdiyi ilə hökm verməməyi məqbul saysa kafir olur»¹⁰⁸¹.

51. AbdulLətif İbn AbdurRahman Əli Şeyx – rahmətullahi aleyhi – deyir ki: «Quran və Sünnəyə zidd olan şəriətə istinad etmək haram sayılır... Əsası nəfsi istəklər və rəylər olan hər bir hökm bura daxildir. Kim belə hökmlərlə hökm etməyi halal edərsə (yalnız bu halda) o kafirdir. «Allahın nazil etdiyi (kitab və şəriət) ilə hökm etməyənlər, əlbəttə, kafirdirlər!» (əl-Maidə 44). Bəzi təfsir alimləri bu ayənin təfsirində buyurublar: «Burada qəsd olunan küfr böyük küfr deyil, ondan sonrakı mərtəbədə olan kiçik küfrdür. Çünki onlar bu ayədən belə başa düşüblər ki, dedikləri həmin hökm halal görməyənə aiddir. Lakin (Allahın hökmündən başqası ilə hökm verməyi) halal görənin kafir olmasında isə ixtilaf etmirlər»¹⁰⁸². İmam Əbu Ubeyd deyir ki: “Maidə 44 ayəsi barəsində İbn Abbas - radıyallahu anhu - dedi: ”Burada olan küfr dindən çıxardan deyildir”. Həmçinin Ata İbn Əbi Rabah – rahmətullahi aleyhi – dedi: “Burada küfürdən aşağı olan küfrdür”. Bizə aydın oldu ki, bu əməl insanı İslamdan xaric etmir hətta onun dini ilə günahlar qarışarsa. Bu ayələrdə sözü gedən kafirlərdir ki, Allahın nazil etdiyi ilə hökm vermirlər. Çünki kafirlər Allahın nazil etdiyi ilə hökm vermirlər. Məgər Allahın sözünü eşitmədin: Onlar Cahiliyyət dövrünün hökmünümü istəyirlər? Tam qənaət sahibi olan bir camaat üçün Allahdan daha yaxşı hökm verə bilin kimdir?!». (əl-Maidə 50). Təfsirçilər deyirlər ki: “Kim müsəlman olduğu halda Allahın nazil etdiyi ilə hökm etməzsə, cahilyyə dövründə bu cür edənlərin misalındadır. Çünki cahiliyyə dövründə insanlar bu cür hökm verirdilər”¹⁰⁸³.

