Ўзбекистон республикаси олий ва ўрта махсус таълим вазирлиги

Kengash raisi_________________ T.Turg’unov

“_____”___________2020-yil

TAVSIYA ETILGAN

“Sanoat ishlab chiqarishni tashkil etish” kafedrasi majlisida muhokama qilingan va tavsiya etilgan

Kafedra mudiri____________________S.A’zamov
kafedra majlisining ______sonli bayonnomasi

“___” _________ 2020-yil

Taqrizchilar:
1. G.Zufarova –TDAU Andijon filiali “Agrobiznes va investitsiyalar” kafedrasi dotsenti, iqtisod fanlari nomzodi

2. G.Bozorova – AndMI “Gumanitar fanlar” kafedrasi dotsenti, iqtisod fanlari nomzodi

Tuzuvchilar:
1. A.Anafiyaev-“Sanoat ishlab chiqarishni tashkil etish” kafedrasi“ katta o’qituvchisi

2. N.Olimova - “Sanoat ishlab chiqarishni tashkil etish” kafedrasi“ assistenti

“Mikroiqtisodiyot” fanidan kurs ishlari mavzulari va uni bajarish boʻyicha uslubiy koʻrsatma. – A.: AndMI., 2020-yil, 20 - bet

Kirish

«Mikroiqtisodiyot» fanining mazkur uslubiy koʻrsatmasi Oʻzbekiston Respublikasining «Ta’lim toʻgʻrisida»gi Qonun va Kadrlar tayyorlashning milliy Dasturi hamda davlat standartlari boʻyicha bakalavr darajasidagi malakali iqtisodchi mutaxassislar tayyorlash talablaridan kelib chiqib, tuzilgan.

Oʻquv jarayonining uzluksiz jarayonlaridan biri – bu talabalarda mustaqil ishlash va nazorat bilimlarini puxta egallashga qaratilgan kurs ishini bajarish hisoblanadi. Kurs ishini bajarish jarayonida talabalar olgan bilimlarini mustahkamlash bilan bir qatorda mikroiqtisodiy koʻrsatkichlarni, bozor munosabatlarini, milliy iqtisodiyotning amal qilishi va rivojlanishi qonuniyatlarini, mikroiqtisodiy va makroiqtisodiy darajadagi vaziyatlarni, moliya-kredit, investitsion, agrar siyosatlarning mohiyatini, integratsion jarayonlarni, iqtisodiy jarayonlarni tahlil qilish va xulosa chiqarish, iqtisodiyotning asosiy joriy muammolarini moʻljalga olish uchun zarur boʻlgan ma’lumot (axborot) lar toʻplash va ulardan foydalanish, tadbirkorlik faoliyatini tashkil qilish, rivojlantirish koʻnikmasi (tajribasi) ga ega boʻlishi va foydalana olishi, umumiqtisodiy va ixtisoslik yoʻnalishidagi fanlar boʻyicha bilimlarini kengaytiradilar, ixtisoslik boʻyicha adabiyotlarni chuqur oʻrganadilar va oʻzlarida ilmiy tadqiqot ishlarini mustaqil bajarish qobiliyatlarini rivojlantiradilar.

Ushbu uslubiy koʻrsatma «Mikroitqtisodiyot» fani boʻyicha yangi namunaviy oʻquv dasturi va oʻquv rejasi asosida tuzilgan boʻlib, unda iqtisodiyot yoʻnalishida tahlim olayotgan talabalarning kurs ishini bajarishi davomida amal qilinishi lozim boʻlgan umumiy tartib- qoidalar, mehyorlar, tegishli koʻrsatma va maslahatlar berilgan. Oʻquv - uslubiy koʻrsatmani ishlab chiqishda mualliflar talabalarning nazariy bilimlarini amaliy jihatdan mustahkamlash, mustaqil fikrlash qobiliyatini shakllantirish va rivojlantirishni asosiy maqsad qilib qoʻygan. Kurs ishi 3 semestrda bajariladi.