Axborotlar bilan ishlash kompetensiyasi: A2 – darslik (lug‘atlar), kutubxona hamda media manbalardan zarur ma’lumotlarni izlab topa olish, saqlash.
A2+ – darslik (lug‘atlar) hamda media manbalardan zarur ma’lumotlarni izlab topa olish, saqlash, saralash;
– foydalanishda mediamadaniyatga rioya qilish.
O‘zini o‘zi rivojlantirish kompetensiyasi: A2 – mustaqil o‘qib o‘rganish, doimiy ravishda o‘z-o‘zini jismoniy, ma’naviy rivojlantirish, ijodiylik ko‘nikmalarini oshirib borish.
A2+ – ijodiylik ko‘nikmalarini oshirib borish;
– o‘z xatti-harakatini tanqidiy baholash.
Milliy va umummadaniy kompetensiya: A2 – madaniy me’yorlarga va sog‘lom turmush tarziga hamda adabiy til me’yorlariga amal qilish.
A2+ – san’at asarlarini o‘qib tushunib, ta’sirlana olish.
Ijtimoiy faol fuqarolik kompetensiyasi: A2 – guruhlarda hamkorlikda ishlay olish va bunda muomala madaniyatiga ega bo‘lish.
A2+ – o‘zining fuqarolik burch va huquqlarini bilish.
Matematik savodxonlik, fan va texnika yangiliklaridan xabardor bo‘lish hamda foydalanish kompetensiyasi: A2 – aniq hisob-kitoblarga asoslangan holda shaxsiy rejalarini tuza olish, mavzu doirasida turli jadvalli ma’lumotlarni o‘qiy olish.
A2+ – kundalik hayotda aniq hisob-kitob bilan ish yuritish.
1-mavzu. O‘zbekistonda davlat tili va boshqa tillarning rivoji. (1 soat) Takrorlash. Unli tovushlar. Undosh tovushlar. (2 soat) O‘zbek alifbosi va imlo qoidalari. Bo‘g‘in va urg‘u. (2 soat) Leksikologiya va lug‘atshunoslik (ma’nodosh, shakldosh (omonim), zid ma’noli, yangi paydo bo‘lgan so‘zlar, iboralar, atamalar). (1 soat, A2+: 3 soat).
