Ümid edirik ki, bu kitab həqiqətsevər insanların belə bir bərəkətli süfrədən faydalanması üçün uyğun şərh və yardımçı olacaqdır

RƏVAYƏTLƏRDƏ TƏVAZÖKARLIQ HAQQINDA

Həzrət Peyğəmbər (s) buyurur: «Nə olub ki, sizdə ibadət şirinliyi görmürəm?» Soruşdular ki, ibadətin şirinliyi nədir? Buyurdu: «Təvazökarlıq».

Həzrət Əli (ə) qədim mö’minlərin təvazökarlığından danışaraq xalqa belə nəsihət edir: «Pak Allah onlar üçün təkəbbürü yox, təvazökarlığı bəyəndi. Onlar surətlərinin bir hissəsini ibadət nişanəsi olaraq torpağa qoydular, üzlərini bəndəlik əlaməti olaraq yerə sürtdülər və bütün mö’minlər qarşısında təvazökar oldular».²²¹ Həzrət (ə) başqa bir hədisdə buyurur: «Təvazökarlığı gözlə çünki təvazökarlıq ən böyük ibadətlərdəndir».²²²

İmam Sadiq (ə) təvazökarlığın sərhədlərini bəyan edir: «Təvazö’ odur ki, öz böyüklüyündən aşağı yerdə oturmaqdan xoşhal olasan. Görüşdüyün şəxsə salam ver, höcətləşmədən haqlı olsan belə çəkin. Xeyirlərin üstünü təvazödür».²²³

Allahın Rəsulu (s) buyurur: «Şübhəsiz ki, bəndəlik cəhətindən ən üstün olan şəxs məqamının yuxarı olduğu halda təvazökarlıq göstərən şəxsdir».²²⁴ «Təvazökarlıq öz sahibinin məqamını qaldırar. Təvazökar olun ki, Allah sizi uca məqamlı etsin».²²⁵

Əxlaq alimlərinin fikrincə, şeytani sifət olan təkəbbür ifrat, hər bir kəsin qarşısında özünü alçaltmaq isə təfritdir. Orta hədd isə təvazökarlıqdır. Mə’sum imamlardan rəvayət olunmuşdur ki, Allah qarşısında təvazökarlıq bütün vücudunu bəndəlik məqamında qərarlaşdırmaq və insanlarla ədalətlə rəftar edib, onların hüququna riayət etməkdir.