Yunesko-nun “İnformasiya hamı üçün” (İfap) Proqramının Azərbaycan komitəsinin 2019-2021-ci illər üçün Tədbirlər Planı” üzrə 2019-cu ilin I yarımilliyi ərzində görülmüş işlər haqqında hesabat

Təhsil Nazirliyi tərəfindən 2011-ci ildən etibarən distant təhsilin inkişaf etdirilməsi və xüsusi qayğıya ehtiyacı olan şagirdlərin bu prosesə cəlb olunması ilə əlaqədar müvafiq layihə icra olunur. Təhsil müəssisəsində qeydiyyatda olan, fiziki məhdudiyyətləri səbəbindən evdə təhsil alan və sağlamlıq cəhətdən distant təhsil alması mümkün olan şagirdlər könüllülük əsasında və valideynlərinin razılığı ilə distant təhsil prosesinə cəlb olunurlar. Layihə çərçivəsində bugünədək Bakı şəhəri, Gəncə şəhəri, Qazax, Samux, Tovuz, İsmayıllı, Ağdam, Ağstafa, Şəmkir rayonlarından ümumilikdə 210 nəfər fiziki məhdudiyyətləri olan şagird və 40 nəfər müəllim layihəyə cəlb olunmuşdur. Onlar müvafiq İKT avadanlığı,proqram təminatları və Azərbaycan Təhsil Şəbəkəsinə çıxış ilə təmin olunmuşlar. Distant təhsilin icrasını təmin etmək məqsədilə İKT avadanlıqlarından və xüsusi qurğulardan istifadəyə dair müəllim, şagird və valideynlər üçün təlimlər keçirilmişdir. Hazırda layihənin genişləndirilməsi və daha çox fiziki məhdudiyyətləri olan uşaqların layihəyə cəlb olunması nəzərdə tutulur.
3.2.	“Ali məktəb tələbələri arasında informatika üzrə Ümumrespublika Olimpiadası”nın təşkil edilməsi	NRYTN	Heydər Əliyev Fondu, TN, AMEA	Hər il	27 aprel - 4 may 2019-cu il tarixlərində NRYTN, Heydər Əliyev Fondu, TN və Azərbaycan Milli Elmlər Akademiyasının İnformasiya Texnologiyaları İnstitutunun birgə təşkilatçılığı ilə “Ali məktəb tələbələri arasında İnformatika üzrə Ümumrespublika Olimpiadası” keçirilmişdir. Olimpiadanın məqsədi ali məktəb tələbələrinin informatika, proqramlaşdırma sahəsindəki biliklərinin və bu sahəyə olan marağının artırılması, habelə sahə üzrə seçilən tələbələrin beynəlxalq Olimpiadalara cəlb edilməsidir. Olimpiadada respublika üzrə 24 ali təhsil müəssisəsindən 69 komanda iştirak etmişdir. 4 komanda qalib olmuşdur. Paytaxtla yanaşı, regionlarda fəaliyyət göstərən ali təhsil müəssisələri, əsasən də, Gəncə, Mingəçevir, Naxçıvan, Sumqayıt və Lənkəran Dövlət Universitetlərinin, Azərbaycan Texnologiya Universitetinin tələbələri bu il Olimpiadaya xüsusi maraq göstərmişlər.
3.3.	“Mən Azərbaycanlıyam” bilik yarışmasının keçirilməsi	GİN	NRYTN, TN	Hər il	Dekabr 2018 - dekabr 2019-cu il ərzində Azərbaycan televiziyasında( AzTV-da) “Mən Azərbaycanlıyam” Milli bilik yarışmasının 9-cu mövsümü yayımlanacaq. Qaliblərin mükafatlandırılması 2019-cu ilin dekabr ayında keçiriləcək.
3.4.	Jurnalistlər üçün rəqəmli cəmiyyətə keçid üzrə təlimlərin təşkili	NRYTN	TN, AMEA və QHT–in iştirakı ilə	Mütəmadi