52. Hicri 1420-ci ildə Şeyx Useyminin – rahmətullahi aleyhi – son günlərində belə sual verilir: “Bu məsələdə tələbələr arasında böyük mübahislər vardır. Bəziləri isə sizin fətvanıza arxalanırlar. Bəzi tələbələr Allahın şəriətinə zidd olan dünyəvi qanunlarla hökm verən hakim haqqında danışırlar. Heç şübhə yoxdur ki, o rəhbər insanları da buna məcbur edir, hətta bu qanunlarla getməyəni cəzalandırırlar. Əgər müsəlmanların rəhbəri günümüzdə bu cür hərəkət edirsə və insanları buna məcbur edirsə kafir olurmu? Bununla bərabər bilir ki, Quran və Sünnətə ziddir və bilir ki, haqq bundadır. Belə bir kimsə kafirdirmi, yoxsa onun etiqadına baxmaq lazımdır? Bir çox cavanlar deyirlər ki, siz belə bir kimsəni kafir sayırsınız? Cavab: “Useymin – rahmətullahi aleyhi – cavanlara bir çox nəsihətlərini və tövsiyələrini etdikdən sonra deyir: O ki, qaldı Allahın nazil etdiyi ilə hökm vermək məsələsinə Allahın kitabında bölündüyü kimi edəndən aslı olaraq üç cürdür: Küfr, Fasiqlik və Zülm. Əgər bir kimsə nəfsi istəklərinə uyaraq Allahın nazil etdiyi ilə hökm etməzsə bildiyi halda ki, Allahın hökmü haqdır belə kimsə kafir olmur. Onun halı zülm və fasiqlik arasındadı. Hətta qanunları xalqa yeridərək icazəli və yaxşı görərsə belə küfrə düşmür. Çünki əksər hakimlərin şəriətdən heç bir anlayışları yoxdur. Onları elə bir insanlar əhatə edir ki, onların şəriətdən heç bir anlayışları da yoxdur. Halbuki əmirlər onları şəriəti bilən, halal və haramı bilən hesab edirlər. Lakin şəriəti bilən birisidirsə buna zidd olaraq qanunlar verib cəmaat üçün konstututsiya qəbul edərsə biz etiqad edirik o Tirandır, lakin onu kafir adlandıra bilmərik. Biz kafir o kəsi adlandıra bilərik ki, qanunları insanlar üçün Allahın hökmündən yaxşı görərsə və eyni şey olduğunu söyləyərsə. Çünki belə etdiyi zaman Allahın sözünü inkar etmiş olur: “Allah hakimlərin hakimidir”. İnsanlar üçün kimin hökmü Allahın hökmüdən yaxşı ola bilər. Hakimi küfrdə ittiham etdikdən sonra ona qarşı Xuruc etmək lazımdır. Bu da bir çox fitnələrin baş verməsi deməkdir. Xuruc etmək üçün isə güclərin rəhbərin gücü kimi olmalıdır. O ki qaldı ona qarşı vilka, bıçaq ilə çıxan insanlara şübhə yox ki, bu ağılsızlıq və şəriətə zidd bir şeydir”¹⁰⁸⁴. Şeyx Useymindən – rahmətullahi aleyhi – soruşdular: “Əmirlərin hökm verdikləri Qoyulma qanunlar ətrafında baş problemlər barəsindədir sualımız. Bu rəyin tərəfdarları sizin fətvanıza əsaslanaraq deyirlər ki, bu Allahın şəriətini dəyişməkdir və açıq aydın küfrdü. Həmçinin onlar bu fəvanı Şeyx İbrahimə – rahmətullahi aleyhi – də aid edirlər. Sual: Bu məsələdə maneələr rol oynayırmı? Əhli Sünnə Allahın nazil etdiyi ilə hökm etməyənlərə hüccət qoyubmu?”. Şeyx: “İstənilən insan hansıki əməli (və ya sözü) onu kafir edir onda olan bütün maneələr dəf edilməlidir. Səhih hədisdə keçir ki, Peyğəmbərdən soruşdular: “Əmirlərə qarşı çıxaqmı?”. O: “Yox, ancaq əmir sahibində açıq bir küfr görməniz müstəsnadır ki, bu halda onun küfrü haqqında yanınızda Allah kitabından qüvvətli bir dəliliniz olmalıdır» deyə buyurdu. Buna görə də küfr açıq və aydın, qaranlıq və anlaşılmaz olmamalıdır. Əgər təvil və ya səhv başa düşmək olarsa kafir olmur, hətta biz desək ki əməlin özü küfrdür. Deyilən söz ilə deyən arasında, edilən əməl ilə edən arasında fərq vardır. Ola bilər ki, edilən əməl fasiqlik olusun, lakin əməli edən kimsə fasiq adlanmasın buna mane olan səbəblərə görə. Əməllər küfr ola bilər, lakin bu əməli edən kimsə kafir olmaz təkfirə mane olan səbəblərə görə. İslam dininə zərəri Xəvariclərin bu məsələni başa düşməmələri böyük ziyan gətirmişdir. Xəvariclər Əlinin - radıyallahu anhu - dəstəsində Şamda idilər. Əli - radıyallahu anhu - ilə Şam əhli arasında sülh bağlandıqda Xəvariclər çıxdılar. Əlidən - radıyallahu anhu - ayrıldılar və aralaında baş verən döyüşdən sonra darmadağın edildilər. Allaha həmd olsun! Onların çıxmalarına səbəb: “Sən Allahın nazil etdiyi ilə hökm etmədin! Hakim olaraq insanı seçdin” deyərək ona qarşı çıxdılar. Doğru olmayan Təvil – yozmaq. Bu da ümmətin xəstəliyidir. Ola bilər ki, filan bir şey küfr deyildir, lakin kimsə bunu küfr gördüyü üçün əmirlərə qarşı çıxır. Ola da bilər ki, filan şey küfr olsun, lakin onu edən isə kafir olmaz təkfirə mane olan səbəblər olduğu üçün. Ona qarşı çıxan isə onun üzürünün olmadığını iddia edər. Ona görə də kimisə küfr və fasiqlikdə ittiham etməkdə tələsməməlidirlər. Ola bilər ki, insan fasiqliyi heç bir anlayışı olmadan edir. Sən ona desən ki: “Ey qardaşım! Bu günahdır!”. O da: “Allah razı olsun” deyib günahdan çəkinər. Ərəb rəhbərləri və müsəlmanlar onlara dəlilin çatmamsı üçün üzürlü sayıla bilərlər. Ola bilər ki, dəlil onlara aydın olsun, lakin onlara elə bir tərzdə başa salınsın ki, onları azğınlığa və şübhələrə salsın. Ona görə də bu məsələlərdə tələsmək olmaz....”¹⁰⁸⁵.

