AĞIZ SUYU VƏ ONUN FİZİOLOJİ ROLU
Ağız suyu (saliva) – qulaqaltı, çənəaltı, dilaltı vəzilərinin və ağız boşluğunun selikli
qişasında yerləşmiş çoxlu sayda kiçik ağız suyu vəzilərinin sekretor məhsullarının
yaratdığı bioloji maye mühitdir. Ağız suyunun gündəlik miqdarı 0,5 –1,5 litrə
bərabərdir. Qarışıq ağız suyunun (ağız mayesinin və ya tüpürcəyin) tərkibində
vəzilərin sekretlərindən (ağız suyundan) əlavə, mikroorqanizmlər və onların həyat –
fəaliyyət məhsulları, dişəti mayesi, qopmuş epitel hüceyrələri, leykositlər, qida
qalıqları və s. vardır. Ağız mayesi bütöv ağız boşluğunu nazik qat (0,1 mkm) şəklində
örtür, yavaş-yavaş müəyyən istiqamətlərdə axır və çoxsaylı funksiyalar yerinə yetirir.
Ağız mayesinin tərkibi və xassələri orqanizmin ümumi sağlamlığından, vəzilərin
funksional statusundan, ağız suyu sekresiyasının sürətindən, qida faktorundan, ağız
boşluğunun gigiyenasından və s. asılıdır. Sekresiyanın sürəti nisbi anlayışdır. O,
yaşdan, psixi – emosional vəziyyətdən asılıdır
Dostları ilə paylaş: |
