| 5. Biz Xəzərdən uzaqdayıq, lakin biz ona təsir göstəririk.
Bu çalışmanın məqsədi-Xəzərin ətrafındakı yerüstü çay ekosistemləri ilə Xəzər arasında əlaqələri nəzərdən keçirməkdir. Uşaqlardan xahiş edin ki, posterə yaxınlaşsınlar və quru dəniz ekosistemləri arasında əlaqəni tapsınlar. Deyin ki, Xəzərin ətrafında təbii ekosistemlərin insan tərəfindən dağıdılması, dənizin biomüxtəlifliyinin itirməsinin səbəblərindən biridir.
Bu suala cavab vermək üçün uşaqlarla birlikdə yada salın, çay ekosistemlərinin sakini olan hansı heyvanlar həyatının müəyyən bir dövründə Xəzərə keçir? Hansı heyvanlar dəniz ekosistemlərində yaşayır və öz həyatının müəyyən bir dövründə çay ekosistemlərinə keçir? Bu nə ilə əlaqədardır? Nərəkimilərin kürüləmə dövründə çay boyunca yuxarı hərəkəti zamanı populyasiyada miqdarı necə dəyişir? Onlar yol boyu hansı manələri dəf edirlər? (bəndlər suayırıcıları, brakonyer torları və s.). Bu mövzunu daha da genişləndirmək olar.
Sonra uşaqlara tapşırın ki, növbəti məşğələyə aşağıdakı mövzular üzrə məlumatlar hazırlasınlar:
-Xəzərin duzlu sularından və həm də şirin sulu çay ekosistemlərindən həyatı boyu istifadə edən balıqlar haqqında:
-Su – bataqlıq ekosistemlərindən dəniz sahilinə miqrasiya edən quşlar haqqında:
- Müxtəlif qitə ekosistemlərindən Xəzərin cənubuna miqrasiya edən quşlar haqqında və s.
Bu mövzular üzrə çıxışlar dinlənildikdən sonra uşaqlardan xahiş edin ki, posterdə insanın təbii ekosistemləri dağıtmasını əks etdirən fotoşəkilləri tapsınlar.
Soruşun ki, uşaqlar özləri Xəzərə nə cür təsir göstərirlər? Məs: onların evlərindən çıxan çirkab suları hara axıdılır.
Dostları ilə paylaş: | 