53. Şeyx Fovzandan – hafizahullah - soruşurlar: “İnsanlar üçün qanunlar çıxardıb və insanları buna vacib edən kimsə barəsində şəriətin hökmü nədir?”. Şeyx: “Əgər etiqad etsə ki, bu qanunlar Allahın qanunları kimidir, yaxşıdır və ya haladır o kimsə kafirdir”¹⁰⁸⁶. Şeyx Fovzandan – hafizahullah - soruşurlar: “Siz demisiniz ki, kimin şirki açıqdırsa müşrikdir. Kim ki, Allahdan qeyrisi üçün qurban kəsən, nəzir verən və s. Sual: “Allahın hökmü ilə hökm verməyən kimsə barəsində demək olarmı ki, o da müşrikdir?”. Cavab: “Yox, Onun barəsində belə bir hökm çıxarılmır, hətta bunu etməkdə nə vadar etdiyi üzə çıxmadıqca. Biz bilməliyik o, bunu halal görürmü yoxsa yox? Bu halı araşdırmaq açıqlamaq lazımdır. Təkfirçilərin və Xəvariclərin mənhəcini götürməyin! İstənilən küfrün halı dəqiqləşdirilməli və araşdırılmalıdır”¹⁰⁸⁷.

54. Şeyx Saleh Suheymidən – hafizahullah - soruşurlar: “Bəzi insanlar deyirlər ki, Allahın nazil etdiyi ilə hökm verməmək – bu kimsəni küfrdə ittiham etmək – üçün şərtlər lazımdır. Lakin biz bilirik ki, Allahın şəriətini dəyişən kimsə bunu yaxşı görməsəydi belə etməzdi”. Cavab: “Biz belə bir kimsəni küfrdə ittiham edə bilmərik əgər onun bu addımı atmaqdakı səbəbini öyrənmədikcə”. Ondan: “Hətta rəhbər bütün şəriəti dəyişsə belə?”. Şeyx: “Allaha and olsun ki, biz onu küfrdə ittiham edə bilmərik əgər o deməsə: Şəriət bizim zəmanəyə uyğun deyildir və ya bu qanunlar şəriətə uyğundur”¹⁰⁸⁸.

55. Şeyx Ubeyd əl-Cəbiridən – hafizahullah - soruşurlar: “Bəzi insanlar bir məsələdə Allahın şəriəti ilə hökm etməyən ilə Allahın şəriətini dəyişən arasında fərq qoyurlar. Onlar deyirlər ki, kim bir dəfə edərsə onun üçün bu küfrdür, lakin kiçik küfrdür. Kim ki, şəriəti dəyişibsə halal görərək, çünki şəriəti dəyişmək onun halal görməsinə dəlalət edir”. Cavab: “Bu, haradan çıxdı! Bu Peyğəmbərin – sallallahu aleyhi və səlləm – çəkindirdiyi qəribə məsələlərdəndir: Elə insanlar çıxacaq ki, nə sizin nə də atalarınızı eşitmədiyi şeyləri deyəcəklər. Onlardan çəkinin!”¹⁰⁸⁹. Sələflər belə bir qayda qoymamışlar. Bizdə dəlil Quran, Sünnə, və icmadır. Nə ki, onlara ziddir, biz onun inkar edirik”.

56. Şeyx Saleh Luheydan – hafizahullah - dedi: “Qanunlar ilə qərar qəbul etmək heç şübhəsiz ki, küfrdü. Lakin bir istisna vardır əgər rəhbər bu qanunları şəriətdən yaxşı hesab etmirsə ona kafirdir deyilmir”¹⁰⁹⁰.

57. Şeyx AbdulƏziz ər-Racihidən – hafizahullah - soruşurlar: “Bəzi müsəlman rəhbərləri namaz qılmalarına baxmayaraq dünyəvi qanunlarla hökm verirlər. Bu qanunlar şəriətin hökmlərini dəyişir. Məs: Zina edən (daş-qalaq olunmalıdır, lakin olunmur). Məgər bu onu kafir etmirmi, hətta namaz qılsa da belə”. Şeyx: “Bunun açıqlamağa ehtiyacı vardır. Allahın nazil etdiyi ilə hökm etməyən bunu halal görsə küfrə düşmüşdür. Kim ki, bunu halal görmürsə alimlərin rəyinə görə fasiqdir. Rəhbərin kafir olması barəsində qərar verilməz hətta bunu halal bilmədikcə”¹⁰⁹¹. İbn Teymiyyə – rahmətullahi aleyhi – deyir ki: “Aydınlıq olmayan bir məsələdə kimisə təkfir etmək omaz”¹⁰⁹².

Nə Vaxt İnsan Allahın Hökmü İlə Hökm Verməzsə Kafir Olur? 1. Əgər Allahın nazil etdiyi hökmündən başqa hökmlə hökm verməyi qanuni halal sayarsa artıq kafir olur. 2. Allahdan qeyrisinin hökmünü Allahın nazil etdiyi hökmdən üstün sayarsa kafir sayılır. «Onlar cahiliyyət dövrünün hökmünümü istəyirlər? Tam qənaət sahibi olan cəmaat üçün Allahdan daha yaxşı hökm verə bilən kimdir». (əl-Maidə 50). 3. Allahın hökmü ilə Allahdan qeyrisinin hökmünü eyni və ya Allahın nazil etdiyi hökmü inkar edərsə kafir sayılır.

Nə Vaxt İnsan Allahın Hökmü İlə Hökm Verməzsə Zalım Sayılır? 1. Onlar etiqad edirlər ki, Allahın hökmü daha yaxşıdır. Bunu tətbiq etmək daha vacibdir. Lakin hökm verdiyi şəxsdən xoşu gəldiyi üçün, qohumu olduğu üçün və ya hökm verdiyi insana nifrət etdiyi üçün Allahın hökmü ilə hökm vermir. Məs: İki nəfər hakimin yanına gəlir ki, onların arasında Allahın hökmü ilə hökm versin. Birinə nifrət etdiyi üçün (düz də olsa belə) hökmü onun əleyhinə çıxardır. İbn Abbas - radıyallahu anhu– rəvayət edir ki, Peyğəmbər – sallallahu aleyhi və səlləm – buyurdu: «Əgər insanlara iddia (tələb) etdikləri şeylər verilsəydi, bir qrup kimsələr başqa kimsələrin malları və qanları üzərində haqq iddia edərdilər. Lakin sübut etmək iddia edənin üzərinə düşür və and içmək isə inkar edənin üzərinə düşür»¹⁰⁹³.

Nə Vaxt İnsan Allahın Hökmü İlə Hökm Verməzsə Fasiq Sayılır? 1. Öz nəfsi-istəklərinə uyaraq Allahın hökmü ilə hökm vermir. Lakin Allahın hökmünə etiqad edərək üstün sayır. Dünya malına, pula uyaraq məsələni rüşvət verənin xeyrinə həll edir. Belə kimsələr fasiqdirlər.

Bir şeyi anlayın – Allahın nazil etdiyi ilə hökm verməmək kiçik küfrdür demək və bu rəydə olmaq o demək deyil ki, bu olar? Məgər kiçik küfrü etmək icazəlidir? Kiçik küfr istənilən böyük günahdan böyükdür, ağırlığı.